სამშაბათი, 2017-04-25, 11:27 PM
მოგესალმებით Guest

WE LOVE THIS GAME

Main » 2008 » მაისი » 4 » ზაზა ფაჩულია ამაყობს რომ ის ქართველია
ზაზა ფაჩულია ამაყობს რომ ის ქართველია
9:47 AM
ნბა-ს პლეი ოფში რის ვაი-ვაგლახით შესულმა ”ატლანტა ჰოუქსმა” 29.04.2008 საკალათბურთო საზოგადოება გააოცა - ”ბოსტონ სელტიქსი” შინ მეორედ დაამარცხა და მერვედფინალურ სერიაში ანგარიში გაათანაბრა – 2:2

ამერიკელები არანაკლებ გააოგნა ზაზა ფაჩულიას მოქმედებამ. ქართველმა ცენტრმა კევინ გარნეტს იდაყვის ჩარტყმა არ შეარჩინა და, როგორც ”ატლანტას” ერთ-ერთი ქომაგი წერს, კევინს ვალი ზინედინ ზიდანის ილეთით დაუბრუნა.

ფაჩულიასა და გარნეტის ჩხუბს ცალკე სტატია მიეძღვნა ატლანტურ გაზეთ ”კონსტიტუშენში”

”მეოთხე მატჩამდე ”ჰოქსსა” და ”სელტიქსს” თანაბარ გუნდებად არავინ თვლიდა, მაგრამ ბოლო თამაშმა ბევრს აზრი შეაცვლევინა. ზაზა ფაჩულიასა და კევინ გარნეტის შეხლა-შემოხლამაც ნათლად დაგვანახვა, რომ ჯორჯიელები არაფრის დამთმობნი არ არიან.

დიდ შესვენებამდე 7:24 წუთით ადრე ”ბოსტონის” ფარზე ბურთისთვის ბრძოლისას განეტმა ზაზას მკერდში იდაყვი უთავაზა. ქართველმა ცენტრმა საპასუხოდ, შეძახილითა და თავით გაიწია მეტოქისკენ. ისინი თავებმიბჯენილები მანამ იდგნენ მოედანზე, სანამ მოედანზე მწვრთნელები არ შეცვივდნენ და მხარეები არ დააშოშმინეს. გაცხარებული ფაჩულია მოედნიდან მწვრთნელმა, მაიკ ვუდსონმა გაიყვანა. ისეთი შთაბეჭდილება რჩებოდა, რომ მწვრთნელი შეგირდზე არათუ გაბრაზებული, არამედ მისით კმაყოფილიც კი იყო”.

ამ ინციდენტს მატჩის შემდეგ ზაზა ფაჩულია ასე გამოეხმაურა: ”ყველამ ვიცით, რომ გარნეტი დიდი კალათბურთელია. ლიგისთვის ბევრი გაუკეთებია და მომავალში დიდების დარბაზშიც უნდა მოხვდეს, მაგრამ ყოველივე ამას ჩემთვის არანაირი მნიშვნელობა არ აქვს, როცა მოედანზე მის წინააღმდეგ მიწევს თამაში. არაფრის დათმობას არც მე ვაპირებ და არც ”ჰოუქსი”. სერიაში შესაძლოა საბოლოოდ დავმარცხდეთ, მაგრამ ”ბოსტონს წინ დიდი ბრძოლა ელის”.

გარნეტთან დაპირისპირების თემაზე ზაზამ მატჩისშემდგომ ინტერვიუში საინტერესო პასუხი გასცა ამერიკელ ჟურნალისტს. ეს შეგიძლიათ ინტერვიუში იხილოთ, მანამდე კი ”კონსტიტუშენში” გამოქვეყნებულ გულშემატკივართა რეაქციებსაც გავეცნოთ:

ბრედლი: ”შეიძლება ზაზა ფაჩულია ლიგაში ბევრს არაფერს აკეთებს, მაგრამ დღეიდან ის ჩემი საყვარელი კალათბურთელია”.

