პარასკევი, 2017-07-21, 9:43 AM
მოგესალმებით Guest

WE LOVE THIS GAME

საქართველოს 18-წლამდე იუნიორ კალათბურთელთა ნაკრები დღეს, 5 ივნისს, ვაკეში მდებარე კალათბურთის აკადემიის დარბაზში, ევროპის საკვალიფიკაციო ტურნირისთვის მზადებას შეუდგა, რომელსაც 25 ივლისიდან, უნგრეთის ქალაქი სომბათჰეი უმასპინძლებს.
საქართველოს იუნიორ კალათბურთელთა ნაკრების მთავარმა მწვრთნელმა მიხეილ კობეშავიძემ, შეკრებაზე 17 კალათბურთელი გამოიძახა, რომელთაგანაც, 12 საუკეთესოს შეარჩევს: ვაჟა მეტრეველი (“მონტეპასკი”, იტალია), თორნიკე შენგელია (“ვალენსია”, ესპანეთი), გიორგი ჯგერენაია (“პეისაკოლას კოლეჯი”, აშშ), კონსტანტინე ტომარაძე (“ბარსელონა”, ესპანეთი), გიორგი შარაბიძე, ბექა ჩიკვილაძე (ორივე “ტენერიფი”, ესპანეთი), აკაკი დვალიშვილი (”ენერჯი ინვესტი”), გიორგი ნანიტაშვილი, გუგა სოხაძე, ტატო თავართქილაძე, გიორგი მაისურაძე, დავით გიორგობიანი (ყველა “დინამო”), ტატო ჩაჩიბაია (“საბონისის აკადემია”, ლიტვა), გიორგი ბარბაქაძე (უკლუბო), გიორგი კვენეტაძე (“მართვე”), კაკი ლომოური (“ ... მეტის წაკითხვა »
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (1)

საბერძნეთის 2007-08 წლების სეზონის ოქროს მედლების მფლობელი ევროპული კალათბურთის გრანდი “პანათინაიკოსი” გახდა.
ათენელებმა გადამწყვეტ მატჩში მარადიულ მეტოქე პირეოსის “ოლიმპიაკოსს” 90:76 სძლიეს და ფინალურ სერიაში 3:2 იმარჯვეს.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (2)

თურქეთის საკალათბურთო ჩემპიონატის გამარჯვებული სტამბულის “ფენერბაჰჩე” გახდა.
ფინალური სერიის მეხუთე მატჩში სტამბულელებმა “ტუკრ ტელეკომს” 90:79 სძლიეს და საერთო ჯამში, მეტოქე 4:1 დაამარცხეს.
დასკვნით შეხვედრაში “ფენერბაჰჩეს” რიგებში საუკეთესო ონანმა 20 ქულა მიითვალა, სტუმართა ლიდერმა ლენგმა კი 19 ქულას 9 მოხსნა წაამატა.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (1)

1938. საფრანგეთის მსოფლიოს მე-3 ჩემპიონატი ფეხბურთში. შვეიცარია - გერმანია 1:1 (დამატებითი დრო).
1950. ინგლისის საფეხბურთო ასოციაციამ პროფესიულ ლიგებში მოასპარეზე კლუბების რაოდენობა 92-დე გაზარდა.
1971. თბილისის “დინამომ” თურქეთის ოლიმპიურ ნაკრებთან 0:0 ითამაშა. შეხვედრა ირანის დედაქალაქ თეირანში ჩატარდა.
1991. დაარსდა საქართველოს კალათბურთის ფედერაცია. მისი პირველი პრეზიდენტი ალექსანდრე ჩხეიძე იყო. შემდგომში ფედერაციას ავთანდილ საყვარელიძე და გოგი ქათამაძე ხელმძღვანელობდნენ. ამჟამად, ფედერაციის პრეზიდენტი ბესიკ ლიპარტელიანია. საქართველოს კალათბურთის ფედერაცია 1992 წლის 10 ივლისიდან გაწევრიანდა კალათბურთის საერთაშორისო ფედერაციასა (FIBA) და ევროპის კალათბურთის კონფედერაციაში.
2000. საქართველოს ფეხბურთელთა ეროვნულმა ნაკრებმა განჯაში, აზერბაიჯანთან 0:0 ითამაშა.
2002. მსოფლიოს მე-17 ჩემპიონატი ფეხბურთში (კორეა-იაპონია). ჩ ჯგუფი. ჩინეთი-კოსტა რიკა 0:2. D ჯგუფ ... მეტის წაკითხვა »
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (1)

საქართველოს საკალათბურთო ნაკრების მთავარმა მწვრთნელმა იგორ კოკოშკოვმა თავის ასისტენტად ჯეისონ სტოდტი დაასახელა, რომელიც ამ მოვალეობებს დავით უსტიაშვილთან ერთად შეასრულებს.

ჯეისონ სტოდტი
დაიბადა: 04.11.76
სამწვრთნელო კარიერა
საკლუბო დონე
2001-02, ორლანდო მეჯიქი (NBA), საერთაშორისო საკალათბურთო ოპერაციები.
2002-03, ორლანდო მეჯიქი (NBA), ვიდეო სკაუტი.
2003-04, ორლანდო მეჯიქი (NBA), სკაუტის ასისტენტი.
2004-05, აიდაჰო სტემპიდი (CBA), მთავარი მწვრთნელის ასისტენტი/ინდივიდუალური მწვრთნელი.
2005 – კლივლენდ კავალიერსი (NBA), სკაუტის ასისტენტი.
2005-07 – მილუოკი ბაქსი (NBA), ვიდეო კოორდინატორი.

სანაკრებო დონე
2007 – საქართველოს ნაკრები (ასისტენტი, მთავარი მწვრთნელი – კენ შილდსი).

კოლეჯის დონე
1995-2000, ტეხასის ტექ უნივერსიტეტი, ასისტენტი.
1997-2000, ტეხასის ტექ უნივერსიტეტი, მთავარი მენეჯერი.

