პარასკევი, 2024-03-29, 11:15 AM
მოგესალმებით Guest

WE LOVE THIS GAME

მანუჩარ მარკოიშვილის “ბკ კიევმა” უკრაინის საკალათბურთო ჩემპიონატის ფინალურ სერიაში მარიუპოლის “აზოვმაშთან” გასვლითი მატჩი 65:67 დათმო და მეტოქეს 1:2 ჩამორჩა.
კიეველებმა შეხვედრის პირველი ნახევარი 10 ქულის სხვაობით წააგეს და მიუხედავად იმისა, რომ დარჩენილ დროში ანგარიშის გათანაბრება მოახერხეს, საბოლოო წარმატებამდე მცირედი დააკლდათ.
თამაში აშკარად არ წაუვიდა მარკოიშვილს, რომელმაც მოედანზე 19 წუთი დაჰყო, თუმცა 6-ვე სროლა გააცუდა და მხოლოდ თითო პასსა და მოხსნას დასჯერდა.
მანუჩარმა ბურთი ერთხელ დაკარგა, მსაჯებს კი 3 პერსონალური ფოლი დასტყუა.
კიეველთა რიგებში საუკეთესო არტურ დროზდოვმა 24 ქულა მიითვალა, ხოლო “აზოვმაშის” ლიდერი რობერტ არჩიბალდი 19 ქულას დასჯერდა.
ფინალური სერიის მე-4 მატჩი 24 მაისს ისევ მარიუპოლში შედგება და თუკი “აზოვმაშმა” მომავალი შეხვედრაც მოიგო, ჩემპიონის ტიტულსაც მოიპოვებს.
კატეგორია: ახალი ამბები | თარიღი: 2008-05-23 | რეიტინგი: 0.0/0 | კომენტარები (0)

საქართველოს ვაჟ კალათბურთელთა XVI ეროვნული ჩემპიონატის ფინალური სერიის მესამე შეხვედრას თბილისმა უმასპინძლა. ქვეყნის ჩემპიონმა “ენერჯი ინვესტმა”, ოვერ ტაიმში 83:77 მოუგო ვიცეჩემპიონ “თბილავიამშენს” და სერიაში 2:1 დაწინაურდა. ოვერ ტაიმის დასრულებამდე 3 წუთისა და 44 წამით ადრე, მატჩი რამდენიმე წუთით შეწყდა. ფინალური სერიის პირველ შეხვედრაში დაწყებული  ჩხუბი, ამჯერად გააგრძელეს “თბილავიამშენის” ცენტრალურმა თავდამსხმელმა რიჩარდ მათიაშვილმა და “ენერჯი ინვესტის” უკანახაზელმა ბესიკ ლეჟავამ. ხულიგნობისთვის, მსაჯმა ორივე გააძევა მოედნიდან, რომლებიც, მინიმუმ, ერთ შეხვედრას გამოტოვებენ და 200-200 ამერიკული დოლარის ექვივალენტი ლარით დაჯარიმდებიან. 39 ქულითა და 14 მოხსნით, მატჩის საუკეთესო კალათბურთელი იყო “თბილავიამშენის” სერბი ლეგიონერი, იოვან სტეფანოვი. მეტოქე გუნდის მხრიდან, 22 ქულითა და 12 მოხსნით, ყველაზე  შედეგიანი კალათბურთელი გახდა კოტე ტუღუში. 13 ქულითა და 12 მოხ ... მეტის წაკითხვა »
კატეგორია: ახალი ამბები | თარიღი: 2008-05-22 | რეიტინგი: 0.0/0 | კომენტარები (0)

საქართველოს ვაჟ კალათბურთელთა XVI ეროვნულ ჩემპიონატში, ბრინჯაოს მედლების მფლობელი თსუ გახდა, რომელმაც მესამე ადგილისთვის ბრძოლაში, თბილისის “ვითა” 86:85 დაამარცხა.
21 ქულით, მატჩის ყველაზე შედეგიანი კალათბურთელი თსუ-ს უკანახაზელი დავით ბერიშვილი იყო. მეტოქის მხრიდან ყველაზე მეტი, 20 ქულა, ლუკა მელაძემ დააგროვა. 12 ქულითა და ამდენივე მოხსნით, ორმაგი დუბლის ავტორი გახდა მელაძის თანაგუნდელი ვლადიმერ ბეჟანიშვილი.
კატეგორია: ახალი ამბები | თარიღი: 2008-05-22 | რეიტინგი: 0.0/0 | კომენტარები (0)

