შაბათი, 2017-11-18, 11:11 AM
მოგესალმებით Guest

WE LOVE THIS GAME

Main » 2008 » მაისი » 4 » ქართული “ოლ სტარი” ხვალ გაიმართება
ქართული “ოლ სტარი” ხვალ გაიმართება
9:12 PM
საქართველოს ვაჟ კალათბურთელთა XVI ეროვნულ ჩემპიონატში მოასპარეზე სპორტსმენებით დაკომპლექტებული “ყველა ვარსკვლავის” მატჩი-აქცია, ხვალ, 5 მაისს, თბილისის სპორტის სასახლეში 15 საათზე დაიწყება.
გუნდები სუპერლიგის მე-4 წრის დასრულების შემდეგ დაკავებული კენტი და ლუწი ადგილების მიხედვით გადანაწილდნენ. პირობითად “კენტების” (ენერჯი ინვესტი, ვითა, დინამო) რჩეული კალათბურთელების ნაკრებს დავით უსტიაშვილის (ენერჯი ინვესტი), ხოლო “ლუწებისას” (თსუ, თბილავიამშენი, მაკაბი) ნუგზარ ჭეიშვილის (თსუ) გუნდი ჰქვია.
თითოეული გუნდის სასტარტო ხუთეულების შერჩევა, კალათბურთის ფედერაციის ვებგვერდზე (წწწ.გბტ.გე) რამდენიმე კვირის განმავლობაში მიმდინარეობდა და მასში მონაწილეობა ნებისმიერ მსურველს შეეძლო. რაც შეეხებათ სათადარიგოებს, მათი შერჩევის უფლება მწვრთნელებს - უსტიაშვილსა და ჭეიშვილს ჰქონდათ. მათ თითოეული გუნდიდან, მაქსიმუმ 3 კალათბურთელის აყვანის უფლება მიეცათ. საბოლოოდ ქართულ “ოლ სტარში” მონაწილე გუნდებმა ასეთი სახე მიიღეს:
უსტიაშვილის გუნდი
სასტარტო ხუთეული: უკანა ხაზი - გიორგი გამყრელიძე, ბესიკ ლეჟავა (ორივე, ენერჯი ინვესტი), ფორვარდები - მიხეილ ბერიშვილი (ვითა), ვიქტორ სანიკიძე (დინამო), ცენტრალური თავდამსხმელი - იოვან სტეფანოვი (ენერჯი ინვესტი).
სათადარიგოები: ზვიად ბაბიაშვილი, მიხეილ ჩიტაშვილი, რამაზ გოგობერიშვილი (სამივე “ენერჯი ინვესტი”), გიორგი გულისაბედაშვილი (დინამო), ვლადიმერ ბეჟანიშვილი, გიორგი მარკოიშვილი, გიორგი მარხვაშვილი (სამივე, ვითა).
ჭეიშვილის გუნდი:
სასტარტო ხუთეული: უკანა ხაზი - კოტე ტუღუში (თბილავიამშენი), შიო ხეცურიანი (თსუ), ფორვარდები - დავით ბარბაქაძე, მიხეილ ფანჩულიძე (ორივე თსუ), ცენტრალური თავდამსხმელი - რიჩარდ მათიაშვილი (თბილავიამშენი), სათადარიგოები: სოსო შერმადინი, ირაკლი ბერიშვილი, ზურა კორკოტაძე (სამივე “მაკაბი”), პლასიდე როდუმტა, თორნიკე ნინიაშვილი (ორივე “თბილავიამშენი”), დავით ბერიშვილი, ირაკლი კეიდია (ორივე თსუ).
ტრადიციულად, ამჯერადაც გაიმართება რამდენიმე საინტერესო კონკურსი, რომელთა გამარჯვებულებიც სპეციალურ ჯილდოებს მიიღებენ. შარშანდელი სამქულიანების კონკურსში დავით ბარბაქაძემ მოიგო, წინაღობების კონკურსში ყველას თსუ-ს გამთამაშებელმა, სუპერლიგის ყველაზე ტანმორჩილმა კალათბურთელმა დავით არწივიძემ აჯობა.
შარშანდელი “ოლ სტარის” საუკეთესო კალათბურთელი გიორგი მარკოიშვილი გახდა.
Category: ახალი ამბები | Views: 452 | Added by: KICKER | Rating: 0.0/0 |
Total comments: 1
1  
ძაან მაგარი იქნება საყურებლად ვინმე აპირებთ წასვლას?

Name *:
Email *:
Code *:
მენიუ
კატეგორიები
ახალი ამბები
ვიდეოები
სურათები
ბიოგრაფიები
მნიშვნელოვანი ფაქტები
ინტერვიუები
ავტორიზაცია
კალენდარი
«  მაისი 2008  »
კვიორშსამოთხხუთპარშაბ
    123
45678910
11121314151617
18192021222324
25262728293031
ძიება
კონტაქტი




მეგობრები
სტატისტიკა

სულ საიტზეა: 1
სტუმრები: 1
წევრები: 0
გამოკითხვა
საუკეთესო ქართველი კალათბურთელი
ხმების რაოდენობა: 678
მინი ჩეთი