მიღწევები
NBA-ს ფლეი ... მეტის წაკითხვა »
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (1)

დონ ნელსონმა ეროვნული საკალათბურთო ასოციაციის (NBA) კლუბ “გოლდენ სტეიტ უორიორსთან” კონტრაქტი ერთი წლით გააგრძელა.
ნელსონის კომენტარი San Francisco Chronicle-მა გამოაქვეყნა.
“შანსი მქონდა კალათბურთისგან დამესვენა, თუმცა, რადგანაც კლუბმა თანამშრომლობის გაგრძელება შემომთავაზა, მეც სიამოვნებით დავთანხმდი. ლარი ბრაუნი ჩემზე გაცილებით ხნიერია, თუმცა, კალათბურთში დარჩენას კიდევ ოთხი წელი აპირებს, ასე რომ, მთლად ბებერი არც მე უნდა ვიყო”.
კატეგორია: ახალი ამბები | თარიღი: 2008-06-08 | რეიტინგი: 5.0/1 | კომენტარები (1)

ეროვნული საკალათბურთო ასოციაციის (NBA) კლუბი “ატლანტა ჰოუქსი” ჯოშ სმიტთანა და ჯოშ ჩილდრესთან კონტრაქტების გაგრძელებას გეგმავს.
აღნიშნულის შესახებ ქართველი ზაზა ფაჩულიას გუნდის გენერალურმა მენეჯერმა რიკ სანდიმ “ჰოუქსის” ოფიციალურ ვებ-გვერდს განუცხადა.
“სმიტი და ჩილდრესი თამაშს ყოველ წელს აუმჯობესებენ, ამდენად, სამომავლოდ მათ დიდ იმედებს ვუკავშირებთ. დარწმუნებული ვარ, მათთან ერთად ფლეიოფში მომავალ სეზონშიც გავაღწევთ”.
გასულ სეზონში სმიტის საშუალო მონაგარი 17.2 ქულა, 8.2 მოხსნა და 3.4 პასი გახლდათ, ჩილდრესი კი 11.8 ქულას, 4.9 მოხსნასა და 1.5 პასს აგროვებდა.
კატეგორია: ახალი ამბები | თარიღი: 2008-06-08 | რეიტინგი: 4.0/1 | კომენტარები (1)

ეროვნული საკალათბურთო ასოციაციის (NBA) ვეტერანი მოთამაშე ალონზო მურნინგი, რომელსაც გასული სეზონის უმეტესი ნაწილი ტრავმების გამო გაუცდა, მომავალ ჩემპიონატში ასპარეზობას აპირებს.
აღნიშნულის შესახებ მურნინგმა South Florida Sun-Sentinel-ს განუცხადა.
“ეს გადაწყვეტილება ძალიან მტკიცეა. თუკი, ჯანმრთელობამ საშუალება მომცა, პარკეტზე აუცილებლად გავალ და გუნდისთვის მაქსიმუმს გავიღებ”.
კატეგორია: ახალი ამბები | თარიღი: 2008-06-08 | რეიტინგი: 4.5/2 | კომენტარები (2)

ესპანეთის კალათბურთის ფედერაციამ ეროვნული გუნდის მთავარი მწვრთნელი პეპუ ერნანდესი თანამდებობიდან გაათავისუფლა.
EFE-ს ცნობით, ეს გადაწყვეტილება ერნანდესისა და ფედერაციის პრეზიდენტ ხოსე ლუის საეზის შეხვედრის შემდეგ იქნა მიღებული.
ერთი თვის წინ ერნანანდესმა განაცხადა, რომ თანამდებობიდან წასვლას პეკინის ოლიმპიადის შემდეგ აპირებდა, თუმცა, როგორც გაირკვა, ფედერაციაში სხვაგვარად ფიქრობდნენ.
ერნანდესის ხელში ესპანეთის ნაკრებმა 2006 წლის მსოფლიოს ჩემპიონატი მოიგო, ევროპის 2007 წლის პირველობაზე კი ვერცხლის მედლები მოიპოვა.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (3)

1837. ლონდონში პირველი იპოდრომი გაიხსნა, რომელზეც ბარიერებით ჯირითისთვის სპეციალური მოწყობილობა ააგეს.
1851. “მიკერბოკერსი” ბეისბოლის ისტორიაში პირველი გუნდი აღმოჩნდა, რომლის მოთამაშეები საასპარეზოდ ერთიანი ფორმით გავიდნენ. სპორტსმენებს თავზე ჩალის ქუდი ეხურათ, თეთრი პერანგი და გრძელი, ლურჯი შარვლები ემოსათ.
1924. ინგლისის საფეხბურთო ასოციაციამ მიიღო გადაწყვეტილება, რომლის თანახმადაც, თუ მასპინძელი და სტუმარი გუნდების სპორტული ეკიპირების ფერი ერთმანეთს დაემთხვეოდა, ვიზიტიორთა კლუბის წარმომადგენლებს, სათადარიგო, განსხვავებული ფერის ფორმით უნდა ეასპარეზათ.
1959. მადრიდის “რეალმა”, ჩემპიონთა თასის გათამაშების ფინალში, შტუტგარტის “ნეკერშტადიონზე”, 80 ათასი მაყურებლის თანდასწრებით, ფრანგულ “სტად დე რეიმსს” 2:0 მოუგო.
1962. ჩილეს მსოფლიოს მეშვიდე ჩემპიონატი ფეხბურთში. A ჯგუფი: საბჭოთა კავშირი – კოლუმბია 4:4; B ჯგუფი: გფრ – შვეიცარია 2:1; ჩ ჯგუფი: ესპანეთი – მექსიკ ... მეტის წაკითხვა »
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (1)

ეროვნული საკალათბურთო ასოციაციის (NBA) ერთ-ერთმა გრანდმა “დეტროიტ პისტონზმა” გუნდის მთავარი მწვრთნელი ფლიპ სონდერსი თანამდებობიდან დაითხოვა.
AP-ს ცნობით, სონდერსის ხელში დეტროიტელებმა აღმოსავლეთ კონფერენციის ფინალში სამჯერ ითამაშეს, თუმცა, მისი გათავისუფლება მაინც გადაწყდა.
2005 წელს სონდერსმა “პისტონზში” ლარი ბრაუნი შეცვალა და გუნდთან 4-წლიანი კონტრაქტი აკავშირებდა.
53 წლის მწვრთნელმა “პისტონზს” 206 მატჩი მოაგებინა, 91 შეხვედრაში კი მისი გუნდი დამარცხდა.
მიმდინარე სეზონში ლიგის ფლეიოფიდან “დეტროიტი” “ბოსტონ სელტიქსმა
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

იტალიის 2007-08 წლების საკალათბურთო ჩემპიონატის დასრულების შემდეგ, სხვადასხვა ნომინაციებში სეზონის საუკეთესო მოთამაშეები და სიმბოლური ხუთეული გამოავლინეს.

საუკეთესოები
მოთამაშე: კშიშტოფ ლავრინოვიჩი (“მონტეპასკი”).
მცველი: მარკეს გრინი (“აველინო”).
ფორვარდი: დანილო გალინარი (“მილანი”).
ცენტრი: კშიშტოფ ლავრინოვიჩი (“მონტეპასკი”).
ახალბედა: მარკო პესერა (“ვარეზე”).
ყველაზე პროგრესირებადი მოთამაშე: ჯუზეპე პოეტა (“ტერამო”).
ლეგიონერი: მარკეს გრინი (“აველინო”).
შემტევი მოთამაშე: დანილო გალინარი (“მილანი”).
დაცვითი ყაიდის მოთამაშე: რომეინ სატო (“მონტეპასკი”).
საუკეთესო მწვრთნელი: მატეო ბონიჩიოლი (“აველინო”).