ტარტუს “როკის” ქართველი კალათბურთელი გიორგი ცინცაძე ესტონეთის საკალათბურთო ჩემიონატის გამარჯვებული გახდა. ფინალური სერიის მე-4 მატჩში “როკმა” ტალინის “კალევს” 64:59 სძლია და პრინციპული მეტოქე 4:0 გაანადგურა.
აღსანიშნავია, რომ დასკვნითი მეოთხედის წინ ტალინელები ტარტუელებს 19 ქულით უგებდნენ, თუმცა, ბოლო ათწუთეულში “როკმა” მეტოქე 28:4 (!) გაანადგურა და საბოლოო წარმატებასაც მიაღწია.
ცინცაძემ თითქმის შეუცვლელად 36 წუთს ითამაშა და გუნდს 8 ქულა, 4 მოხსნა, 6 პასი და 1 ჩაჭრა შესძინა. ქართველმა გამთამაშებელმა 2-დან 1 ორქულიანი და 8-დან 6 საჯარიმო ჩააგდო, 5 სამქულიანი კი ააცილა.
“როკის” რიგებში საუკეთესო ბრაიან კასვორტმა 19 ქულა მიითვალა, “კალევის” ლიდერი ედვარდ სკოტი კი 16 ქულას დასჯერდა.
კატეგორია: ახალი ამბები | თარიღი: 2008-05-22 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) აღმოსავლეთ კონფერენციის ფინალურ მატჩში “ბოსტონ სელტიქსმა” “დეტროიტ პისტონზს” 88:79 (22:17, 19:23, 28:17, 19:22) სძლია და სერიაში 1:0 დაწინაურდა.
გამარჯვებულთა რიგებში გარნეტმა 26 ქულა და 9 მოხსნა მიითვალა, პირსმა 22 ქულას 6 პასი წაამატა, ხოლო რონდო 11 ქულას, 7 პასსა და 5 ჩაჭრას დასჯერდა.
დეტროიტელთა შემადგენლობაში პრინსმა 16 ქულა მიითვალა, ჰემილტონმა – 15, მაკდაიესმა – 14, ხოლო რაშიდ უოლესმა – 11.
სერიის მე-2 მატჩი ისევ ბოსტონში 23 მაისის დილას შედგება.
კატეგორია: ახალი ამბები | თარიღი: 2008-05-21 | რეიტინგი: 0.0/0 | კომენტარები (1)

ნაციონალური საკალათბურთო ასოციაციის ყოფილმა ვარსკვლავმა ჩარლზ ბარკლიმ, კაზინოს წინაშე არსებული ვალი სრულად დაფარა.
როგორც АР იუწყება, კაზინოსთვის 400 ათასი დოლარის გადახდის შემდეგ, მას მიმართეს პრეტენზიით, რომ სასამართლო გარჩევის გამო, გადახდილი თანხის კიდევ 10% უნდა გადაეხადა.
“მე, როგორც პატიოსანმა ადამიანმა, დროულად გავაგზავნე 400-ათასიანი ჩეკი კაზინოში. მათ დამიდასტურეს, რომ ეს თანხა მიიღეს. არ ვიცოდი, თუ 10% კიდევ უნდა გადამეხადა, მაგრამ როგორც კი ეს მაცნობეს, აღნიშნული თანხაც დავფარე” - განაცხადა ჩარლზ ბარკლიმ.
კატეგორია: ახალი ამბები | თარიღი: 2008-05-21 | რეიტინგი: 0.0/0 | კომენტარები (0)

ესპანური “ხირონას” ცენტრი მარკ გასოლი, რომელიც ესპანეთის საკალათბურთო პირველობის გასული სეზონის საუკეთესო მოთამაშედ აღიარეს, შესაძლოა, მადრიდის “რეალში” გადაბარგდეს.
Marca-ს ცნობით, მადრიდელთა პრეზიდენტი რამონ კალდერონი მზადაა 23 წლის გასოლს სამწლიანი კონტრაქტი გაუფორმოს, მარკის ხელფასი კი სეზონში 2.5 მილიონი ევრო იქნება.
კატეგორია: ახალი ამბები | თარიღი: 2008-05-21 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) დასავლეთ კონფერენციის ნახევარფინალში, “სან ანტონიო სპურზმა” ნიუ ორლეანში “ჰორნეთსს” 91:82 სძლია და სერიაში 4:3 იმარჯვა.
“სპურზის” რიგებში საუკეთესო არგენტინელი მანუ ჯინობილი გახდა, რომელმაც 26 ქულა მიითვალა, ფრანგმა ტონი პარკერმა გუნდს 17 ქულა შესძინა, ხოლო ამერიკელმა ტიმ დანკანმა 16 ქულა და 14 მოხსნა მოაგროვა.
“ჰორნეთსის” შემადგენლობაში 18 ქულით, 8 მოხსნით, 14 პასითა და 5 ჩაჭრით კრის პოლი გამოირჩა, დავიდ უესტმა კი 20 ქულას 9 მოხსნა წაამატა.
დასავლეთ კონფერენციის ფინალში “სან ანტონიოს” პირისპირ “ლოს ანჟელეს ლეიკერსი” დადგება. სერიის პირველი მატჩი 22 მაისის დილას კალიფორნიაში შედგება.
კატეგორია: ახალი ამბები | თარიღი: 2008-05-21 | რეიტინგი: 0.0/0 | კომენტარები (0)

