პარასკევი, 2024-03-29, 1:35 PM
მოგესალმებით Guest

WE LOVE THIS GAME

ეროვნული საკალათბურთო ასოციაციის (NBA) ნახევარფინალურ სერიაში “ლოს ანჟელეს ლეიკერსმა” “სან ანტონიო სპურზს” გასვლითი მატჩი 93:91 მოუგო და 3:1 დაწინაურდა, ამდენად, კალიფორნიელებს ფინალამდე ერთი მოგებაღა უკლიათ.
ტრადიციულად, “ლეიკერსის” რიგებში საუკეთესო კობი ბრაიანტი გახლდათ. რეგულარული სეზონის უძვირფასეს მოთამაშედ დასახალებულმა ბრაიანტმა სტუმრებს 28 ქულა და 10 მოხსნა შესძინა, ოდომმა 16 ქულა და 9 მოხსნა მიითვალა, ხოლო გასოლმა – 10 ქულა, 10 მოხსნა და 6 პასი.
სან ანტონიოელთა შემადგენლობაში მთელმა სიმძიმემა სამ კალათბურთელზე გადაიარა. დანკანმა 29 ქულის, 17 მოხსნის, 3 ჩაჭრისა და 3 დაფარების მოგროვება შეძლო, პარკერმა 23 ქულა და 9 მოხსნა მიითვალა, ხოლო ბერიმ – 23 ქულა და 5 მოხსნა.
ნახევარფინალური სერიის მე-5 მატჩი ლოს ანჟელესში 30 მაისის დილას შედგება.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

1934. საბჭოთა კავშირში დაარსდა სპორტის დამსახურებული ოსტატის ტიტული. ქართველთაგან ეს წოდება, პირველებმა ფეხბურთელებმა, შოთა შავგულიძემ და გაიოზ ჯეჯელავამ, აგრეთვე მძლეოსანმა, სიგრძეზე მხტომელმა დიმიტრი იოსელიანმა მოიპოვეს.
1961. ფლორენციის “ფიორენტინამ”, თასების მფლობელთა თასის გათამაშების პირველი ტურნირის ფინალში, გლაზგოს “აიბროქსის” სტადიონზე, 80 ათასი მაყურებლის თანდასწრებით, ადგილობრივი “რეინჯერსი” 2:0 დაამარცხა.
1961. ამერიკელმა მძლეოსანმა რალფ ბოსტონმა, სიგრძეზე ხტომაში მსოფლიოს რეკორდი დაამყარა.
1964. თბილისის “დინამომ”, საერთაშორისო ამხანაგურ მატჩში, გერმანიის დემოკრატიული რესპუბლიკის წარმომადგენელ იენის “მოტორთან” (მოგვიანებით, ამ გუნდს “კარლ ცაისი” ეწოდა) 0:3 წააგო.
1964. ფეხბურთის რუს გოლკიპერ ლევ იაშინს, 1963 წლის ევროპის საუკეთესო მოთამაშისთვის განკუთვნილი ჯილდო, “ოქროს ბურთი” გადაეცა.
1964. მილანის “ინტერმა”, ჩემპიონთა თასის გათამაშების ფინა ... მეტის წაკითხვა »
კატეგორია: მნიშვნელოვანი ფაქტები | თარიღი: 2008-06-08 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) აღმოსავლეთ კონფერენციის ფინალურ სერიაში “დეტროიტ პისტონზმა” “ბოსტონ სელტიქსს” 94:75 სძლია და ანგარიში 2:2 გახადა.
დეტროიტელთა რიგებში მაკდაიესმა 21 ქულითა და 16 მოხსნით ორმაგი დუბლი შეასრულა, ჰემილტონმა 20 ქულა და 7 პასი მიითვალა, ხოლო უოლესი 14 ქულასა და 5 დაფარებას დასჯერდა.
“სელტიქსის” შემადგენლობაში გარნეტმა 16 ქულა და 10 მოხსნა მოაგროვა, პირსმა კი გუნდს 16 ქულა და 8 მოხსნა შესძინა.
ფინალური სერიის მე-5 მატჩი ბოსტონში 29 მაისის დილას შედგება.
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

საქართველოს ქალ კალათბურთელთა თასის ფინალში თამაშის უფლება თსუ-მ და “ქუთაისმა” მოიპოვეს. 51:42 გაიმარჯვა თსუ-მ და ქვეყნის თასის მფლობელი გახდა. შეხვედრას ვერის ბაღში მდებარე მიხეილ კეკელიძის სახელობის ბავშვთა საკალათბურთო სასახლემ უმასპინძლა.
ხვალიდან, 28 მაისიდან, ამავე დარბაზში იწყება ქალ კალათბურთელთა ეროვნული ჩემპიონატის დასკვნითი ტური, რომელსაც ფორმალური მხარე აქვს, რადგან ჩემპიონატის დამთავრებამდე გახდა ცნობილი პრიზიორთა ვინაობა.
ოთხი გუნდისგან შემდგარ ჩემპიონატში ადგილები შემდეგი თანმიმდევრობით განაწილდა: 1. თსუ, 2. “ქუთაისი”, 3. სტუ, 4. “გორი”
კატეგორია: ახალი ამბები | თარიღი: 2008-06-08 | რეიტინგი: 0.0/0 | კომენტარები (0)