სიმბოლური ხუთეული
მარკეს გრინი (“აველინო”), დუეინ სმიტი (“აველინო”), დანილო გალინარი (“მილანი”), ერაზემ ლორბეკი (“ლოტომატიკა”), კშიშტოფ ლავრინოვიჩი (მონტეპასკი).
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

1981. დაიბადა ზურაბ ზვიადაური. პირველი სპორტსმენი, რომელმაც დამოუკიდებელი საქართველოს სახელით ასპარეზობისას ოლიმპიური ოქროს მედალი მოიპოვა. მან ეს ათენის 2004 წლის ოლიმპიურ თამაშებზე, 90 კგ წონითი კატეგორიის ძიუდოისტთა შორის შეჯიბრებაზე მოახერხა. ზვიადაურმა ფინალში იაპონელი ჰიროში იზუმი წმინდად დაამარცხა. გარდა ამისა, ზურაბ ზვიადაური მსოფლიოს ჩემპიონატების ორგზის ვერცხლის პრიზიორი (2001, 2003), ასევე ევროპის ორგზის ჩემპიონია გუნდურ ასპარეზობაში (2002, 2003), ხოლო პირად ჩათვლაში, 2002 წელს, ევროპის პირველობაზე მან ბრინჯაოს მედალი მოიპოვა. ზვიადაური 2000 წელს მსოფლიოს ჩემპიონი გახდა ახალგაზრდებს შორის. 2004 წელს ის საქართველოს საუკეთესო სპორტსმენად დაასახელეს. ზურაბ ზვიადაური ღირსების ორდენის კავალერია.   

მნიშვნელოვანი ფაქტები
1883. ბეისბოლის მატჩი პირველად ჩატარდა ღამის განათების შუქზე.
1891. ირლანდიელი მაკრუმის წინადადებით, ფეხბურთში პენალტის დარ ... მეტის წაკითხვა »
კატეგორია: ახალი ამბები | თარიღი: 2008-06-08 | რეიტინგი: 5.0/1 | კომენტარები (0)

გარდაიცვალა ლეგენდარული ქართველი კალათბურთელი ნოდარ ჯორჯიკია.
ნოდარ ჯორჯიკია დაიბადა ქუთაისში 1921 წლის 15 ნოემბერს. კალათბურთის თამაში დაიწყო 1938 წელს თბილისის სახელმწიფო უნივერსიტეტში მწვრთნელ შალვა დიასამიძესთან. 1943-49 წლებში გამოდიოდა თბილისის ოფიცერთა სახლის გუნდში, ხოლო 1950-56 წლებში კი თბილისის “დინამოს” ღირსებას იცავდა.
ამ გუნდების შემადგენლობაში ხუთჯერ (1944, 1946, 1950, 1953, 1954) იყო საბჭოთა კავშირის ჩემპიონი, ასევე მეორე (1945) და მესამე (1952) პრიზიორი, ორგზის (1950-51) სსრკ თასის მფლობელი და 1953 წლის გათამაშების ფინალისტი.
საბჭოთა კავშირის ნაკრების შემადგენლობაში (1947-1953) მოპოვებული აქვს ევროპის ჩემპიონატის ოქროს (1947), ოლიმპიური თამაშების ვერცხლის (1952) და მსოფლიო სტუდენტური თამაშების (1949) მედლები.
დაამთავრა თბილისის სახელმწიფო უნივერსიტეტის იურიდიული ფაკულტეტი (1956), წლების მანძილზე იყო საქართველოს მინისტრთა საბჭოს რეფერენტი. ... მეტის წაკითხვა »
კატეგორია: ახალი ამბები | თარიღი: 2008-06-08 | რეიტინგი: 5.0/1 | კომენტარები (0)

ეროვნული საკალათბურთო ასოციაციის (NBA) კლუბი “დეტროიტ პისტონზი” მონაწილეობას მიიღებს ლიგის მიერ მოწყობილ საზაფხულო ლიგაში.
Flint Journal-ის ცნობით, დეტროიტელთა ღირსებას დრაფტზე აყვანილი კალათბურთელები დაიცავენ, მათ კი არონ აფლალო, როდნი სტაკი და ჩიკ სემბი დაეხმარებიან.
საზაფხულო ლიგის მატჩები ლას-ვეგასში 11-22 ივლისს შედგება, მასში კი “პისტონზის” გარდა NBA-ს კიდევ 20 კლუბი იასპარეზებს.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

1965. ჰოკეის ეროვნული ლიგის ფლეი-ოფში, “მონრეალ კანადიენსმა” “ჩიკაგო ბლექ ჰოუქსი” დაამარცხა და სტენლის თასი მოიპოვა.
1975. ჰოკეის ეროვნულ ლიგაში მოასპარეზე “ნიუ იორკ აილენდერსის” მოთამაშეებმა - პარიზიმ და პოტვინმა, 14 წამის განმავლობაში ორჯერ მოახერხეს მეტოქის კარში შაიბის გატანა.
1978. ჰოლანდიაში საფეხბურთო კლუბი “მაასტრიხტი” დაარსდა.
1984. რუსმა სუპერმძიმეწონოსანმა ალექსანდრ გუნიაშევმა ატაცში მსოფლიოს რეკორდი დაამყარა (211 კგ).
1990. ეროვნული საკალათბურთო ასოციაციის (NBA) კლუბმა, “დეტროიტ პისტონზმა” 14-წლიანი პაუზის შემდეგ, პორტლენდში ადგილობრივი “თრეილ ბლეიზერსის” დამარცხება მოახერხა.
1991. დაარსდა საქართველოს სროლისა და მშვილდოსნობის ფედერაცია. 1992 წლიდან გაწევრიანდა მშვილდოსნობის საერთაშორისო ფედერაციასა (FITA) და სროლის საერთაშორისო კავშირში (UIT). ამჟამად სროლის სახეობათა ფედერაციას დავით ქარსელაძე ხელმძღვანელობს.
1991. დაარსდა საქართველოს ტანვ ... მეტის წაკითხვა »
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

