კვირა, 2017-07-23, 1:37 PM
მოგესალმებით Guest

WE LOVE THIS GAME

გიორგი ცინცაძის 22 ქულის წყალობით, ტარტუს “როკმა” ესტონეთის საკალათბურთო ჩემპიონატის ნახევარფინალში თანაქალაქელ “ფაუსტოს” 84:66 სძლია და ფინალისკენ პირველი ნაბიჯი გადადგა.
ტარტუს დერბიში პირველი მეოთხედი ფრედ 21:21 დასრულდა, დარჩენილ სამ პერიოდში კი მასპინძელთა უპირატესობა დაფიქსირდა, რაც უპირველეს ყოვლისა ქართველი გამთამაშებლის დამსახურება გახლდათ.
ცინცაძემ ასპარეზობა “როკის” სასტარტო ხუთეულში დაიწყო და თითქმის შეუცვლელად, 38 წუთს ითამაშა.
გიორგიმ 3-დან 2 ორქულიანი, 5-დან 4 სამქულიანი და 6-ვე საჯარიმო ჩააგდო და 22 ქულით, 4 მოხსნით, 6 პასითა და 4 ჩაჭრით მატჩის საუკეთესო მოთამაშე გახდა.
ნახევარფინალური სერია 3 მოგებამდეა, მე-2 მატჩს კი 3 მაისს “ფაუსტოს” დარბაზი უმასპინძლებს.
კატეგორია: ახალი ამბები | თარიღი: 2008-05-02 | რეიტინგი: 0.0/0 | კომენტარები (0)

თითქმის ათწლიანი პაუზის შემდეგ, ზაზა ფაჩულიას “ატლანტა ჰოუქსმა” ეროვნული საკალათბურთო ასოციაციის (NBA) ფლეიოფში გააღწია, ქართველი ცენტრი კი ესოდენ მაღალ დონეზე სულაც პირველად ითამაშებს.
ატლანტელებს დღეს დილით არ უთამაშიათ, თუმცა, ვინიდან მათმა მთავარმა კონკურენტმა “ინდიანა პეისერზმა” “ვაშინგტონ უიზარდსთან” წაიფორხილა, “ჰოუქსს” ფლეი-ოფის საგზური ოფიციალურად ერგო.
ამგვარად, ცნობილი გახდა იმ 16-ვე გუნდის ვინაობა, რომელიც ჩემპიონატის მოგებისთვის ბრძოლა განაგრძობს.
აღმოსავლეთ კონფერენციაში ეს პატივი “ბოსტონს”, “დეტროიტს”, “ორლანდოს”, “კლივლენდს”, “ვაშინგტონს”, “ტორონტოს”, “ფილადელფიასა” და “ატლანტას” ერგოთ, დასავლეთში კი “ლეიკერსმა”, “ნიუ ორლეანმა”, “სან ანტონიომ”, “იუტამ”, “ჰიუსტონმა”, “ფენიქსმა”, “დალასმა” და “დენვერმა” იყოჩაღეს.
უკვე ცნობილია, რომ ფაჩულიას “ჰოუქსი” ფლეიოფის პირველ რაუნდში აღმოსავლეთ კონფერენციის ლიდერ “ბოსტონს” შეერკინება.
“სელტიქსმა” მიმდი ... მეტის წაკითხვა »
კატეგორია: ახალი ამბები | თარიღი: 2008-05-02 | რეიტინგი: 0.0/0 | კომენტარები (0)

