პარასკევი, 2024-03-29, 12:05 PM
მოგესალმებით Guest

WE LOVE THIS GAME

Main » 2008 » მაისი » 3 » ზაზა ფაჩულია: “ბოსტონში მოსაგებად მივდივართ”
ზაზა ფაჩულია: “ბოსტონში მოსაგებად მივდივართ”
5:32 PM
უკანასკნელი ცხრა წლის განმავლობაში ეროვნული საკალათბურთო ასოციაციის (NBA) ფლეიოფში პირველად გასულმა ზაზა ფაჩულიას “ატლანტა ჰოუქსმა”, რეგულარული ჩემპიონატის გამარჯვებულ “ბოსტონ სელტიქსს” სერიის მე-3 მატჩი მოუგო და ანგარიში გაათანაბრა, ქართველმა ცენტრმა კი 9 ქულა და 6 მოხსნა მიითვალა.
ჯორჯიელებმა სერიის გასვლითი მატჩები საშუალოდ 22 ქულის სხვაობით დათმეს, თუმცა, შინაურ “ფილიპს არენაზე” შეუდარებლად გამოიყურებოდნენ და დარბაზში შეკრებილი 20 425 ქომაგი აღტაცებაში უკვე მესამედ მოიყვანეს.
ამჯერად, “ჰოუქსმა” დრამატულ მატჩში 103:100 იმარჯვა, გადამწყვეტი სამქულიანი კი ჯო ჯონსონმა შეხვედრის დასრულებამდე 1.07 წუთით ადრე ჩააგდო და საერთო ანგარიში 3:3 გახადა.
საფინალო სირენის შემდეგ, ფაჩულიამ ხელთ მიკროფონი იგდო და გამაყრუებელ ღრიანცელში გულშემატკივარს შესძახა, ჩვენ მე-7 მატჩის მოსაგებად მივდივართო, რამაც ფანები სულ მთლად გადარია.
ქართველი ცენტრი ჩინებულ განწყობაზე გახლდათ და ეს გასაკვირიც არ ყოფილა. ზაზას საფლეიოფო სერიაში მისთვის სარეკორდო 28 წუთი და 22 წამი დაუთმეს, რაც ჩვენებურმა ჩინებულად გამოიყენა.
ფაჩულიამ 4-დან 3 ორქულიანი და 7-დან 3 საჯარიმო ჩააგდო, 9 ქულას კი 6 მოხსნა (მათ შორის 4 შეტევაში) და 2 ჩაჭრა წაამატა. ქართველმა კალათბურთელმა 4 პერსონალური ჯარიმა მიიღო, ხოლო ბურთი მხოლოდ ერთხელ დაკარგა.
აღსანიშნავია, რომ ზაზას მოედანზე ყოფნის პერიოდში “ჰოუქსმა” მეტოქეზე 11 ქულით მეტი ჩააგდო, რა მაჩვენებლითაც ჩვენებურმა მატჩის ყველა მონაწილეს აჯობა.
“გუნდში ჩინებული განწყობაა და მეც ამაღლებულ ხასიათზე ვარ. ბოსტონში ზედიზედ სამი მატჩი წავაგეთ და იმედია, საგარეო შეხვედრებიდან ერთში მაინც ვიმარჯვებთ. ძალიან დასანანი იქნება, თუკი ამხელა პერიპეტიების შემდეგ, სერიას მარცხით დავასრულებთ”, - აღნიშნა გახარებულმა ფაჩულიამ.
აშკარა ფავორიტად შერაცხულ “სელტიქსთან” “ჰოუქსმა” სამივე შეხვედრაში გუნდური სულისკვეთების ხარჯზე იმარჯვა და აღნიშნულზე უკანასკნელი მატჩის სტატისტიკაც მოწმობს.
ფაჩულიას 9 ქულას უილიამსმა 18 ქულა წაამატა, ბიბიმ – 17, ჰორფორდმა – 16, ჯონსონმა და ჩილდრესმა – 15-15, ხოლო სმიტმა – 11. ბოსტონელთა რიგებში გამორჩეული კვლავაც სუპერსამეული გახლდათ – გარნეტი (22 ქულა), ალენი (20) და პირსი (17).
“ჰოუქსისა” და “სელტიქსის” გადამწყვეტ შეხვედრას კვირა საღამოს, თბილისის დროით 21:00 საათზე ბოსტონის არენა უმასპინძლებს.
Category: ახალი ამბები | Views: 1159 | Added by: KICKER | Rating: 0.0/0 |
Total comments: 0
Name *:
Email *:
Code *:
მენიუ
კატეგორიები
ახალი ამბები
ვიდეოები
სურათები
ბიოგრაფიები
მნიშვნელოვანი ფაქტები
ინტერვიუები
ავტორიზაცია
კალენდარი
«  მაისი 2008  »
კვიორშსამოთხხუთპარშაბ
    123
45678910
11121314151617
18192021222324
25262728293031
ძიება
კონტაქტი




მეგობრები
სტატისტიკა

სულ საიტზეა: 1
სტუმრები: 1
წევრები: 0
გამოკითხვა
საუკეთესო ქართველი კალათბურთელი
ხმების რაოდენობა: 678
მინი ჩეთი