საქართველოს ჩემპიონი, დიდების მსგავსად, ახალგაზრდა ვაჟ კალათბურთელთა შორისაც რუსთავის “ენერჯი ინვესტი” გახდა.
ფინალში ქვემოქართლელთა მეტოქე თბილისის “მაკაბი” იყო. თამაში ორ მოგებამდე გრძელდებოდა. პირველ შეხვედრაში მოპოვებული გამარჯვების შემდეგ, “ენერჯი ინვესტის” ახალგაზრდულმა გუნდმა მეტოქე 79:66 დაამარცხა, სერია 2:0 მოიგო და საქართველოს ჩემპიონობა მოიპოვა.
რაც შეეხება ბრინჯაოს მედლებს, მე-3 ადგილისთვის თბილისის გუნდები - “მართვე” და “თბილისი” იბრძვიან. ჯერჯერობით, სერიაში ანგარიშია 1:1. მესამე, გადამწყვეტი შეხვედრა, ზეგ, 28 მაისს, ვერის ბაღში მდებარე მიხეილ კეკელიძის სახელობის ბავშვთა საკალათბურთო სასახლეში ჩატარდება.
კატეგორია: ახალი ამბები | თარიღი: 2008-05-26 | რეიტინგი: 0.0/0 | კომენტარები (0)

1959. დაარსდა საბჭოთა კავშირის ფეხბურთის ფედერაცია. მისი პირველი პრეზიდენტი ვალენტინ გრანატკინი გახდა, რომელიც იმავდროულად FIFA-ს ვიცე-პრეზიდენტიც იყო.
1992. საქართველოს ეროვნული თასის გათამაშების ფინალში, თბილისის “იბერიამ” სოხუმის “ცხუმი” 3:1 დაამარცხა. გამარჯვებულთაგან გოლები გელა ინალიშვილმა, ზაზა რევიშვილმა და შოთა არველაძემ გაიტანეს, სოხუმელთა მიერ გატანილი ბურთი კი, მიხეილ ჯიშკარიანის ანგარიშზეა. თბილისის ბორის პაიჭაძის სახელობის ეროვნულ სტადიონზე, თამაშს 18 ათასი მაყურებელი დაესწრო.
1993. საქართველოს ეროვნული თასის გათამაშების ფინალში, თბილისის “დინამომ” “ბათუმს” 4:2 სძლია. გოლები რევაზ არველაძემ (2), შოთა და არჩილ არველაძეებმა (“დინამო”), ხოლო “ბათუმიდან” თემურ ტუღუშმა და ლევან ხომერიკმა გაიტანეს. ბორის პაიჭაძის სახელობის ეროვნულ სტადიონზე თამაშს 25 ათასი მაყურებელი დაესწრო.
1994. საქართველოს ეროვნული თასის გათამაშების ფინალში, თბილისის “დინამომ” რუსთა ... მეტის წაკითხვა »
კატეგორია: მნიშვნელოვანი ფაქტები | თარიღი: 2008-05-26 | რეიტინგი: 0.0/0 | კომენტარები (0)

ქართველი კალათბურთელი გიორგი ცინცაძე ფიბა-ს ევროთასის გათამაშების პირველ სიმბოლურ ხუთეულში მოხვდა. აღნიშნულის შესახებ ფიბა-ს ოფიციალური ვებ-გვერდი იუწყება.
ცნობილი გახდა ისიც, რომ ტურნირის საუკეთესო მოთამაშე ლატვიური “ბარონსის” ამერიკელი ფორვარდი დემეტრიუს ალქესანდერი გახდა.

ფიბა-ს ევროთასის პირველი სიმბოლური ხუთეული
მცველები: ჯო სმიტი (“სპარტაკი”, რუსეთი), გიორგი ცინცაძე (“როკი”, ესტონეთი);
ფორვარდები: დემეტრიუს ალექსანდერი (“ბარონსი”, ლატვია), მილუტინ ალექსიჩი (აელ, კვიპროსი).
ცენტრი: ბენ ებონგი (“დექსია”, ბელგია).

ფიბა-ს ევროთასის მეორე სიმბოლური ხუთეული
მცველები: არმანდს სკელე (“ბარონსი”, ლატვია), იაკოვ ვლადოვიჩი (“ზაგრები”, ხორვატია).
ფორვარდები: მაიკ ლენზლი (“დექსია”, ბელგია), ბრინდლი რაიტი (“ურალ-გრეიტი”, რუსეთი).
ცენტრი: ბრაიან კასვორტი (“როკი”, ესტონეთი).
კატეგორია: ახალი ამბები | თარიღი: 2008-05-25 | რეიტინგი: 4.0/1 | კომენტარები (0)