საქართველოს კალათბურთის ფედერაციის ვებ-გვერდზე ეროვნული ჩემპიონატის ფინალური სერიის მე-2 მატჩის საინტერესო ფაქტები და ციფრები გამოქვეყნდა. შეგახსენებთ, რომ აღნიშნულ შეხვედრაში რუსთავის “ენერჯი-ინვესტმა” დედაქალაქურ “თბილავიამშენს” 90:83 სძლია და სერიაში ანგარიში 1:1 გახადა.

ენერჯი ინვესტი – თბილავიამშენი 90:83 (31:25, 20:23, 13:19, 26:16)
ენერჯი ინვესტი: გამყრელიძე (26 ქ. 4 მ. 4 პ.), ბაბიაშვილი (26 ქ. 5 მ. 2 დ.), სტეფანოვი (10 ქ. 10 მ.).
თბილავიამშენი: მათიაშვილი (26 ქ. 10 მ.), ტუღუში (22 ქ. 8 მ. 6 პ.), როდუმტა (13 ქ. 11 მ.).
სერია: 1:1.

მეორე მატჩის ფაქტები და ციფრები
საუკეთესო მოთამაშე – გიორგი გამყრელიძე (ენერჯი ინვესტი): 37 წუთი, 26 ქულა, 4 მოხსნა, 4 შედეგიანი გადაცემა, 2 ჩაჭრა, 3 შეცდომა, 1 პერსონალური შენიშვნა.

გუნდური სტატისტიკა
მოხსნა: ენერჯი – 35, თბილავიამშენი – 45.
შეტევაში მოხსნა: ენერჯი – 10, თბილავიამშენი – 8.
შედე ... მეტის წაკითხვა »
კატეგორია: ახალი ამბები | თარიღი: 2008-05-21 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) აღმოსავლეთ კონფერენციის ნახევარფინალურ სერიაში “ბოსტონ სელტიქსმა” “კლივლენდ კავალიერსს” 97:92 სძლია და საერთო ჯამში, 4:3 იმარჯვა.
შეხვედრის გმირი მასპინძელთა ლიდერი პოლ პირსი გახდა, რომელმაც 41 ქულის მოგროვება შეძლო. 13 ქულითა და 13 მოხსნით ორმაგი დუბლი შეასრულა კევინ გარნეტმა.
“კლივლენდის” რიგებში 45 ქულას გამორჩა ლებრონ ჯეიმსი, თუმცა, მისი ჩინებული გარჯა ამაო გამოდგა.
კონფერენციის ფინალში “სელტიქსი” “დეტროიტ პისტონზს” ეთამაშება. სერიის პირველი მატჩი 21 მაისს ბოსტონში შედგება.
კატეგორია: ახალი ამბები | თარიღი: 2008-05-21 | რეიტინგი: 0.0/0 | კომენტარები (0)

« 1 2 ... 4 5 6 7 8 ... 15 16 »
მენიუ
კატეგორიები
ახალი ამბები
ვიდეოები
სურათები
ბიოგრაფიები
მნიშვნელოვანი ფაქტები
ინტერვიუები
ავტორიზაცია
კალენდარი
«  მარტი 2024  »
კვიორშსამოთხხუთპარშაბ
     12
3456789
10111213141516
17181920212223
24252627282930
31
ძიება
მეგობრები
სტატისტიკა

სულ საიტზეა: 1
სტუმრები: 1
წევრები: 0
გამოკითხვა
საუკეთესო ქართველი კალათბურთელი
ხმების რაოდენობა: 678
მინი ჩეთი