პარასკევი, 2024-03-29, 12:24 PM
მოგესალმებით Guest

WE LOVE THIS GAME

Main » 2008 » მაისი » 4 » ინტერვიუ ლებრონ ჯეიმსთან
ინტერვიუ ლებრონ ჯეიმსთან
7:00 PM

ის ეროვნული საკალათბურთო ასოციაციის მთავარი ვარსკვლავია. მას “მეფეს” და “რჩეულს” უწოდებენ. საშუალოდ მატჩში 30-ზე მეტ ქულას აგროვებს. უკვე აღარ ადარებენ მაიკლ ჯორდანს, რადგან ეს თემა მობეზრებულია და მას დამოუკიდებლად აფასებენ. მისი დიდება უკვე ყოველგვარ საზღვრებს გასცდა. მის ფოტოებს მოდური ჟირნალების ყდებზე ბეჭდავენ. მან 90-მილიონიანი კონტრაქტი გააფორმა “ნაიკთან”. ის ორი შვილის მამაა.. რაც ყველაზე საინტერესოა, ჯერ მხოლოდ 23 წლისაა.
ეროვნული საკალათბურთო ასოციაციის საუკეთესო ბომბარდირს, ლებრონ ჯეიმსს წელს კიდევ ერთი სიმაღლე ექნება დასაპყრობი - აგვისტოში მას და “დრიმ თიმს” პეკინის ოლიმპიადა ელით. სწორედ ამ თემით იწყება “კლივლენდის” ლიდერის ინტერვიუ.

-ნაკრებში მისი ისტორიის ყველაზე რთულ და უარეს პერიოდში მიხვედით - წაგებული ოლიმპიადა, ჩაგდებული მსოფლიო ჩემპიონატი… რა ელოდება “დრიმ თიმს” წლევანდელ ოლიმპიადაზე?
-ამერიკას ყოველთვის ერთი მიზანი აქვს - ოქრო. ასე იყო ამერიკული კალათბურთის მთელი ისტორიის მანძილზე და ასე იქნება ამჟამადაც. მხოლოდ გამარჯვებაზე ვფიქრობთ. გარდა პირველისა, სხვა ადგილი არ დაგვაკმაყოფილებს. და ნუ ინერვიულებთ: ჩვენი გუნდის და მისი მწვრთნელების დონე ამ ამოცანას შეესაბამება.
- წინა წლებში არ შეესაბამებოდა?
- ჩემი აზრით, ადრე ვერ ვაცნობიერებდით საერთაშორისო ტურნირების მნიშვნელობას. ოლიმპიადები და მსოფლიო ჩემპიონატი იმაზე ნაკლებად გვაინტერესებდა, ვიდრე NBA-ის სეზონისთვის მზადება. ახლა კი გვესმის, რამდენად მნიშვნელოვანია ოლიმპიადა, თანაც არა მარტო ამერიკული კალათბურთისთვის, არამედ მთელი ქვეყნისთვის. ნაკრების თამაშების მიმართ ჩვენი დამოკიდებულება შეიცვალა. ეს გასულ წლს, ლას ვეგასში გამართულ ამერიკის ჩემპიონატზეც იგრძნობოდა.
- აზრის შეცვლისკენ რამ გიბიძგათ? ნაკრების წაგებებმა თუ NBA-ში კლიმატის შეცვლამ?
- ბევრმა რამემ, კულტურაც შეიცვალა და ახლა ნაკრებში მოთამაშეები სულ სხვა აზროვნებით მიდიან.
- თქვენ გუნდში გამთამაშებელის პოზიციაზე უდიდესი კონკურენცია იქნება. როგორც ფიქრობთ, საბოლოოდ ვის აირჩევენ? ჯეისონ კიდს ვიხილავთ პეკინში?
- დარწმუნებული ვარ, რომ ასე იქნება - ჯეისონი ხელშეუხებელია. ყოველთვის მონაწილეობს ვარსკვლავების მატჩებში და ლიგის ერთ-ერთი საუკეთესო პირველი ნომერია. აქ ფიქრიც კი არ არის საჭირო. კიდევ ვინ? ძნელი სათქმელია. კრის პოლი, დერონ უილიამსი, ჩონსი ბილაპსო… ბოკლედ, მწვრთნელებს დიდი თავსატეხი ელით.
- ვის მიიჩნევთ ოლიმპიადაზე მთავარ კონკურენტად?
- ევროპაშო და სამხრეთ ამერიკაში ძლიერი ნაკრებები არიან. მაგრამ მეტოქეებზე არ ვფიქრობთ და მათ ფავორიტებად და აუთსაიდერებად არ ვყოფთ. ამერიკის ნაკრები - აი ეს არის დანარჩენებისთვის მთავარი მოწინააღმდეგე!