ესპანური “ტაუგრესის” ბრაზილიელმა კალათბურთელმა ტიაგო სპლიტერმა კლუბთან კონტრაქტი კიდევ ორი წლით გააგრძელა.
ESPN Brazil-ის ცნობით, 23 წლის ცენტრი უწინდელ ანაზღაურებაზე რვაჯერ მეტ ხელფასს მიიღებს.
სწორედ ასეთი ბარაქიანი შეთავაზების გამო, სპლიტერმა უარით თვით “სან ანტონიო სპურზის” წარმომადგენლები გაისტუმრა.
ბრაზილიელი კალათბურთელი “ტაუგრესის” ღირსებას 2000 წლიდან იცავს.
ჯინობილი ოლიმპიადის მიღმა არ დარჩება
“სან ანტონიო სპურზის” არგენტინელი კალათბურთელი მანუ ჯინობილი იმედოვნებს, რომ ფეხის ტრავმას მოიშუშებს და პეკინის ოლიმპიადაზე თამაშს შესძლებს.
AP-ს ცნობით, ჯინობილი ვარჯიშის განახლებას ივლისში აპირებს, ამდენად, ოლიმპიური თამაშებისთვის მოსამზადებლად დაახლოებით ერთი თვე ექნება.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

“სან ანტონიო სპურზის” არგენტინელი კალათბურთელი მანუ ჯინობილი იმედოვნებს, რომ ფეხის ტრავმას მოიშუშებს და პეკინის ოლიმპიადაზე თამაშს შესძლებს.
AP-ს ცნობით, ჯინობილი ვარჯიშის განახლებას ივლისში აპირებს, ამდენად, ოლიმპიური თამაშებისთვის მოსამზადებლად დაახლოებით ერთი თვე ექნება.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

ამერიკელი კალათბურთელი კუინტონ ჰოსლი, რომელიც გასულ სეზონში “ქარშიაქას” რიგებში თურქეთის საკალათბურთო ჩემპიონატის უძვირფასესი მოთამაშე გახდა, ამიერიდან “ეფეს პილსენის” ღირსებას დაიცავს.
Sabah-ის ცნობით, 24 წლის ფორვარდზე პრეტენზიას თელ-ავივის “მაკაბიც” აცხადებდა, თუმცა, სტამბულელებმა ამერიკელს უკეთესი პირობები შესთავაზეს.
გასულ სეზონში ჰოსლიმ “ქარშიაქას” რიგებში 29 მატჩი ჩაატარა და საშუალოდ 23 ქულას, 12 მოხსნასა და 2 ჩაჭრას აგროვებდა.
ამერიკელმა კალათბურთელმა საუკეთესო მატჩი “ფენერბაჰჩეს” წინააღმდეგ ჩაატარა, როდესაც 43 ქულისა ჩაგდება მოახერხა.
ჰოსლის გუნდში აყვანის კვალად, “ეფესის” პრეზიდენტმა თუნკაი ოზილჰანმა და მწვრთნელმა ერგინ ატამანმა ხუთი მოთამაშის დათხოვნის შესახებ გადაწყვეტილებაც მიიღეს.
სტამბულიდან აბარგება ამერიკელებს – სკუნი პენის, კენი გრეგორის, დევორიკ სპენსერს, ანდრე ჰატსანსა და კრეგ ბრედშოუს მოუწევთ.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

საქართველოს ვიცე-ჩემპიონმა კალათბურთში, ქვეყნის თასის მფლობელმა და ზურაბ საკანდელიძე-მიხეილ ქორქიას სახელობის მემორიალის გამარჯვებულმა თბილისის “თბილავიამშენმა” სუპერთასი ზედიზედ მესამედ დათმო.
დღეს გამართულ მატჩში “მფრინავებმა” რუსთავის “ენერჯი ინვესტთან” 88:93 წააგო. მანამდე სუპერთასი “თბილავიამშენს” თსუ-მ და რუსთავის “აზოტმა” აართვეს.
შეგახსენებთ, რომ სუპერთასი მესამედ ჩატარდა.
15 ქულითა და 12 მოხსნით მატჩის ყველაზე შედეგიანი მოთამაშე იყო “ენერჯი ინვესტის” სერბი ლეგიონერი იოვან სტეფანოვი. “თბილავიამშენის” მხრიდან, ყველაზე მეტი - 23 ქულა, ვახტანგ მინაშვილმა დააგროვა.
აღსანიშნავია, რომ ძალიან სუსტად იმსაჯეს საერთაშორისო კატეგორიის არბიტრმა მაკა კუპატაძემ და ეროვნული კატეგოტიის მსაჯმა ხათუნა გაბედავამ.
მატჩის შემდეგ, როგორც ყველაზე შედეგიანი და საუკეთესო კალათბურთელი სპეციალური პრიზებით დაჯილდოვდა იოვან სტეფანოვი, ასევე დაჯილდოვდნენ სეზონის საუკეთესო მწვრ ... მეტის წაკითხვა »
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) ნახევარფინალში “ბოსტონ სელტიქსმა” დეტროიტში “პისტონზს” 89:81 სძლია და სერიაში 4:2 იმარჯვა, ამასთანავე კი აღმოსავლეთ კონფერენციის ჩემპიონის ტიტულიც ირგუნა.
შეხვედრის გმირი ბოსტონელთა ლიდერი პოლ პირსი გახდა, რომელმაც 27 ქულა და 8 მოხსნა მიითვალა, ალენი 17 ქულასა და 6 მოხსნას დასჯერდა, გარნეტი კი – 16 ქულას, 6 მოხსნასა და 4 პასს.
“პისტონზის” შემადგენლობაში ბილაფსმა 29 ქულა, 6 მოხსნა და 6 პასი მოაგროვა, ჰემილტონი კი მასპინძლებს 21 ქულითა და 4 მოხსნით შეეწია.
NBA-ს ფინალში “დეტროიტ პისტონზი” “ლოს ანჯელეს ლეიკერსს” შეერკინება. სერიის პირველი მატჩი 5 ივნისს კალიფორნიაში შედგება.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

კალათბურთის აკადემიის დარბაზში დასრულებული ტრადიციული ფესტივალი მინი-კალათბურთში, რომელშიც მონაწილეობას 1996 წელს დაბადებული ბავშვები იღებდნენ, “მართვეს” გამარჯვებით დასრულდა.
საქართველოს კალათბურთის ფედერაციის ვებ-გვერდის ცნობით, ტურნირის მონაწილეები ორ ჯგუფად იყვნენ დაყოფილნი, ფინალში კი “მართვემ” “სამედიცინო” 47:24 დაამარცხა.
ფედერაციისგან ყველა გუნდს სამახსოვროდ კალათბურთის ბურთები, ხოლო ინდვიდუალური ჯილდოების მფლობელებს კი განსაკუთრებული ჯილდოები გადაეცა.

