საქართველოს ვაჟ კალათბურთელთა XVI ეროვნული ჩემპიონატის ფინალური სერიის მესამე შეხვედრას თბილისმა უმასპინძლა. ქვეყნის ჩემპიონმა “ენერჯი ინვესტმა”, ოვერ ტაიმში 83:77 მოუგო ვიცეჩემპიონ “თბილავიამშენს” და სერიაში 2:1 დაწინაურდა. ოვერ ტაიმის დასრულებამდე 3 წუთისა და 44 წამით ადრე, მატჩი რამდენიმე წუთით შეწყდა. ფინალური სერიის პირველ შეხვედრაში დაწყებული ჩხუბი, ამჯერად გააგრძელეს “თბილავიამშენის” ცენტრალურმა თავდამსხმელმა რიჩარდ მათიაშვილმა და “ენერჯი ინვესტის” უკანახაზელმა ბესიკ ლეჟავამ. ხულიგნობისთვის, მსაჯმა ორივე გააძევა მოედნიდან, რომლებიც, მინიმუმ, ერთ შეხვედრას გამოტოვებენ და 200-200 ამერიკული დოლარის ექვივალენტი ლარით დაჯარიმდებიან. 39 ქულითა და 14 მოხსნით, მატჩის საუკეთესო კალათბურთელი იყო “თბილავიამშენის” სერბი ლეგიონერი, იოვან სტეფანოვი. მეტოქე გუნდის მხრიდან, 22 ქულითა და 12 მოხსნით, ყველაზე შედეგიანი კალათბურთელი გახდა კოტე ტუღუში. 13 ქულითა და 12 მოხსნით, ორმაგი დუბლი გააკეთა ტუღუშის თანაგუნდელმა რიჩარდ მათიაშვილმა. “ენერჯი ინვესტი” - “თბილავიმაშენის” მეოთხე შეხვედრა 23 მაისს, 15:15 საათზე, თბილისის სპორტის სასახლეში ჩატარდება. აღსანიშნავია, რომ მატჩის წინ, მის 60 წლისთავთან დაკავშირებით, საქართველოს დამსახურებული მწვრთნელი ვაჟა მხეიძე საპატიო სიგელით დააჯილდოვეს, რომელიც მას, კალათბურთის ფედერაციის პრეზიდენტმა ბესიკ ლიპარტელიანმა გადასცა.
საქართველოს ვაჟ კალათბურთელთა XVI ეროვნული ჩემპიონატის ფინალური სერიის მესამე შეხვედრას თბილისმა უმასპინძლა. ქვეყნის ჩემპიონმა “ენერჯი ინვესტმა”, ოვერ ტაიმში 83:77 მოუგო ვიცეჩემპიონ “თბილავიამშენს” და სერიაში 2:1 დაწინაურდა. ოვერ ტაიმის დასრულებამდე 3 წუთისა და 44 წამით ადრე, მატჩი რამდენიმე წუთით შეწყდა. ფინალური სერიის პირველ შეხვედრაში დაწყებული ჩხუბი, ამჯერად გააგრძელეს “თბილავიამშენის” ცენტრალურმა თავდამსხმელმა რიჩარდ მათიაშვილმა და “ენერჯი ინვესტის” უკანახაზელმა ბესიკ ლეჟავამ. ხულიგნობისთვის, მსაჯმა ორივე გააძევა მოედნიდან, რომლებიც, მინიმუმ, ერთ შეხვედრას გამოტოვებენ და 200-200 ამერიკული დოლარის ექვივალენტი ლარით დაჯარიმდებიან. 39 ქულითა და 14 მოხსნით, მატჩის საუკეთესო კალათბურთელი იყო “თბილავიამშენის” სერბი ლეგიონერი, იოვან სტეფანოვი. მეტოქე გუნდის მხრიდან, 22 ქულითა და 12 მოხსნით, ყველაზე შედეგიანი კალათბურთელი გახდა კოტე ტუღუში. 13 ქულითა და 12 მოხსნით, ორმაგი დუბლი გააკეთა ტუღუშის თანაგუნდელმა რიჩარდ მათიაშვილმა. “ენერჯი ინვესტი” - “თბილავიმაშენის” მეოთხე შეხვედრა 23 მაისს, 15:15 საათზე, თბილისის სპორტის სასახლეში ჩატარდება.