ესპანეთის საკალათბურთო ნაკრების ერთ-ერთი ლიდერი ხორხე გარბახოსა პეკინის 2008 წლის ოლიმპიადაზე არ ითამაშებს. აღნიშნულის შესახებ Toronto Star-ს “ტორონტო რეპტორზის” გენერალურმა მენეჯერმა ბრაიან კოლანჯელომ განუცხადა.
“სანამ გარბახოსას “ტორონტოსთან” კონტრაქტი აკავშირებს, მის ნაკრებში გაშვებას არ ვაპირებთ. აღნიშნული გადაწყვეტილების სისწორეში გასულმა ევროპის ჩემპიონატმაც დაგვარწმუნა”, - კოლანჯელომ.
ცნობისთვის, 2007 წელს ჩატარებულ ევროპის პირველობაზე გარბახოსამ ფეხი დაიშავა, რის გამოც ეროვნული საკალათბურთო ასოციაციის (NBA) სეზონის დიდი ნაწილი გაუცდა.
ტორონტოელთა ხელმძღვანელობა ესპანელ კალათბურთელს სწორედ ამის შემდეგ უფრთხილდება.
კატეგორია: ახალი ამბები | თარიღი: 2008-05-02 | რეიტინგი: 0.0/0 | კომენტარები (0)

ზაზა ფაჩულიას “ატლანტა ჰოუქსმა” “ბოსტონ სელტიქსთან” საფელიფო სერიაში ზედიზედ 2 გამარჯვების შემდეგ, სასწაული ვეღარ მოახდინა და გასვლით შეხვედრაში 85:110 განადგურდა.
ამგვარად, ჯორჯიელები ფავორიტად შერაცხულ მეტოქეს 2:3 ჩამორჩნენ და კიდევ ერთი მარცხის შემთხვევაში, ეროვნული საკალათბურთო ასოციაციის (NBA) ფლეიოფს პირველივე რაუნდში დაემშვიდობებიან.
ბოსტონის “ბენკნორს არენაზე” გამართულ შეხვედრაში, გამარჯვებულის ვინაობა ეჭვქვეშ ერთხელაც არ დამდგარა.
18 624 ათასი ქომაგის მხარდაჭერით შეგულიანებული მასპინძლები “ჰოუქსს” პირველივე წუთებიდან ეკვეთნენ და მეტოქეს ყველა მეოთხედი მოუგეს.
ფაჩულიამ მხოლოდ 11 წუთს იასპარეზა და ამ დროშიც, თამაში აშკარად არ წაუვიდა. ზაზამ ხუთიდან მხოლოდ ერთი ტყორცნა გამოიყენა და 2 ქულის გარდა, ერთადერთი პასი მოაგროვა.
ზაზას ორჯერ დაუფარეს, მსაჯებმა კი იგი სამჯერ დააჯარიმეს.
ქართველი ცენტრის კონკურენტმა ალ ჰორფორდმა 14 ქულითა და 10 მოხსნით მორ ... მეტის წაკითხვა »
კატეგორია: ახალი ამბები | თარიღი: 2008-05-02 | რეიტინგი: 0.0/0 | კომენტარები (0)

საქართველოს კალათბურთის ფედერაციის ვებ-გვერდზე ჩატარებულმა გამოკითხვამ, 5 მაისს გასამართი “ყველა ვარსკვლავის” მატჩი-აქციის ორივე გუნდის სასტარტო ხუთეულების წევრები გამოავლინა.

დავით უსტიაშვილის გუნდი (ენერჯი ინვესტი, ვითა, დინამო)
უკანა ხაზი: გიორგი გამყრელიძე (ენერჯი ინვესტი) – 765 ხმა, ბესიკ ლეჟავა (ენერჯი ინვესტი) – 465.
ფორვარდები: ვიქტორ სანიკიძე (დინამო) – 643, მიხეილ ბერიშვილი (ვითა) – 516.
ცენტრი: იოვან სტეფანოვი (ენერჯი ინვესტი) – 643.

ნუგზარ ჭეიშვილის გუნდი (თსუ, თბილავიამშენი, მაკაბი)
უკანა ხაზი: კოტე ტუღუში (თბილავიამშენი) – 756, შიო ხეცურიანი (თსუ) – 521.
ფორვარდები: დავით ბარბაქაძე (თსუ) – 679, მიხეილ ფანჩულიძე (თსუ) – 622.
ცენტრი: რიჩარდ მათიაშვილი (თბილავიამშენი) – 644.