I ჯგუფი
მართვე
ბ/აკადემია
თელავი
ქუთაისი (სპორტული სკოლა)

II ჯგუფი
სამედიცინო
რუსთავი
დინამო
ქუთაისი (სარანგი)

27.05.08
მართვე – ქუთაისი (სპორტული სკოლა) 47:19
ბ/აკადემია – თელავი 43:26
სამედიცინო – ქუთაისი (სარანგი) 44:18
რუსთავი – დინამო 26:21

28.05.08
სამედიცინო – დინამო 30:19
რუსთავი – ქუთაისი (სარანგი) 53:6
მართვე – თელავი 40:23< ... მეტის წაკითხვა »
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

1936. დაიბადა სლავა მეტრეველი. ლეგენდარული ქართველი ფეხბურთელი. გამოდიოდა მოსკოვის “ტორპედოსა” და თბილისის “დინამოში”. 1960 წლის ევროპის თასის მფლობელი. საბჭოთა კავშირის ორგზის ჩემპიონი (1960, 1964). მსოფლიოს 3 ჩემპიონატის მონაწილე (1962, 1966, 1970). 1966 წლის მუნდიალზე მოიპოვა ბრინჯაოს მედალი (მე-4 ადგილი). 1968 წელს ითამაშა FIFA-ს ნაკრებში. საკავშირო ნაკრებში ჩაატარა 48 მატჩი, გაიტანა 11 გოლი (მათ შორის, 1960 წლის ევროპის თასის გათამაშების ფინალში). საკავშირო პირველობების 375 შეხვედრაში 78 გოლი გაიტანა. რვაჯერ დაასახელეს “33 საუკეთესოთა” შორის. გრიგორი ფედოტოვის სახელობის ბომბარდირთა კლუბის წევრი. 1976-77 წლებში წვრთნიდა თბილისის “დინამოს”.

მნიშვნელოვანი ფაქტები
1896. ველომრბოლელთა ასპარეზობის დროს, ავტომრბოლი ჰენრი უელსი ერთ-ერთ მონაწილეს დაეჯახა. ეს აშშ-ში რეგისტრირებული პირველი საგზაო შემთხვევაა.
1905. ლონდონის “ჩელსი” ინგლისის მე-2 საფეხბურთო დივიზი ... მეტის წაკითხვა »
კატეგორია: მნიშვნელოვანი ფაქტები | თარიღი: 2008-06-08 | რეიტინგი: 0.0/0 | კომენტარები (0)

საქართველოს თასისა და ზურაბ საკანდელიძე – მიხეილ ქორქიას მემორიალის გამარჯვებული თბილისის “თბილავიამშენი”, ხვალ, 1 ივნისს, 15 საათსა და 15 წუთზე, თბილისის სპორტის სასახლეში, ზედიზედ მესამედ ეცდება ქვეყნის სუპერთასის მოგებას. ამჯერად, “მფრინავების” მეტოქე საქართველოს ჩემპიონი და დუდუ დადიანის მემორიალის გამარჯვებული რუსთავის “ენერჯი ინვესტი” იქნება.
კალათბურთში, ოთარ ქორქიას სახელობის საქართველოს სუპერთასი მესამედ ტარდება. ეს გათამაშება პირველად 2006 წელს მოეწყო. მაშინ, “თბილავიამშენი” თსუ-ს შეხვდა და 82:89 დამარცხდა. “მფრინავების” გუნდმა, მომდევნო, 2007 წელს რუსთავის “აზოტთან” 67:80 წააგო. აღსანიშნავია, რომ ლევან მოსეშვილის “თბილავიამშენის” მეტოქეებს, წინა ორ შეხვედრაშიც, “ენერჯი ინვესტის” ამჟამინდელი მთავარი მწვრთნელი დავით უსტიაშვილი ხელმძღვანელობდა.
კალათბურთის ქომაგებს შევახსენებთ, რომ ოთხწლიანი ისტორიის მქონე “თბილავიამშენს”, სუპერთასის გარდა, საქართველოში ყვ ... მეტის წაკითხვა »
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

1972. ამსტერდამის “აიაქსმა”, ჩემპიონთა თასის გათამაშების ფინალში, როტერდამის “დე კუიპის” სტადიონზე, 61 ათასი მაყურებლის თანდასწრებით, მილანის “ინტერს” 2:0 მოუგო. ორივე გოლი იოჰან კრუიფმა გაიტანა.

მნიშვნელოვანი ფაქტები
1868. საფრანგეთის დედაქალაქ პარიზში ველოსიპედისტთა პირველი ოფიციალური შეჯიბრება გაიმართა.
1879. ნიუ იორკში სახელგანთქმული სპორტული არენა, “მედისონ სკვერ გარდენი” გაიხსნა.
1913. ალექს ალგრენმა, მარათონულ გარბენში მსოფლიოს რეკორდი დაამყარა (2:36,06).
1955. თბილისის “დინამომ”, ტესტ-მატჩში რუმინეთის “ლოკომოტივის” ნაკრებთან 2:2 ითამაშა. ქართველთაგან გოლები ვარდიმიადიმ და ა. კოტრიკაძემ გაიტანეს.
1961. ლისაბონის “ბენფიკამ”, ჩემპიონთა თასის გათამაშების ფინალში, შვეიცარიული ბერნის “ვაკდორფის” სტადიონზე, 28 ათასი მაყურებლის თანდასწრებით, “ბარსელონას” 3:2 მოუგო.
1967. თბილისის “დინამომ”, ტესტ-მატჩში, ბრაზილიურ “ფლამენგოს” 4:0 მოუგო. გოლები ას ... მეტის წაკითხვა »
კატეგორია: მნიშვნელოვანი ფაქტები | თარიღი: 2008-06-08 | რეიტინგი: 0.0/0 | კომენტარები (0)

საქართველოს 19-წლამდე ვაჟ კალათბურთელთა ნაკრები, 5 ივნისიდან, კალათბურთის აკადემიის დარბაზში, ევროპის ჩემპიონატის საკვალიფიკაციო ტურნირისთვის მზადებას იწყებს.
ამის შესახებ “მსოფლიო სპორტს” საქართველოს იუნიორ ვაჟ კალათბურთელთა ნაკრების მთავარმა მწვრთნელმა მიხეილ კობეშავიძემ განუცხადა.
“შეკრებაზე 18-19 კალათბურთელს გამოვიძახებ, რომელთაგან 6 ლეგიონერი იქნება. ნაკრების წევრობის კანდიდატთა ვინაობას ამ დღეებში დავაზუსტებ”, - ამბობს კობეშავიძე.
ნაკრებში კობეშავიძის მოადგილედ, მისი ახლო მეგობარი, ვეტერანი კალათბურთელი, ამროსი ორმოცაძე მუშაობს.
საკვალიფიკაციო ტურნირის ჯგუფურ ეტაპზე “ჯვაროსნების” მეტოქეები უნგრეთის, ფინეთისა და სლოვაკეთის ნაკრებები იქნებიან. მომდევნო ეტაპზე ორი საუკეთესო გუნდი გადის.
ევროპის ჩემპიონატს 25 ივლისიდან უნგრეთის ქალაქი სომბათჰეი უმასპინძლებს.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