ჯაკეტი: ”მთელი სეზონის განმავლობაში ზაზა არ მომწონდა, მაგრამ მისი მოქმედებით მეც ვამაყობ – კევინ გარნეტის შეშინება ყველას არ შეუძლია”.

ჯორჯი: ”იმის თქმა, რომ ფაჩულია ლიგაში არაფერს წარმოადგენს, არ არის ლამაზი. იგი ურიგო კალათბურთელი არ გახლავთ... არც გარნეტია მსოფლიოში საუკეთესო, თუნდაც იმიტომ, რომ მას კარიერაში ღირებული არაფერი მოუგია”.

გრანტერი: ”დაინახეთ? – ზაზამ გარნეტი ერთი შეტევით ქალად აქცია”.

ამ საუბრებს ზაზაც კითხულობდა და ქომაგთა შორის საკუთარი აზრიც დააფიქსირა: ”მინდა აღვნიშნო, რომ ის, რაც გავაკეთე, თქვენთვის და გუნდისთვის ჩავიდინე და კევინ გარნეტი... იგი მიუწვდომელი ნამდვილად აღარაა”.

”ატლანტას” გასახდელში ზაზას შესახებ კომენტარი გააკეთა მისმა თანაგუნდელმა ჯო ჩალდერსმა: ”ფაჩულიამ ყველაფერი გააკეთა იმისათვის, რომ გუნდს დახმარებოდა. მისი საქციელი დასაფასებელია”.

უშუალოდ ”ბოსტონთან” მატჩზე და გუნდის შანსებზე ზაზა ფაჩულიამაც ისაუბრა.

კევინ გარნეტთან დაპირისპირებას როგორ შეაფასებთ?
- იგი ვარსკვლავია და ”ბოსტონისთვის” დიდ ძალას წარმოადგენს. მეც მეფარე ვარ და როცა მოედანზე ვიმყოფები, ჩემი ფუნქცია გარნეტის განეიტრალებაა. იმ ეპიზოდშიც მხოლოდ გუნდის დახმარებას ვცდილობდი.

ბევრი არ მოელოდა, რომ კევინს მის მოქმედებას არ შეარჩენდით...
- მე ჯორჯიელი ვარ, საქართველოდან! ესაა ამ კითხვის პასუხი.

მომდევნო ეტაპზე გასვლის შანსებზე რას იტყოდით?
- მეოთხე მატჩმა გვიჩვენა, რომ ”ბოსტონი” ფავორიტი არ არის. მომავალ მატჩებში ყველაფერი შეიძლება მოხდეს. ყველაფერი თავიდან იწყება. შესაძლოა, მომდევნო ეტაპზე მაინც ”სელტიქსი” გავიდეს, მაგრამ უბრძოლველად არაფერს დავთმობთ.


წყარო გაზეთი "ლელო"

Category: ახალი ამბები | Views: 488 | Added by: KICKER | Rating: 5.0/1 |
Total comments: 2
2  
midi zazuch! mama xaar! qartveli vajkaci.

1  
მაგარი კაცია რა wacko ისე ვინ ჩემი ... კევინ გარნეტი რო ქართველის არ შეეშინდეს smile

Name *:
Email *:
Code *:
მენიუ
კატეგორიები
ახალი ამბები
ვიდეოები
სურათები
ბიოგრაფიები
მნიშვნელოვანი ფაქტები
ინტერვიუები
ავტორიზაცია
კალენდარი
«  მაისი 2008  »
კვიორშსამოთხხუთპარშაბ
    123
45678910
11121314151617
18192021222324
25262728293031
ძიება
კონტაქტი




მეგობრები
სტატისტიკა

სულ საიტზეა: 1
სტუმრები: 1
წევრები: 0
გამოკითხვა
საუკეთესო ქართველი კალათბურთელი
ხმების რაოდენობა: 678
მინი ჩეთი