ეროვნული საკალათბურთო ასოციაციის (NBA) წევრ “შარლოტ ბობქეთსის” მთავარ მწვრთნელად სახელოვანი ლარი ბრაუნი დაინიშნა, რომელიც უკანასკნელ ხანს “ფილადელფია სიქსერზის” პრეზიდენტად მუშაობდა. AP-ს ცნობით, ხსენებულ პოსტზე 67 წლის ბრაუნმა სემ ვინსენტი შეცვალა, რომელიც უხეირო შედეგების გამო დაითხოვეს. გამოცდილი სპეციალისტის მთავარი მიზანი მომავალ სეზონში “შარლოტის” ფლეიოფში გაყვანა იქნება.
