ეროვნული საკალათბურთო ასოციაციის (NBA) აღმოსავლეთ კონფერენციის ნახევარფინალში “ბოსტონ სელტიქსმა” “კლივლენდ კავალიერსს” 96:89 სძლია და სერიაში 3:2 დაწინაურდა. მასპინძელთა რიგებში პირსმა 29 ქულა და 7 მოხსნა მოაგროვა, გარნეტი კი 26 ქულასა, 16 მოხსნასა და 3 დაფარებას დასჯერდა. “კლივლენდის” ვარსკვლავ ჯეიმსის 35 ქულა წყალში გადაყრილი აღმოჩნდა. დასავლეთ კონფერენციის ნახევარფინალში ასევე 3:2 დაწინაურდა “ლოს ანჟელეს ლეიკერსი”, რომელმაც “იუტა ჯაზთან” საშინაო მატჩში 111:104 იმარჯვა. კალიფორნიელებს ისევ ბრაიანტმა ულიდერა, რომლის აქტივშიც 26 ქულა, 6 მოხსნა და 7 პასი გახლდათ. “იუტას” შემადგენლობაში საუკეთესო უილიამსმა სტუმრებს 27 ქულა და 10 მოხსნა შესძინა.
ეროვნულმა საკალათბურთო ასოციაციამ (NBA) სეზონის ახალბედათა საუკეთესო ხუთეულები დაასახელა. გამოკითხვაში ყველაზე მეტი 58 ხმა “ატლანტა ჰოუქსში” ზაზა ფაჩულიას თანაგუნდელსა და კონკურენტ ალ ჰორფორდს ერგო, “სიეტლ სუპერსონიქსის” ფორვარდმა კევინ დურანტმა კი 57 ქულა მიიღო.
ახალბედათა პირველი ხუთეული ლუის სკოლა (“ჰიუსტონი”), ელ ტორნტონი (“კლიპერსი”), ჯეფ გრინი (“სიეტლი”), კევინ დურანტი (“სიეტლი”), ელ ჰორფორდი (“ატლანტა”).
ახალბედათა მეორე ხუთეული ხიან კარლოს ნავარო (“მემფისი”), როდნი სტაკი (“დეტროიტი”), ჯამარიო მუნი (“ტორონტო”), კარლ ლენდრი (“ჰიუსტონი”), ტადეუშ იანგი (“ფილადელფია”).
1957. დაიბადა ოლეგ ზურაბიანი. 63 კგ წონით კატეგორიის ძიუდოისტთა შორის 1977 წლის ევროპის ჩემპიონი (გუნდური) და 1976 წლის კონტინენტის პირველობის ვერცხლის პრიზიორი. საბჭოთა კავშირის ჩემპიონი (1976) და თასის მფლობელი (1978). მონრეალის 1976 წლის ოლიმპიური თამაშების მონაწილე. საერთაშორისო კლასის სპორტის ოსტატი. ღირსების ორდენის კავალერი.
მნიშვნელოვანი ფაქტები 1953. სუპერმძიმე წონითი კატეგორიის მოკრივეთა შორის, როკი მარჩიანომ ჯო უოლკოტი დაამარცხა და მსოფლიოს ჩემპიონის ტიტული მოიპოვა. 1963. თასების მფლობელთა თასის გათამაშების ფინალში, ლონდონის “ტოტენჰემ ჰოტსპურმა”, როტერდამის “ფეინოორდის” სტადიონზე, 49 ათასი მაყურებლის თანდასწრებით, მადრიდის “ატლეტიკო” 5:1 დაამარცხა. გოლები გრივზმა (2), დაისონმა (2), უაიტმა (“ტოტენჰემი”) და კოლერმა (“ატლეტიკო”) გაიტანეს. 1964. ლისაბონის “სპორტინგმა”, თასების მფლობელთა თასის ფი
... მეტის წაკითხვა »
ეროვნული საკალათბურთო ასოციაციის მიერ ორგანიზებულ NBA Nation tour-ში, რომელსაც შტატ ჯორჯიის მთავარქალაქმა ატლანტამ უმასპინძლა, “ჰოუქსის” ქართველმა ცენტრმა ზაზა ფაჩულიამაც აქტიური მონაწილეობა მიიღო. სპეციალურ ღონისძიებაზე ზაზამ ბავშვებთან კალათბურთი ითამაშა, მათ ავტოგრაფები ჩამოურიგა, ჟურნალისტთა კითხვებს უპასუხა და ატლანტაში ჩატანილ საჩემპიონო თასთანაც არაერთი სურათი გადაიღო. შეგახსენებთ, რომ NBA-ს ფლეიოფის პირველ რაუნდში ფაჩულიას “ჰოუქსმა” “ბოსტონ სელტიქსთან” სერია დაძაბულ ბრძოლაში 3:4 დათმო.