ამერიკელი სპეციალისტი დაგ კოლინზი უახლოეს ხანში “ჩიკაგო ბულზის” მთავარ მწვრთნელად დაინიშნება.
Chicago Sun-Times-ის ცნობით, კოლინზის კანდიდატურას მხარს ილინოისური კლუბის გენერალური მენეჯერი ჯონ პაქსონი უჭერს.
კოლინზი “ბულზს” 1986-დან 1989 წლამდე ხელმძღვანელობდა, შემდეგ კი “ვაშინგტონ უიზარდსში” თავად მაიკლ ჯორდანს წვრთნიდა.
ამჟამად, 56 წლის კოლინზი ტელეარხ TNT-ზე საკალათბურთო ანალიტიკოსად მუშაობს.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) 2010 წლის “ყველა ვარსკვლავთა მატჩი”, შესაძლოა, დალასის Cowboys stadium-ზე გაიმართოს, რომელიც 100-ათას ადგილს იტევს.
აღნიშნული იდეა “დალას მავერიქსის” მფლობელმა მარკ კუბანმა წამოაყენა.
“ოლ სტარი” სწორედ “მავერიქსის” არენაზე უნდა გამართულიყო, თუმცა, ვინაიდან სეზონური აბონემენტების მფლობელები საკუთარ ადგილებს ვერ დაიკავებდნენ, კუბანმა ლიგის ხელმძღვანელობას საკუთარი წინადადება შესთავაზა.
უკანასკნელად, ასეთ მასშტაბურ სარბიელზე კალათბურთის მატჩი 1985 წელს შედგა.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

ზედიზედ 14 გამარჯვების შემდეგ, თელ-ავივის “მაკაბიმ” ისრაელის საკალათბურთო ჩემპიონატის გადამწყვეტი მატჩი ჰოლონის “ჰაპოელთან” დათმო და ჩემპიონობას დაემშვიდობა.
შეხვედრის გმირი ჰოლონელთა ლიდერი მალიკ დიქსონი გახდა, რომელმაც მატჩის დასრულებამდე 2.3 წამით ადრე გადამწყვეტი ბურთი ჩააგდო და “ჰაპოელს” 73:72 მოაგებინა.
“ჰაპოელმა” ჩემპიონის ტიტული ისტორიაში პირველად მოიპოვა.
მე-3 ადგილისთვის მატჩში ჰაშარონის “ბნეიმ” ნაჰარიას “ირონის” 79:69 სძლია.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) ფინალური დაპირისპირების პირველი მონაწილე “ლოს ანჯელეს ლეიკერსი” გახდა, რომელმაც ნახევარფინალში “სან ანტონიო სპურზი” 4:1 გაანადგურა.
კალიფორნიელებმა გამარჯვება მშობლიურ “სტეიპლს სენთერში” გაიფორმეს, სადაც მეტოქეს 100:92 სძლიეს და დასავლეთ კონფერენციის ჩემპიონობა იზეიმეს.
ამჯერადაც გაიბრწყინა სეზონის უძვირფასეს მოთამაშედ დასახელებულმა კობი ბრაიანტმა, რომელმაც 39 ქულის მოგროვება შეძლო, “სპურზის” რიგებში საუკეთესო ტიმ დანკანმა კი 19 ქულით, 15 მოხსნითა და 10 პასით სამმაგი დუბლი შეასრულა.
მეორე ფინალისტის ვინაობა “ბოსტონ სელტიქსისა” და “დეტროიტ პისტონზის” ჯახში ირკვევა, რომელსაც ბოსტონელები 3:2-ს იგებენ.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

დასრულდა ახალგაზრდული და ქალთა ეროვნული ჩემპიონატები კალათბურთში. ქალთა შორის ჩემპიონი თბილისის სახელმწიფო უნივერსიტეტის გუნდი გახდა, საქართველოს ახალგაზრდული ჩემპიონატის გამარჯვებულად კი “ენერჯი ინვესტი” გამოცხადდა.
 
ქალთა თასი. ფინალი
თსუ – ქუთაისი 51:42 (7:16, 18:6, 18:11, 8:9)

ახალგაზრდები. ნახევარფინალი
ენერჯი ინვესტი – მართვე 2:1
0:1 მართვე- ენერჯი ინვესტი 87:76 (20:24, 17:10, 16:26, 34:16)
1:1 ენერჯი ინვესტი – მართვე 79:75 (11:15, 19:18, 27:21, 22:22)
2:1 მართვე – ენერჯი ინვესტი 70:74 (18:22, 18:25, 16:16, 18:11)

მაკაბი – თბილისი 2:1
0:1 თბილისი – მაკაბი 82:79 (17:22, 22:15, 25:21, 18:21)
1:1 მაკაბი – თბილისი 85:75 (18:18, 23:15, 19:28, 25:14)
2:1 თბილისი – მაკაბი 91:95 (24:26, 17:26, 24:21, 26:22)

მე-3 ადგილისათვის
მართვე – თბილისი 2:1
0:1 თბილისი – მართვე 123:93 (27:23, 31:24, 38:17, 27:29)
1:1 მ ... მეტის წაკითხვა »
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

1939. დაიბადა გივი ჩიქვანაია. თბილისისა და მოსკოვის “დინამოს,” საბჭოთა კავშირის ნაკრების წყალბურთელი. 1960 და 1968 წლების ოლიმპიური თამაშების ვერცხლის მედლის მფლობელი. 1962 წლის ევროპის ჩემპიონატის ვერცხლის მედალოსანი. საბჭოთა კავშირის ორგზის ჩემპიონი (1968, 1969).