გამოკითხვის სრული შედეგები
დავით უსტიაშვილის გუნდი (ენერჯი ინვესტი, ვითა, დინამო)
უკანა ხაზი: გიორგი გამყრელიძე (ენერჯი ინვესტი) – 765 ხმა, ბე ... მეტის წაკითხვა »
კატეგორია: ახალი ამბები | თარიღი: 2008-05-02 | რეიტინგი: 0.0/0 | კომენტარები (0)

“ვაშინგტონ უიზარდსის” ერთ-ერთ ლიდერ ჯილბერტ არენასს მუხლის ტრავმა გაუმიზეზდა და ეროვნული საკალათბურთო ასოციაციის (NBA) ფლეიოფში გუნდს ვეღარაფრით დაეხმარება.
AP-ს ცნობით, არენასმა მუხლის ტკივილის გამო რეგულარული ჩემპიონატის დიდი ნაწილი გამოტოვა და მხოლოდ ფლეიოფის სტარტისთვის დაბრუნდა, თუმცა, საბოლოოდ მომჯობინება მაინც ვერ მოახერხა.
მიმდინარე სეზონში არენასის საშუალო მონაგარი 19.4 ქულა, 3.9 მოხსნა და 5.1 პასი გახლდათ.
კატეგორია: ახალი ამბები | თარიღი: 2008-05-02 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) აღმოსავლეთ კონფერენციის მეოთხედფინალში, “ვაშინტგონ უიზარდსმა” “კლივლენდ კავალიერსს” გასვლითი მატჩი 88:87 მოუგო და სერიაში ჩამორჩენა 2:3-მდე შეამცირა.
შეხვედრის გმირი სტუმართა ლიდერი კერონ ბატლერი გახდა, რომელმაც მოედანზე 45 წუთი დაჰყო და ვაშინგტონელებს 32 ქულა, 9 მოხსნა, 5 პასი, 2 ჩაჭრა და 1 დაფრება შესძინა.
წყალში გადაყრილი აღმოჩნდა “კავალიერსის” ვარსკვლავის ლებრონ ჯეიმსის ჩინებული გარჯა. ჯეიმსმა 44 წუთში 34 ქულა, 10 მოხსნა, 7 პასი, 1 ჩაჭრა და 2 დაფარება მიითვალა, თუმცა, მასპინძლები მარცხისგან მაინც ვერ იხსნა.
სერიის მე-6 მატჩი 3 მაისს ვაშინგტონში შედგება, ხოლო საჭიროების შემთხვევაში, გადამწყვეტ შეხვედრას 5 მაისს, კლივლენდი უმასპინძლებს.
კატეგორია: ახალი ამბები | თარიღი: 2008-05-02 | რეიტინგი: 0.0/0 | კომენტარები (0)

საქართველოს კალათბურთელთა ეროვნულ ჩემპიონატში მოასპარეზე სპორტსმენთა საოლსტარო გამოკითხვა, რომელიც ორი კვირის განმავლობაში მიმდინარეობდა, დასრულდა.
დავით უსტიაშვილის გუნდი: უკანა ხაზი – გიორგი გამყრელიძე, ბესიკ ლეჟავა (ორივე “ენერჯი ინვესტი”), ფორვარდები – ვიქტორ სანიკიძე (“დინამო”), მიხეილ ბერიშვილი (“ვითა”), ცენტრი – იოვან სტეფანოვი (“ენერჯი ინვესტი”).
ნუგზარ ჭეიშვილის გუნდი: უკანა ხაზი – კოტე ტუღუში (“თბილავიამშენი”), შიო ხეცურიანი (თსუ), ფორვარდები – დავით ბარბაქაძე, მიხეილ ფანჩულიძე (ორივე თსუ), ცენტრი – რიჩარდ მათიაშვილი (“თბილავიამშენი”).
რეგულარული ჩემპონატის დასრულების შემდეგ, პლეი ოფის დაწყებამდე, 5 მაისს, თბილისის სპორტის სასახლე სუპერლიგის ოლ სტარს უმასპინძლებს, რომელშიც XVI ეროვნულ ჩემპიონატის “ყველა ვარსკვლავი” მიიღებს მონაწილეობას.
ოლ სტარის მონაწილე გუნდები, მეოთხე წრის ცხრილის გათვალისწინებით, ლუწ-კენტებად დაჯგუფდნენ, ანუ პირველ, მესამე და მ ... მეტის წაკითხვა »
კატეგორია: ახალი ამბები | თარიღი: 2008-05-02 | რეიტინგი: 0.0/0 | კომენტარები (0)

