Main » 2008 » მაისი » 23 » მარკოიშვილი ფინალის მესამე მატჩში უქულოდ დარჩა
მარკოიშვილი ფინალის მესამე მატჩში უქულოდ დარჩა
1:13 AM
მანუჩარ მარკოიშვილის “ბკ კიევმა” უკრაინის საკალათბურთო ჩემპიონატის ფინალურ სერიაში მარიუპოლის “აზოვმაშთან” გასვლითი მატჩი 65:67 დათმო და მეტოქეს 1:2 ჩამორჩა. კიეველებმა შეხვედრის პირველი ნახევარი 10 ქულის სხვაობით წააგეს და მიუხედავად იმისა, რომ დარჩენილ დროში ანგარიშის გათანაბრება მოახერხეს, საბოლოო წარმატებამდე მცირედი დააკლდათ. თამაში აშკარად არ წაუვიდა მარკოიშვილს, რომელმაც მოედანზე 19 წუთი დაჰყო, თუმცა 6-ვე სროლა გააცუდა და მხოლოდ თითო პასსა და მოხსნას დასჯერდა. მანუჩარმა ბურთი ერთხელ დაკარგა, მსაჯებს კი 3 პერსონალური ფოლი დასტყუა. კიეველთა რიგებში საუკეთესო არტურ დროზდოვმა 24 ქულა მიითვალა, ხოლო “აზოვმაშის” ლიდერი რობერტ არჩიბალდი 19 ქულას დასჯერდა. ფინალური სერიის მე-4 მატჩი 24 მაისს ისევ მარიუპოლში შედგება და თუკი “აზოვმაშმა” მომავალი შეხვედრაც მოიგო, ჩემპიონის ტიტულსაც მოიპოვებს.
მანუჩარ მარკოიშვილის “ბკ კიევმა” უკრაინის საკალათბურთო ჩემპიონატის ფინალურ სერიაში მარიუპოლის “აზოვმაშთან” გასვლითი მატჩი 65:67 დათმო და მეტოქეს 1:2 ჩამორჩა.
