Main » 2008 » მაისი » 2 » ქართული ALL STAR ის ხუთეულები ცნობილია
ქართული ALL STAR ის ხუთეულები ცნობილია
9:38 PM
საქართველოს კალათბურთელთა ეროვნულ ჩემპიონატში მოასპარეზე სპორტსმენთა საოლსტარო გამოკითხვა, რომელიც ორი კვირის განმავლობაში მიმდინარეობდა, დასრულდა. დავით უსტიაშვილის გუნდი: უკანა ხაზი – გიორგი გამყრელიძე, ბესიკ ლეჟავა (ორივე “ენერჯი ინვესტი”), ფორვარდები – ვიქტორ სანიკიძე (“დინამო”), მიხეილ ბერიშვილი (“ვითა”), ცენტრი – იოვან სტეფანოვი (“ენერჯი ინვესტი”). ნუგზარ ჭეიშვილის გუნდი: უკანა ხაზი – კოტე ტუღუში (“თბილავიამშენი”), შიო ხეცურიანი (თსუ), ფორვარდები – დავით ბარბაქაძე, მიხეილ ფანჩულიძე (ორივე თსუ), ცენტრი – რიჩარდ მათიაშვილი (“თბილავიამშენი”). რეგულარული ჩემპონატის დასრულების შემდეგ, პლეი ოფის დაწყებამდე, 5 მაისს, თბილისის სპორტის სასახლე სუპერლიგის ოლ სტარს უმასპინძლებს, რომელშიც XVI ეროვნულ ჩემპიონატის “ყველა ვარსკვლავი” მიიღებს მონაწილეობას. ოლ სტარის მონაწილე გუნდები, მეოთხე წრის ცხრილის გათვალისწინებით, ლუწ-კენტებად დაჯგუფდნენ, ანუ პირველ, მესამე და მეხუთე ადგილებზე გასულები, მეორე, მეოთხე და მეექვსეს წინააღმდეგ ითამაშებენ. ოლ სტარის მონაწილე გუნდებს, პირობითად, მწვრთნელთა სახელები დაერქვათ – დავით უსტიაშვილის (“ენერჯი ინვესტი”) გუნდი, ნუგზარ ჭეიშვილის (თსუ) წინააღმდეგ. უსტიაშვილის გუნდში “ენერი ინვესტის”, “ვითასა” და “დინამოს”, ხოლო ჭეიშვილთან თსუ, “თბილავიამშენისა” და “მაკაბის” რჩეული კალათბურთელები იასპარეზებენ. კალათბურთის ფედერაციის ვებგვერდზე, ნებისმიერ გულშემატკივარს შეეძლო ხმა სათავისო ხუთეულისთვის მიეცა. სარეიტინგო გამოკითხვას, მხოლოდ ხუთეულის წევრები უნდა გამოევლინა, დანარჩენ 7-7 მოთამასეს კი, უსტიაშვილი და ჭეიშვილი დაასახელებენ.
საქართველოს კალათბურთელთა ეროვნულ ჩემპიონატში მოასპარეზე სპორტსმენთა საოლსტარო გამოკითხვა, რომელიც ორი კვირის განმავლობაში მიმდინარეობდა, დასრულდა.