- NBA-ში გამოჩენისთანავე, ლიგის ერთ-ერთ საუკეთესო კალათბურთელად იქეცით. მაგრამ წელს, თქვენმა შედეგიანობამ ასტრონომიულ სიმაღლეებს მიაღწია. რა შეიცვალა თქვენს თამაშში?
- ეს ის არის, რასაც “კომფორტის დონე” ეწოდება. მე მგონია, სწორედ ამ სიმაღლეზე გავედი. მოთამაშე გრძნობს, როდის წაუვიდეს ტყორცნა, როგორ აღმოჩნდეს საჭირო ადგილას, როგორ მისცეს თავის თავს წარმატების მიღწევის შანსი. ამისათვის დრო და დიდი პრაქტიკაა საჭირო. გამიმართლა იმ მხრივ, რომ როგორც კი ადრეულ ასაკში NBA-ში გადავედი, მაშინვე სასტარტო ხუთეულში მოვხვდი და ბევრი სათამაშო დრო მომცეს. ასეთ ფუფუნებაზე ბევრი ვერ იოცნებებს. ხოლო, რაც უფრო მეტს თამაშობს, მით უფრო გემატება დამაჯერებლობა. ახლა მე უფრო უკეთ ვგრძნობ ტყორცნას საშუალო დისტანციიდან, უკეთ მესმის, როგორ უნდა ვიმოქმედო ფარქვეშ.
- ჯანმრთელობის მდგომარეობის მხრივ როგორ არის საქმე? მუხლები არ გაწუხებთ?
- უკეთესად შეიძლება. მაგრამ ვთამაშობ. აი ჩემი დიაგნოზი.

- ცოტა ხნის წინ, მოდურ ჟურნალ Vogue-ის გარეკანზე მოხვდით. ეს გამოცემა 100 წლისაა, მაგრამ აქამდე მსგავსი პატივი მხოლოდ ოდ მამაკაცს - მსახიობებს რიჩარდ გირსა და ჯორჯ ქლუნის ერგოთ…
- ეს ჩემთვისაც კაია და მთლიანად კალათბურთისთვისაც. მე ჯანმრთელი, ლამაზი მამაკაცი ვარ, მოდას მივდევ, ამ სფეროში შესანიშნავად ვერკვევი. ასე რომ, სწორად მოიქცნენ მე და ჟიზელი (ჟიზელ ბუნდჰენი - ბრაზილიელი სუპერმოდელი და ამერიკული ფეხბურთის ვარსკვლავის, ტომ ბრედის მეგობარი - რედ.) მოდის შესახებ მსოფლიოში საუკეთესო ჟურნალების ყდისთვის ფოტოების გადასაღებად მიგვიწვიეს.
- ტომ ბრედის უარი არ უთქვამს? ფოტოებზე თითქოს მის მეგობარ გოგონას ეხვევით.
- ის გადაღებას არ ესწრებოდა. თანაც რა პრეტენზია უნდა გასჩენოდა ?! ფოტოსესია სულ რამდენიმე წუთი გაგრძელდა. გარდა ამისა, ჩვენ ამის შესახებ უკვე ველაპარაკეთ ერთმანეთს.
- მოდების ჟურნალი, ჟიზელ ბუნდჰენი… იდეალური მასალაა გასახდელში ხუმრობისათვის. თანაგუნდელებს, ალბათ, უკვე მიზანში ჰყავხართ ამოღებული...
- ჟურნალი ჯერ არ გამოსულა. ვნახოთ. ვფიქრობ ის ბიჭები, რომლებიც მოდაში კარგად ერკვევიან, გამიგებენ და დადებითად შეაფასებენ ამ ყველაფერს. ხოლო ისინი, რომლებიც ვერ ერკვევიან - მახვილგონივრულობაში წაივარჯიშებენ. აი მაგალითად, დეიმონ ჯონსი აღფრთოვანებული დარჩება, ის მოდის აქტიური მიმდევარია.
- თავის დროზე NBA-ის მთავარი კოპწია შაკილ ო’ნილი იყო. როგორ ფიქრობთ, ის უკან ჩამოტოვეთ?
- არ ვიცი. ვფიქრობ, მე და შაკს განსხვავებული სტილი გვაქვს. მის გარდერობში არ შემიხედავს. რაც მთავარია, საკუთარი გემოვნებით ძალიან ვამაყობ.

წყარო: გაზეთი “სპორტ ინფო”

Category: ახალი ამბები | Views: 1013 | Added by: kabalik_admin | Rating: 0.0/0 |
Total comments: 0
Name *:
Email *:
Code *:
მენიუ
კატეგორიები
ახალი ამბები
ვიდეოები
სურათები
ბიოგრაფიები
მნიშვნელოვანი ფაქტები
ინტერვიუები
ავტორიზაცია
კალენდარი
«  მაისი 2008  »
კვიორშსამოთხხუთპარშაბ
    123
45678910
11121314151617
18192021222324
25262728293031
ძიება
კონტაქტი




მეგობრები
სტატისტიკა

სულ საიტზეა: 1
სტუმრები: 1
წევრები: 0
გამოკითხვა
საუკეთესო ქართველი კალათბურთელი
ხმების რაოდენობა: 678
მინი ჩეთი