კვირა, 2017-09-24, 6:07 AM
მოგესალმებით Guest

WE LOVE THIS GAME

საქართველოს ჩემპიონი, დიდების მსგავსად, ახალგაზრდა ვაჟ კალათბურთელთა შორისაც რუსთავის “ენერჯი ინვესტი” გახდა.
ფინალში ქვემოქართლელთა მეტოქე თბილისის “მაკაბი” იყო. თამაში ორ მოგებამდე გრძელდებოდა. პირველ შეხვედრაში მოპოვებული გამარჯვების შემდეგ, “ენერჯი ინვესტის” ახალგაზრდულმა გუნდმა მეტოქე 79:66 დაამარცხა, სერია 2:0 მოიგო და საქართველოს ჩემპიონობა მოიპოვა.
რაც შეეხება ბრინჯაოს მედლებს, მე-3 ადგილისთვის თბილისის გუნდები - “მართვე” და “თბილისი” იბრძვიან. ჯერჯერობით, სერიაში ანგარიშია 1:1. მესამე, გადამწყვეტი შეხვედრა, ზეგ, 28 მაისს, ვერის ბაღში მდებარე მიხეილ კეკელიძის სახელობის ბავშვთა საკალათბურთო სასახლეში ჩატარდება.
კატეგორია: ახალი ამბები | თარიღი: 2008-05-26 | რეიტინგი: 0.0/0 | კომენტარები (0)

ქართველი კალათბურთელი გიორგი ცინცაძე ფიბა-ს ევროთასის გათამაშების პირველ სიმბოლურ ხუთეულში მოხვდა. აღნიშნულის შესახებ ფიბა-ს ოფიციალური ვებ-გვერდი იუწყება.
ცნობილი გახდა ისიც, რომ ტურნირის საუკეთესო მოთამაშე ლატვიური “ბარონსის” ამერიკელი ფორვარდი დემეტრიუს ალქესანდერი გახდა.

ფიბა-ს ევროთასის პირველი სიმბოლური ხუთეული
მცველები: ჯო სმიტი (“სპარტაკი”, რუსეთი), გიორგი ცინცაძე (“როკი”, ესტონეთი);
ფორვარდები: დემეტრიუს ალექსანდერი (“ბარონსი”, ლატვია), მილუტინ ალექსიჩი (აელ, კვიპროსი).
ცენტრი: ბენ ებონგი (“დექსია”, ბელგია).

ფიბა-ს ევროთასის მეორე სიმბოლური ხუთეული
მცველები: არმანდს სკელე (“ბარონსი”, ლატვია), იაკოვ ვლადოვიჩი (“ზაგრები”, ხორვატია).
ფორვარდები: მაიკ ლენზლი (“დექსია”, ბელგია), ბრინდლი რაიტი (“ურალ-გრეიტი”, რუსეთი).
ცენტრი: ბრაიან კასვორტი (“როკი”, ესტონეთი).
კატეგორია: ახალი ამბები | თარიღი: 2008-05-25 | რეიტინგი: 4.0/1 | კომენტარები (0)

ეროვნული საკალათბურთო ასოციაციის (NBA) ფინალურ სერიაში “ბოსტონ სელტიქსმა” დეტროიტში “პისტონზი” 94:80 დაამარცხა და 2:1 დაწინაურდა, ამას გარდა კი, მოედნის უპირატესობაც დაიბრუნა.
ბოსტონელებმა მატჩის პირველი ნახევარი 18 ქულით მოიგეს და დარჩენილ დროში მასპინძლებისთვის შანსი აღარ მიუციათ.
“სელტიქსის” რიგებში 10-ქულიან ზღვარს 6-მა კალათბურთელმა გაადაბიჯა, მათგან საუკეთესო კევინ გარნეტმა კი 22 ქულა, 13 მოხსნა, 6 პასი და 2 ჩაჭრა მიითვალა.
“პისტონზის” ლიდერი რიჩარდ ჰამილტონი 26 ქულას დასჯერდა.
ფინალური სერიის მე-4 მატჩი დეტროიტში 27 მაისის დილას გაიმართება.
კატეგორია: ახალი ამბები | თარიღი: 2008-05-25 | რეიტინგი: 0.0/0 | კომენტარები (0)

სამწუხაროდ, მანუჩარ მარკოიშვილმა და მისმა “კიევმა” ორივე გასვლითი შეხვედრა დათმეს “აზოვმაშთან” და სერია 1:3 წააგეს.

მესამე მატჩი “აზოვმაშმა” საკუთარ მოედანზე ჩაატარა და 67:65 მოიგო, ხოლო მარკოიშვილმა კი ვერცერთი ქულის დაგროვება ვერ მოახერხა. საქართველოს ნაკრების ერთ-ერთმა ლიდერმა 18 წუთში თამაშიდან ექვსივე სროლა გააფუჭა და მატჩი 1 მოხსნითა და 3 პერსონალური შენიშვნით დაასრულა.

ორივე გუნდის შემადგენლობაში გამოირჩა “კიევის” კაპიტანი არტურ დროზდოვი, რომელმაც 24 ქულა დააგროვა.