მნიშვნელოვანი ფაქტები
1940. ადოლფ კიფერმა 100 მეტრზე გულაღმა ცურვაში მსოფლიოს რეკორდი დაამყარა (58.8).
1958. მადრიდის “რეალმა”, ჩემპიონთა თასის გათამაშების ფინალში, ბრიუსელის “ეიზელის” სტადიონზე, 67 ათასი მაყურებლის თანდასწრებით, დამატებით დროში “მილანი” 3:2 დაამარცხა. გამარჯვებულთაგან გოლები დი სტეფანომ, ჰენტომ და რიალმა გაიტანეს.
1960. მოსკოვში გამოვიდა ყოველკვირეულ საფეხბურთო გაზეთ “ფუტბოლის” პირველი ნომერი.
1968. “მანჩესტერ იუნაიტედმა”, ჩემპიონთა თასის გათამაშების ფინალში, ლონდონის “უემბლის” სტადიონზე, 100 ათასი მაყურებლის თანდასწრებით, ლისაბონის “ბენფიკა” დამატებით დროში 4:1 დაამარცხა ... მეტის წაკითხვა »
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

ბოსტონის “ბენკნორს გარდენში” გამართულ მატჩში, “სელტიქსმა” “დეტროიტ პისტონზს” 106:102 სძლია და ეროვნული საკალათბურთო ასოციაციის (NBA) ნახევარფინალურ სერიაში 3:2 დაწინაურდა.
ბოსტონელთა ლიდერმა გარნეტმა 33 ქულა მიითვალა, ალენმა 29 ქულა დააგროვა, ხოლო პერკინსმა – 18 ქულა და 16 მოხსნა.
სამი კალათბურთელი გამოირჩა “პისტონზის” რიგებშიც. მათგან საუკეთესო ბილაფსი 26 ქულას დასჯერდა, ჰამილტონმა სტუმრებს 25 ქულა მოუტანა, უოლესმა კი – 18.
სერიის მე-6 მატჩი დეტროიტში 31 მაისს, გამთენიისას შედგება.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) კლუბ “ნიუ ორლეან ჰორნეთსის” დამრიგებელი ბაირონ სკოტი კონტრაქტს კიდევ ორი წლით გააგრძელებს.
AP-ს ცნობით, მწვრთნელმა გუნდის ხელმძღვანელობასთან ახალი ხელშეკრულების დეტალები უკვე შეათანხმა.
“ჩვენ საკმაოდ ბრძოლისუნარიანი კოლექტივის შექმნა მოვახერხეთ, ასეთ^პირობებში კი “ჰორნეთსიდან” წასვლა უგუნურობა იქნებოდა~, - აღნიშნა სკოტმა.
ნბა-ს ფლეიოფში “ნიუ ორლეანმა” მეოთხედფინალამდე მისვლა შეძლო, სადაც “სან ანტონიო სპურზთან” სერია 3:4 დათმო.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) კლუბ “ჩიკაგო ბულზის” მთავარ მწვრთნელად, შესაძლოა, კოლორადოს უნივერსიტეტის დამრიგებელი ჯეფ ბზდელიკი დაინიშნოს.
Denver Post-ის ცნობით, აღნიშნულის შესახებ განცხადება ჩიკაგოელთა გენერალურმა მენეჯერმა ჯონ პაქსონმა გააკეთა.
ბზდელიკის გარდა, “ბულზის” ხელმძღვანელობა “დალასიდან” დათხოვნილი ეივერი ჯონსონის, “მინესოტას” ექს-მწვრთნელის დუეინ კეისის, “იუტას” მწვრთნელის ასისტენტ ტაირონ კორბინის, “ჰიუსტონის” მეორე მწვრთნელის ელსტონ ტერნერისა და “იუტას” ყოფილი მოთამაშის ჯეფ ჰორნაჩეკის კანდიდატურებს განიხილავს.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

უკრაინის საკალათბურთო ჩემპიონატის დასრულების შემდეგ გამოვლენილ საუკეთესო კალათბურთელებს შორის, მანუჩარ მარკოიშვილის “ბკ კიევიდან” ორი მოთამაშე მოხვდა, თუმცა, ქართველი სპორტსმენი მათ შორის არ ურევია.
სეზონის საუკეთესო მოთამაშე არტურ დროზდოვი გახდა, რომელიც მსუბუქ ფორვარდებშიც გამოარჩიეს, საუკეთესო ფლეიმეიქერად კი პუჰ ჯეტერი აღიარეს.
საუკეთესო შემტევი მცველის ტიტული “აზოვმაშის” წევრ პანაიოტის ლიადელისს ერგო, მარიუპოლელთა მეორე ლიდერი ეგორ მეშჩერიაკოვი კი საუკეთესო მძიმე ფორვარდი გახდა.
საუკეთესო ცენტრად “პოლიტექნიკა-გალიჩინა” წევრი ვლადიმირ გურტივოი მიიჩნიეს, ფლეიოფის უძვირფასეს კალათბურთელად კიდევ ერთი “აზოვმაშელი” რობერტ არჩიბალდი დასახელდა.
უკრაინის პირველობის ფინალურ სერიაში “აზოვმაშმა” “ბკ კიევს” 3:1 სძლია.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

1969. ჩემპიონთა თასის გათამაშების ფინალში, “მილანმა” მადრიდის “სანტიაგო ბერნაბეუს” სტადიონზე, 31 ათასი მაყურებლის თანდასწრებით, ამსტერდამის “აიაქსი” 4:1 დაამარცხა. გამარჯვებულთაგან გოლი პრატიმ გაიტანა.
1975. მიუნხენის “ბაიერნმა” ჩემპიონთა თასის გათამაშების ფინალში, პარიზის “პარკ დე პრენსის” სტადიონზე, 50 ათასი მაყურებლის თანდასწრებით, “ლიდს იუნაიტედს” 2:0 მოუგო.
1980. “ნოტინგემ ფორესტმა” ჩემპიონთა თასის გათამაშების ფინალში, მადრიდის “სანტიაგო ბერნაბეუზე”, 50 ათასი მაყურებლის თანდასწრებით, “ჰამბურგს” 1:0 მოუგო.
1985. კიევის “დინამომ” საბჭოთა კავშირის საფეხბურთო ჩემპიონატში მე-2000-ე გოლი გაიტანა.
2005. პროფესიონალ მოკრივეთა შორის ხულიო სესარ ჩავესმა ორი ორთაბრძოლა ჩაატარა და ორივეში ნოკაუტით იმარჯვა. მან ჯერ 42 წამში ადამ ვინანტი დაამარცხა, იძან რობინსონს კი, მე-10 რაუნდში მოუგო.
2005. ესპანურ ვალიადოლიდში საქართველოს 20-წლამდე ასაკის მორაგბეთა ნაკრებმა, ... მეტის წაკითხვა »
კატეგორია: მნიშვნელოვანი ფაქტები | თარიღი: 2008-06-08 | რეიტინგი: 0.0/0 | კომენტარები (0)