ეროვნული საკალათბურთო ასოციაციის (NBA) აღმოსავლეთ კონფერენციის ნახევარფინალში, “დეტროიტ პისტონზმა” “ორლანდო მეჯიქს” 91:86 სძლია, სერიაში 4:1 იმარჯვა და ფინალის საგზურიც მოიპოვა. დეტროიტელთა გამარჯვებაში ლომის წვლილი რიჩარდ ჰემილტონმა დაიდო, რომელმაც მასპინძლებს 31 ქულა მოუტანა და ლეგენდარული აიზია ტომასის საკლუბო რეკორდი დაამხო. ჰემილტონს “პისტონზის” მაისურით ჩატარებულ 111 მატჩში 2282 ქულა მოუგროვდა, რაც ტომასის მაჩვენებელზე 21 ქულით მეტია. დიდი ბრძოლაა გაჩაღებული “ნიუ ორლეან ჰორნეთსისა” და “სან ანტონიო სპურზის” შეხვედრაში. დასავლეთ კონფერენციის ნახევარფინალური სერიის მე-5 მატჩში ორლეანელებმა მეტოქეს 101:79 სძლიეს და 3:2 დაწინაურდნენ. “ჰორნეთსის” შემადგენლობაში უესტმა 38 ქულა, 14 მოხსნა და 5 დაფარება მიითვალა, ხოლო პოლი 22 ქულასა და 14 მოხსნას დასჯერდა. “სპურზის” ლიდერმა ტიმ დანკანმა სტუმრებს 10 ქულა და 23 მოხსნა მოუტანა.<
... მეტის წაკითხვა »
საქართველოს ვაჟ კალათბურთელთა XVI ეროვნული ჩემპიონატის ფლეი ოფში, თსუ- “თბილავიამშენის” ნახევარფინალური სერიის მე-5, დასკვნით შეხვედრას, თსუ-ს ერთ-ერთი საუკეთესო კალათბურთელი დავით ბერიშვილი გამოტოვებს. ამის შესახებ, “მსოფლიო სპორტს”, დათოს ტყუპისცალმა ირაკლიმ აცნობა. დავით ბერიშვილმა გაბზარული თავის ქალისა და ტვინის შერყევის გამო, წინა, მე-4 მატჩიც გამოტოვა, დაზიანება კი, ნახევარფინალური სერიის მე-3 შეხვედრის დროს მიიღო. ირაკლის ბერიშვილის თქმით, მის ძმას ექიმმა ერთკვირიანი წოლითი რეჟიმი გამოუწერა.
1892. ჰოლანდიის ქალაქ არნემში, საფეხბურთო კლუბი “ვიტესი” დაარსდა. 1904. აშშ-ის ქალაქ სენტ ლუისში, თანამედროვეობის მესამე ოლიმპიური თამაშები გაიხსნა. ოლიმპიადა იმით გამოირჩა, რომ მასში მონაწილეობა სრეკორდოდ მცირე რაოდენობის სპორტსმენმა მიიღო _ თამაშებში 12 ქვეყნის 625-მა ათლეტმა იასპარეზა. 1938. ინგლისის ფეხბურთელთა ეროვნულმა ნაკრებმა, ნაცისტური გერმანიის რჩეული ფეხბურთელებით დაკომპლექტებულ გუნდს 6:3 მოუგო. 1961. “ფორმულა-1”-ის მონტე-კარლოს (მონაკო) გრან-პრი სტილინგ მოსმა (“ლოტუსი”) მოიგო. 1972. “ფორმულა-1”-ის მონტე-კარლოს (მონაკო) გრან-პრი ჟან-პიერ ბელტოისმა (BRM) მოიგო. 1975. კიევის “დინამომ”, თასების მფლობელთა თასის გათამაშების ფინალში, ბაზელის “სენტ-იაკობის” სტადიონზე, ბუდაპეშტის “ფერენცვაროში” 3:0 დაამარცხა. გოლები ვიქტორ ონიშჩენკომ (2) და ოლეგ ბლოხინმა გაიტანეს. “დინამო”: რუდაკოვი, ტროშკინი, მატვიენკო, რეშკო, ფომენ
... მეტის წაკითხვა »
ესტონეთის საკალათბურთო ჩემპიონატის ფინალურ სერიაში, გიორგი ცინცაძის “როკმა” ტალინის “კალევი” 94:68 გაანადგურა და ჩემპიონობისკენ პირველი ნაბიჯი გადადგა. ქართველმა გამთამაშებელმა მოედანზე 35 წუთი დაჰყო და ტარტუელებს 9 ქულა, 2 მოხსნა, 3 პასი და 1 დაფარება შესძინა. ცინცაძემ 6-დან 2 ორქულიანი, 2-დან 1 საჯარიმო და 2-ვე საჯარიმო ჩააგდო, მსაჯებმა კი იგი 4-ჯერ დააჯარიმეს. “როკის” რიგებში საუკეთესო კასვორტმა 18 ქულითა და 19 მოხსნით ორმაგი დუბლი შეასრულა, ლეპიკმა 21 ქულა მიითვალა, ხოლო ტეინმა – 17. ფინალური სერიის მე-2 მატჩი 15 მაისს ისევ ტარტუში შედგება, ოქროს მედლების მოსაპოვებლად კი 4 მატჩის მოგებაა საჭირო.