ქართველი მანუჩარ მარკოიშვილის “ბკ კიევმა” უკრაინის საკალათბურთო ჩემპიონატის ნახევარფინალში “პოლიტექნიკა-გალიჩინა” 98:68 გაანადგურა და სერიაში 1:0 დაწინაურდა.
მარკოიშვილი ტრავმის მოშუშების შემდეგ, მოედანზე პირველად გამოჩნდა და 11 წუთში 10 ქულა და 3 მოხსნა მიითვალა.
მანუჩარმა 4-დან 2 სამქულიანი და 4-ვე საჯარიმო ჩააგდო, ორქულიანი კი გაუცუდდა.
ჩვენებურმა ბურთი ერთადერთხელ დაკარგა და მსაჯებს ერთი ჯარიმა დასტყუა.
კიეველთა რიგებში მარკოიშვილს მხოლოდ დევისმა (16 ქულა, 6 მოხსნა) და კრავცოვმა (12 ქულა, 5 მოხსნა) აჯობეს.
ნახევარფინალური სერია 3 მოგებამდე გრძელდება, მე-2 შეხვედრა კი 3 მაისს ისევ “ბკ კიევის” სარბიელზე შედგება.

კატეგორია: ახალი ამბები | თარიღი: 2008-05-02 | რეიტინგი: 0.0/0 | კომენტარები (0)

ესპანეთის საკალათბურთო ჩემპიონატის ბოლოსწინა ტურში ტაირონ ელისის “კახასოლმა” “უნიკახას” 87:83 სძლია, საქართველოს ნაკრების ამერიკელმა გამთამაშებელმა კი 18 ქულის მოგროვება შეძლო.
ელისმა 30 წუთს ითამაშა და 7-დან 5 სამქულიანი და 4-დან 3 საჯარიმო ჩააგდო, 2 ორქულიანი კი ააცილა.
მასპინძელთა რიგებში ტაირონს მხოლოდ მაილსმა (23 ქულა) აჯობა, სტუმართა რიგებში საუკეთესო კაბეზასმა კი 18 ქულა დააგროვა.
33 ტურის თავზე “კახასოლს” 14 მოგება და 19 მარცხი გააჩნია და მე-10 ადგილზე იმყოფება.

კატეგორია: ახალი ამბები | თარიღი: 2008-05-02 | რეიტინგი: 0.0/0 | კომენტარები (0)

« 1 2 ... 13 14 15 16 »
მენიუ
კატეგორიები
ახალი ამბები
ვიდეოები
სურათები
ბიოგრაფიები
მნიშვნელოვანი ფაქტები
ინტერვიუები
ავტორიზაცია
კალენდარი
«  ივლისი 2017  »
კვიორშსამოთხხუთპარშაბ
      1
2345678
9101112131415
16171819202122
23242526272829
3031
ძიება
მეგობრები
სტატისტიკა

სულ საიტზეა: 1
სტუმრები: 1
წევრები: 0
გამოკითხვა
საუკეთესო ქართველი კალათბურთელი
ხმების რაოდენობა: 678
მინი ჩეთი