ეროვნული საკალათბურთო ასოციაციის (NBA) ფინალურ სერიაში “ბოსტონ სელტიქსმა” დეტროიტში “პისტონზი” 94:80 დაამარცხა და 2:1 დაწინაურდა, ამას გარდა კი, მოედნის უპირატესობაც დაიბრუნა.
ბოსტონელებმა მატჩის პირველი ნახევარი 18 ქულით მოიგეს და დარჩენილ დროში მასპინძლებისთვის შანსი აღარ მიუციათ.
“სელტიქსის” რიგებში 10-ქულიან ზღვარს 6-მა კალათბურთელმა გაადაბიჯა, მათგან საუკეთესო კევინ გარნეტმა კი 22 ქულა, 13 მოხსნა, 6 პასი და 2 ჩაჭრა მიითვალა.
“პისტონზის” ლიდერი რიჩარდ ჰამილტონი 26 ქულას დასჯერდა.
ფინალური სერიის მე-4 მატჩი დეტროიტში 27 მაისის დილას გაიმართება.
კატეგორია: ახალი ამბები | თარიღი: 2008-05-25 | რეიტინგი: 0.0/0 | კომენტარები (0)

1900. 78 წლის ასაკში ეირ შოუმ ოლიმპიური თამაშების ოქროს მედალი მოიპოვა. მან ეს გოლფისტთა ტურნირში მოახერხა.
1965. კასიუს კლეიმ (მუჰამედ ალი) სუპერმძიმე წონითი კატეგორიის პროფესიონალ მოკრივეთა შორის სონი ლისტონი პირველივე რაუნდში ნოკაუტით დაამარცხა და მსოფლიოს ჩემპიონის ტიტული მოიპოვა.
1966. პერუს დედაქალაქ ლიმაში, პერუსა და არგენტინის ფეხბურთელთა ეროვნული გუნდების მატჩის მსვლელობისას, ფანებს შორის მომხდარი ჩხუბის შედეგად 248 ადამიანი დაიღუპა.
1967. გლაზგოს “სელტიკმა” ჩემპიონთა თასის გათამაშების ფინალში, ლისაბონის “ესტადიო ნასიონალზე” 54 ათასი მაყურებლის თანდასწრებით, მილანის “ინტერს” 2:1 მოუგო.
1972. ჯო ფრეზერმა სუპერმძიმე წონითი კატეგორიის პროფესიონალ მოკრივეთა შორის, როინ სტანდერი დაამარცხა და მსოფლიოს ჩემპიონის ტიტული მოიპოვა.
1975. ეროვნული საკალათბურთო ასოციაციის ფლეი-ოფში, “გოლდენ სთეით უორიორზმა” “ვაშინგტონ ბულიტსი” დაამარცხა და NBA-ის რიგით მე-19 ... მეტის წაკითხვა »
კატეგორია: მნიშვნელოვანი ფაქტები | თარიღი: 2008-05-25 | რეიტინგი: 0.0/0 | კომენტარები (0)

სამწუხაროდ, მანუჩარ მარკოიშვილმა და მისმა “კიევმა” ორივე გასვლითი შეხვედრა დათმეს “აზოვმაშთან” და სერია 1:3 წააგეს.

მესამე მატჩი “აზოვმაშმა” საკუთარ მოედანზე ჩაატარა და 67:65 მოიგო, ხოლო მარკოიშვილმა კი ვერცერთი ქულის დაგროვება ვერ მოახერხა. საქართველოს ნაკრების ერთ-ერთმა ლიდერმა 18 წუთში თამაშიდან ექვსივე სროლა გააფუჭა და მატჩი 1 მოხსნითა და 3 პერსონალური შენიშვნით დაასრულა.

ორივე გუნდის შემადგენლობაში გამოირჩა “კიევის” კაპიტანი არტურ დროზდოვი, რომელმაც 24 ქულა დააგროვა.

მეოთხე შეხვედრაში მარკოიშვილი გაცილებით უკეთ თამაშობდა და საბოლოოდ, თავის გუნდს 9 ქულით (3 ზუსტი შორეული ტყორცნა), 4 მოხსნითა და 3 შედეგიანი გადაცემით შეეწია. მანუჩარმა აღნიშნული შეხვედრაც 3 პერსონალური შენიშვნით ჩაამთავრა.

“კიევის” შემადგენლობაში ამჯერადაც დროზდოვი გამოირჩა, რომელმაც გუნდს 21 ქულა შესძინა
კატეგორია: ახალი ამბები | თარიღი: 2008-05-25 | რეიტინგი: 0.0/0 | კომენტარები (0)

« 1 2 3 4 5 6 7 ... 18 19 »
მენიუ
კატეგორიები
ახალი ამბები
ვიდეოები
სურათები
ბიოგრაფიები
მნიშვნელოვანი ფაქტები
ინტერვიუები
ავტორიზაცია
კალენდარი
«  მარტი 2024  »
კვიორშსამოთხხუთპარშაბ
     12
3456789
10111213141516
17181920212223
24252627282930
31
ძიება
მეგობრები
სტატისტიკა

სულ საიტზეა: 1
სტუმრები: 1
წევრები: 0
გამოკითხვა
საუკეთესო ქართველი კალათბურთელი
ხმების რაოდენობა: 678
მინი ჩეთი