საქართველოს ვაჟ კალათბურთლთა მე-16 ეროვნული ჩემპიონატის ფლეი ოფის მეოთხე ნახევარფინალურ შეხვედრაში, მდევრის როლში მყოფმა თსუ-მ, ანგარიშით 79:71 დაამარცხა “თბილავიამშენი” და სერიაში ანგარიში გაათანაბრა _ 2:2. 26 ქულით, მატჩის ყველაზე შედეგიანი კალათბურთელი, თსუ-ს უკანახაზელი მიხეილ ფანჩულიძე გახდა. “თბილიავიამშენის” მხრიდან ყველაზე მეტი, 13 ქულა, თორნიკე ნინიაშვილმა დააგროვა. “თბილავიამშენი” – თსუ-ს მეხუთე, გადამწყვეტი შეხვედრა ზეგ, 15 მაისს, 15 საათსა და 15 წუთზე, სპორტის სასახლეში ჩატარდება.
ესპანეთის საკალათბურთო ჩემპიონატის დასრულებული სეზონის საუკეთესო მოთამაშედ “ხირონას” ცენტრი მარკ გასოლი დასახელდა. ჟურნალისტების, მწვრთნელებისა და მოთამაშეების გამოკითხვის შედეგად, გასოლმა რუდი ფერნანდესსა და რიკი რუბიოს აჯობა, რომელთაც, შესაბამისად, მე-2 და მე-3 ადგილები ერგოთ. გასოლი სეზონის განმავლობაში თვის საუკეთესო კალათბურთელად 5-ჯერ აღიარეს, ხოლო ტურის საუკეთესო მოთამაშედ – 11-ჯერ, ამდენად, მისი გამარჯვება მოულოდნელი არ ყოფილა. “ხირონას” ლიდერს საუკეთესო მაჩვენებელი ჰქონდა მოხნებსა (8.4) და ორქულიანი დისტანციიდან შეტევის დროსაც (68.4%).
ეროვნული საკალათბურთო ასოციაციის (NBA) აღმოსავლეთ კონფერენციის ნახევარფინალში “ბოსტონ სელტიქსმა” “კლივლენდ კავალიერსს” 96:89 სძლია და სერიაში 3:2 დაწინაურდა.
ეროვნულმა საკალათბურთო ასოციაციამ (NBA) სეზონის ახალბედათა საუკეთესო ხუთეულები დაასახელა. 
1957. დაიბადა ოლეგ ზურაბიანი. 63 კგ წონით კატეგორიის ძიუდოისტთა შორის 1977 წლის ევროპის ჩემპიონი (გუნდური) და 1976 წლის კონტინენტის პირველობის ვერცხლის პრიზიორი. საბჭოთა კავშირის ჩემპიონი (1976) და თასის მფლობელი (1978). მონრეალის 1976 წლის ოლიმპიური თამაშების მონაწილე. საერთაშორისო კლასის სპორტის ოსტატი. ღირსების ორდენის კავალერი.
ეროვნული საკალათბურთო ასოციაციის მიერ ორგანიზებულ NBA Nation tour-ში, რომელსაც შტატ ჯორჯიის მთავარქალაქმა ატლანტამ უმასპინძლა, “ჰოუქსის” ქართველმა ცენტრმა ზაზა ფაჩულიამაც აქტიური მონაწილეობა მიიღო.
ეროვნული საკალათბურთო ასოციაციის (NBA) აღმოსავლეთ კონფერენციის ნახევარფინალში, “დეტროიტ პისტონზმა” “ორლანდო მეჯიქს” 91:86 სძლია, სერიაში 4:1 იმარჯვა და ფინალის საგზურიც მოიპოვა.
საქართველოს ვაჟ კალათბურთელთა XVI ეროვნული ჩემპიონატის ფლეი ოფში, თსუ- “თბილავიამშენის” ნახევარფინალური სერიის მე-5, დასკვნით შეხვედრას, თსუ-ს ერთ-ერთი საუკეთესო კალათბურთელი დავით ბერიშვილი გამოტოვებს. 
1892. ჰოლანდიის ქალაქ არნემში, საფეხბურთო კლუბი “ვიტესი” დაარსდა.
ესტონეთის საკალათბურთო ჩემპიონატის ფინალურ სერიაში, გიორგი ცინცაძის “როკმა” ტალინის “კალევი” 94:68 გაანადგურა და ჩემპიონობისკენ პირველი ნაბიჯი გადადგა.
საქართველოს ვაჟ კალათბურთლთა მე-16 ეროვნული ჩემპიონატის ფლეი ოფის მეოთხე ნახევარფინალურ შეხვედრაში, მდევრის როლში მყოფმა თსუ-მ, ანგარიშით 79:71 დაამარცხა “თბილავიამშენი” და სერიაში ანგარიში გაათანაბრა _ 2:2. 
ესპანეთის საკალათბურთო ჩემპიონატის დასრულებული სეზონის საუკეთესო მოთამაშედ “ხირონას” ცენტრი მარკ გასოლი დასახელდა.