მეოთხე შეხვედრაში მარკოიშვილი გაცილებით უკეთ თამაშობდა და საბოლოოდ, თავის გუნდს 9 ქულით (3 ზუსტი შორეული ტყორცნა), 4 მოხსნითა და 3 შედეგიანი გადაცემით შეეწია. მანუჩარმა აღნიშნული შეხვედრაც 3 პერსონალური შენიშვნით ჩაამთავრა.

“კიევის” შემადგენლობაში ამჯერადაც დროზდოვი გამოირჩა, რომელმაც გუნდს 21 ქულა შესძინა
კატეგორია: ახალი ამბები | თარიღი: 2008-05-25 | რეიტინგი: 0.0/0 | კომენტარები (0)

ენერჯი ინვესტი ჩემპიონია!

ფინალი IV მატჩი

თბილავიამშენი – ენერჯი ინვესტი 76:83
23:20, 14:34, 20:22, 19:7

თბილავიამშენი: ტუღუში (25 ქ. 7 პ. 7 მ. 4 ჩ), ნიკოლაძე (15), კვიმსაძე (12), როდუმტა (8  ქ. 13 მ. 4 დ).
ენერჯი ინვესტი: სტეფანოვი (25 ქ. 12 მ. 3 პ), გამყრელიძე (21), ჭოჭუა (15), ჩიტაშვილი (11).

ზედიზედ მეორედ, სუპერლიგა დავით უსტიაშვილის “ენერჯი ინვესტმა” მოიგო, რომელმაც ფინალურ სერიაში ანგარიშით 3:1 დააამარცხა ლევან მოსეშვილის “თბილავიამშენი” და ოქროს მედლები მოიპოვა.



პირველი მეოთხედი მასპინძლებმა 3 ქულით მოიგეს, მაგრამ ამის შემდეგ უპირატესობას მთლიანად რუსთაველები დაეუფლნენ და ბოლო მეოთხედამდე მათი უპირატესობა უკვე 20 ქულას აღემატებოდა.  

სოლირებდა სერბი იოვან სტეფანოვი, რომელიც წინა მატჩში 39 ქულით გამოირჩა და ამჯერადაც საუკეთესო იყო რუსთაველთა შემადგენლობაში. ბოლო მეოთხედამდე კარგად თამაშობდა გიორგი ... მეტის წაკითხვა »
კატეგორია: ახალი ამბები | თარიღი: 2008-05-25 | რეიტინგი: 0.0/0 | კომენტარები (0)

რუსთავის “ენერჯი ინვესტის” კალათბურთელთა გუნდი საქართველოს ჩემპიონი ზედიზედ მეორედ გახდა.
საქართველოს ვაჟ კალათბურთელთა XVI ეროვნული ჩემპიონატის ფინალური სერიის მე-4 შეხვედრაში “ენერჯი ინვესტმა” 83:76 მოუგო თბილისის “თბილავიამშენს” და სერიაში 3:1 გაიმარჯვა.
შეხვედრა ძალიან საინტერესო გამოდგა. მატჩი “ენერჯი ინვესტის” უპირატესობით დაიწყო, რომელიც ერთ მომენტში, 26 ქულით - 70:44 დაწინაურდა, მაგრამ “თბილავიამშენმა” შეძლო ანგარიშის სხვაობის ერთ ქულამდე შემცირება - 76:77, თუმცა მატჩის გადარჩენა ვეღარ მოახერხა.
მატჩის ყველაზე შედეგიანი კალათბურთელი იყო “ენერჯი ინვესტის” სერბი ლეგიონერი იოვან სტეფანოვი, რომელმაც 25 ქულა დააგროვა.
“თბილავიამშენის” მხრიდან ყველაზე მეტი - 24 ქულა, საქართველოს ეროვნული ნაკრების უკანახაზელმა კოტე ტუღუშმა გააკეთა.
2007-2008 წლის საკალათბურთო სეზონი, 1 ივლისს, საქართველოს სუპერთასის გათამაშებით დასრულდება, რომელსაც თბილისის სპორტის ს ... მეტის წაკითხვა »
კატეგორია: ახალი ამბები | თარიღი: 2008-05-23 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) აღმოსავლეთ კონფერენციის ფინალში “დეტროიტ პისტონზმა” ბოსტონში “სელტიქსს” 103:97 სძლია და სერიაში ანგარიში 1:1 გახადა, გარდა ამისა კი, მეტოქეს მოედნის უპირატესობაც წაართვა.
სტუმართა რიგებში საუკეთესო ჰემილტონმა 25 ქულა მიითვალა, ბილაფსი 19 ქულასა და 7 პასს გამორჩა, მაკდაიესი – 15 ქულას, 8 მოხსნასა და 3 ჩაჭრას, პრინსი – 14 ქულასა და 8 მოხსნას, ხოლო რაშიდ უოლესი – 13 ქულასა და 10 მოხსნას.
“ბოსტონელთა” შემადგენლობაში პირსმა 26 ქულა მიითვალა, ალენმა – 25, გარნეტმა – 24 ქულა და 13 მოხსნა, ხოლო რონდომ 10 ქულა, 9 მოხსნა და 3 ჩაჭრა.
სერიის მე-3 მატჩი დეტროიტში 25 მაისს გამთენიისას შედგება
კატეგორია: ახალი ამბები | თარიღი: 2008-05-23 | რეიტინგი: 0.0/0 | კომენტარები (0)