საქართველოს ვაჟ კალათბურთელთა ახალგაზრდული ჩემპიონატის ბრინჯაოს მედალი თბილისის “მართვემ” მოიპოვა.
“მართვემ” თბილისის “თბილისს” მესამე, გადამწყვეტი შეხვედრა 80:76 მოუგო და სერიაში 2:1 დაამარცხა.
ახალგაზრდული ჩემპიონატის გამარჯვებული რუსთავის “ენერჯი ინვესტი” გახდა, ხოლო მე-2 ადგილი თბილისის “მაკაბიმ” დაიკავა.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) წევრ “ფინიქს სანზის” გენერალური მენეჯერის ასისტენტი ვინი დელ ნეგრო, შესაძლოა, კლუბის მთავარ მწვრთნელად დაინიშნოს.
Arizona Republic-ის ცნობით, დელ ნეგრო უკვე შეხვდა გენერალურ მენეჯერ სტივ კერსა და ვიცე-პრეზიდენტ დევიდ გრიფინს და მათ საკუთარი ხედვა გააცნო.
“გასაუბრებამ წარმატებულად ჩაიარა. გუნდს ჩინებულად ვიცნობ და ვგრძნობ, რომ “სანზისთვის” წარმატების მოტანა შემიძლია. იმედია, გუნდის ხელმძღვანელობა ნდობას გამომიცხადებს”, - აღნიშნა დელ ნეგრომ.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) ნახევარფინალურ სერიაში “ლოს ანჟელეს ლეიკერსმა” “სან ანტონიო სპურზს” გასვლითი მატჩი 93:91 მოუგო და 3:1 დაწინაურდა, ამდენად, კალიფორნიელებს ფინალამდე ერთი მოგებაღა უკლიათ.
ტრადიციულად, “ლეიკერსის” რიგებში საუკეთესო კობი ბრაიანტი გახლდათ. რეგულარული სეზონის უძვირფასეს მოთამაშედ დასახალებულმა ბრაიანტმა სტუმრებს 28 ქულა და 10 მოხსნა შესძინა, ოდომმა 16 ქულა და 9 მოხსნა მიითვალა, ხოლო გასოლმა – 10 ქულა, 10 მოხსნა და 6 პასი.
სან ანტონიოელთა შემადგენლობაში მთელმა სიმძიმემა სამ კალათბურთელზე გადაიარა. დანკანმა 29 ქულის, 17 მოხსნის, 3 ჩაჭრისა და 3 დაფარების მოგროვება შეძლო, პარკერმა 23 ქულა და 9 მოხსნა მიითვალა, ხოლო ბერიმ – 23 ქულა და 5 მოხსნა.
ნახევარფინალური სერიის მე-5 მატჩი ლოს ანჟელესში 30 მაისის დილას შედგება.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

1934. საბჭოთა კავშირში დაარსდა სპორტის დამსახურებული ოსტატის ტიტული. ქართველთაგან ეს წოდება, პირველებმა ფეხბურთელებმა, შოთა შავგულიძემ და გაიოზ ჯეჯელავამ, აგრეთვე მძლეოსანმა, სიგრძეზე მხტომელმა დიმიტრი იოსელიანმა მოიპოვეს.
1961. ფლორენციის “ფიორენტინამ”, თასების მფლობელთა თასის გათამაშების პირველი ტურნირის ფინალში, გლაზგოს “აიბროქსის” სტადიონზე, 80 ათასი მაყურებლის თანდასწრებით, ადგილობრივი “რეინჯერსი” 2:0 დაამარცხა.
1961. ამერიკელმა მძლეოსანმა რალფ ბოსტონმა, სიგრძეზე ხტომაში მსოფლიოს რეკორდი დაამყარა.
1964. თბილისის “დინამომ”, საერთაშორისო ამხანაგურ მატჩში, გერმანიის დემოკრატიული რესპუბლიკის წარმომადგენელ იენის “მოტორთან” (მოგვიანებით, ამ გუნდს “კარლ ცაისი” ეწოდა) 0:3 წააგო.
1964. ფეხბურთის რუს გოლკიპერ ლევ იაშინს, 1963 წლის ევროპის საუკეთესო მოთამაშისთვის განკუთვნილი ჯილდო, “ოქროს ბურთი” გადაეცა.
1964. მილანის “ინტერმა”, ჩემპიონთა თასის გათამაშების ფინა ... მეტის წაკითხვა »
კატეგორია: მნიშვნელოვანი ფაქტები | თარიღი: 2008-06-08 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) აღმოსავლეთ კონფერენციის ფინალურ სერიაში “დეტროიტ პისტონზმა” “ბოსტონ სელტიქსს” 94:75 სძლია და ანგარიში 2:2 გახადა.
დეტროიტელთა რიგებში მაკდაიესმა 21 ქულითა და 16 მოხსნით ორმაგი დუბლი შეასრულა, ჰემილტონმა 20 ქულა და 7 პასი მიითვალა, ხოლო უოლესი 14 ქულასა და 5 დაფარებას დასჯერდა.
“სელტიქსის” შემადგენლობაში გარნეტმა 16 ქულა და 10 მოხსნა მოაგროვა, პირსმა კი გუნდს 16 ქულა და 8 მოხსნა შესძინა.
ფინალური სერიის მე-5 მატჩი ბოსტონში 29 მაისის დილას შედგება.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

საქართველოს ქალ კალათბურთელთა თასის ფინალში თამაშის უფლება თსუ-მ და “ქუთაისმა” მოიპოვეს. 51:42 გაიმარჯვა თსუ-მ და ქვეყნის თასის მფლობელი გახდა. შეხვედრას ვერის ბაღში მდებარე მიხეილ კეკელიძის სახელობის ბავშვთა საკალათბურთო სასახლემ უმასპინძლა.
ხვალიდან, 28 მაისიდან, ამავე დარბაზში იწყება ქალ კალათბურთელთა ეროვნული ჩემპიონატის დასკვნითი ტური, რომელსაც ფორმალური მხარე აქვს, რადგან ჩემპიონატის დამთავრებამდე გახდა ცნობილი პრიზიორთა ვინაობა.
ოთხი გუნდისგან შემდგარ ჩემპიონატში ადგილები შემდეგი თანმიმდევრობით განაწილდა: 1. თსუ, 2. “ქუთაისი”, 3. სტუ, 4. “გორი”
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

მენიუ
კატეგორიები
ახალი ამბები
ვიდეოები
სურათები
ბიოგრაფიები
მნიშვნელოვანი ფაქტები
ინტერვიუები
ავტორიზაცია
კალენდარი
«  ივნისი 2008  »
კვიორშსამოთხხუთპარშაბ
1234567
891011121314
15161718192021
22232425262728
2930
ძიება
მეგობრები
სტატისტიკა

სულ საიტზეა: 1
სტუმრები: 1
წევრები: 0
გამოკითხვა
საუკეთესო ქართველი კალათბურთელი
ხმების რაოდენობა: 678
მინი ჩეთი