ენერჯი ინვესტი სერიაში დაწინაურდა

ფინალი

თბილავიამშენი – ენერჯი ინვესტი 77:83 ო.ტ.
16:16, 30:19, 14:24, 11:12, 6:12

თბილავიამშენი: ტუღუში (22 ქ. 12 მ. 6 პ. 2 ჩ. 2 დ), ნიკოლაძე (19 ქ. 4 მ), მათიაშვილი (13 ქ. 12 მ. 2 ჩ).
ენერჯი ინვესტი: სტეფანოვი (39 ქ. 14 მ. 4 ჩ. 2 პ), ლეჟავა (13 ქ. 5 მ), ბაბიაშვილი (8 ქ. 9 მ).

პირველ ნახევარში მასპინძლები დიდ უპირატესობას ფლობდნენ და გიორგი ნიკოლაძის ზედიზედ სამი ზუსტი სამქულიანით დიდ შესვენებაზე 11 ქულითაც გავიდნენ წინ, “ენერჯი ინვესტში” კი სროლა მხოლოდ გუნდის სერბ ლეგიონერს, იოვან სტეფანოვს მისდიოდა.



მეორე ტაიმში კი “თბილავიამშენის” სროლებს სიზუსტე მოაკლდა, სტეფანოვი კი შეუჩერებელი იყო. არ წაუვიდა თამაში რუსთაველთა ერთ-ერთ წამყვან მოთამაშეს, გიორგი გამყრელიძეს, რომელიც საბოლოოდ, 5 ფოლით გავარდა და მატჩი მხოლოდ 7 ქულითა და  2 ზუსტი პაისთ დაასრულა.

შეხვედრის გამარჯვებულის ვი ... მეტის წაკითხვა »
კატეგორია: ახალი ამბები | თარიღი: 2008-05-23 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) კლუბ “ჩიკაგო ბულზის” მთავარი მწვრთნელი, შესაძლოა, “კლივლენდ კავალიერსის” მოქმედი მოთამაშე ერიკ სნოუ გახდეს. ამ სენსაციური ინფორმაციას Charlotte Observer-ი ავრცელებს.
35 წლის სნოუს კლივლენდელებთან კონტრაქტი მომავალ სეზონშიც აკავშირებს, თუმცა, რადგანაც მისი წლიური ხელფასი 7.4 მილიონი დოლარია, დიდი შანსია, “კავალიერსი” მასთან განშორებას დათანხმდეს.
“ბულზის” ხელმძღვანელობა სნოუს გარდა კანდიდატებად ტაირონ კორბინს დუეინ კეისს ჯეფ ჰორნაჩეკსა და ჩაკ პერსონსაც მოიაზრებს.

კატეგორია: ახალი ამბები | თარიღი: 2008-05-23 | რეიტინგი: 0.0/0 | კომენტარები (1)

ეროვნული საკალათბურთო ასოციაციის (NBA) დასავლეთ კონფერენციის პირველ ფინალურ მატჩში “ლოს ანჟელეს ლეიკერსმა” “სან ანტონიო სპურზს” 89:85 სძლია.
შეხვედრის გმირი ამჯერადაც კალიფორნიელთა უმთავრესი ვარსკვლავი კობი ბრაიანტი გახდა, რომელმაც გუნდს 27 ქულა და 9 პასი შესძინა.
19 ქულა და 7 მოხსნა მიითვალა გასოლმა, რადმანოვიჩისა და ვუიაჩიჩის აქტივში კი 10-10 ქულა გახლდათ.
“სპურზის” შემადგენლობაში დანკანმა 30 ქულას 18 მოხსნა და 4 დაფარება წაამატა, ხოლო პარკერი 18 ქულას, 10 მოხსნასა და 6 პასს გამორჩა.
ფინალური სერიის მე-2 მატჩი 24 მაისის დილას ისევ ლოს ანჟელესში შედგება.
კატეგორია: ახალი ამბები | თარიღი: 2008-05-23 | რეიტინგი: 0.0/0 | კომენტარები (0)

« 1 2 3 4 5 6 7 ... 15 16 »
მენიუ
კატეგორიები
ახალი ამბები
ვიდეოები
სურათები
ბიოგრაფიები
მნიშვნელოვანი ფაქტები
ინტერვიუები
ავტორიზაცია
კალენდარი
«  სექტემბერი 2017  »
კვიორშსამოთხხუთპარშაბ
     12
3456789
10111213141516
17181920212223
24252627282930
ძიება
მეგობრები
სტატისტიკა

სულ საიტზეა: 1
სტუმრები: 1
წევრები: 0
გამოკითხვა
საუკეთესო ქართველი კალათბურთელი
ხმების რაოდენობა: 678
მინი ჩეთი