ეროვნული საკალათბურთო ასოციაციის (NBA) წევრ “შარლოტ ბობქეთსის” მთავარ მწვრთნელად სახელოვანი ლარი ბრაუნი დაინიშნა, რომელიც უკანასკნელ ხანს “ფილადელფია სიქსერზის” პრეზიდენტად მუშაობდა. AP-ს ცნობით, ხსენებულ პოსტზე 67 წლის ბრაუნმა სემ ვინსენტი შეცვალა, რომელიც უხეირო შედეგების გამო დაითხოვეს. გამოცდილი სპეციალისტის მთავარი მიზანი მომავალ სეზონში “შარლოტის” ფლეიოფში გაყვანა იქნება.
ლეგენდარულმა პატ რაილიმ ეროვნული საკალათბურთო ასოციაციის (NBA) კლუბ “მაიამი ჰითის” მწვრთნელის პოსტი დატოვა და მუშაობას პრეზიდენტის თანამდებობაზე გააგრძელებს, მაიამელთა ახალი თავკაცი კი ერიკ სპოელსტრა იქნება. 37 წლის სპეციალისტმა “ჰითში” მუშაობა 1995 წელს ვიდეო-კოორდინატორად დაიწყო, 13-წლიანი სამსახურის მიწურულს კი რაილის თანაშემწედა და გუნდის სკაუტინგის დირექტორად მუშაობდა. სპოელსტრა NBA-ს ისტორიაში ყველაზე ახალგაზრდა მწვრთნელი გახდა. იგი აქამდელ რეკორდსმენზე – “ნიუ ჯერსის” თავკაც ლოურენს ფრანკზე 69 დღით
უკრაინის საკალათბურთო ჩემპიონატის ნახევარფინალურ სერიაში, მანუჩარ მარკოიშვილის “ბკ კიევმა” ლვოვის “პოლიტექნიკა-გალიჩინა” 104:72 გაანადგურა და 2:0 დაწინაურდა. კიეველთა მწვრთნელმა ტომო მაჰორიჩმა ტრავმის შემდეგ, ახლადმომჯობინებულ მარკოიშვილს მხოლოდ 16 წუთი დაუთმო, რა დროშიც ქართველმა 6 ქულა და 1 პასი მიითვალა. მანუჩარმა 4-დან 2 სამქულიანი ჩააგდო, 4-ჯერ დაჯარიმდა, ბურთი კი ერთხელ დაკარგა. “ბკ კიევის” რიგებში საუკეთესო რაიან სტეკმა 22 ქულა დააგროვა, “პოლიტექნიკა-გალიჩინას” ლიდერი ვოლოდიმირ გურტოვი კი 16 ქულას დასჯერდა. ნახევარფინალური სერიის მე-3 მატჩი ლვოვში 7 მაისს შედგება.
გიორგი ცინცაძის “როკმა” თანაქალაქელ “ფაუსტო-ტარტუს” ნახევარფინალური სერიის მე-2 მატჩიც მოუგო და თუკი, 6 მაისს, მეტოქეს შინაურ კედლებში კიდევ ერთხელ აჯობებს, ესტონეთის საკალათბურთო ჩემპიონატის პირველი ფინალისტი გახდება. “როკმა” გასვლით მატჩში 88:72 იმარჯვა, ცინცაძემ კი 13 ქულა, 8 პასი, 3 მოხსნა, 1 ჩაჭრა და 1 დაფარება მიითვალა და სტუმართა რიგებში საუკეთესო კალათბურთელი გახდა. ქართველმა გამთამაშებელმა მოედანზე 36 წუთი გაატარა და 10-დან 5 ორქულიანი და 6-დან 3 საჯარიმო ჩააგდო. “ფაუსტო-ტარტუს” რიგებში საუკეთესო არმპალუმ 25 ქულისა და 9 მოხსნის მოგროვება შეძლო.
საბერძნეთის საკალათბურთო პირველობის მეოთხედფინალური სერიის პირველ მატჩში, ვლადიმერ ბოისას “არისი” “მარუსის” დაუხვდა და სენსაციურად 61:72 დამარცხდა. ქართველმა კალათბურთელმა 25 წუთს ითამაშა და სალონიკელებს 6 ქულა და 3 მოხსნა შესძინა. ბოისამ 3-დან 1 საჯარიმო, ორქულიანი და 5-დან 1 სამქულიანი ჩააგდო, ბურთი კი ერთხელ დაკარგა. “არისის” რიგებში ცალდარისმა და ვაშინგტონმა 12-12 ქულა მიითვალეს, მატჩის გმირი კი “მარუსის” წევრი მილისავლიევიჩი გახდა, რომელმაც 27 ქულა მოაგროვა. სერიის მე-2 შეხვედრას “მარუსის” სარბიელი 5 მაისს უმასპინძლებს.
ნბა-ს პლეი ოფში რის ვაი-ვაგლახით შესულმა ”ატლანტა ჰოუქსმა” 29.04.2008
საკალათბურთო საზოგადოება გააოცა - ”ბოსტონ სელტიქსი” შინ მეორედ
დაამარცხა და მერვედფინალურ სერიაში ანგარიში გაათანაბრა – 2:2
ამერიკელები არანაკლებ გააოგნა ზაზა ფაჩულიას მოქმედებამ. ქართველმა
ცენტრმა კევინ გარნეტს იდაყვის ჩარტყმა არ შეარჩინა და, როგორც ”ატლანტას”
ერთ-ერთი ქომაგი წერს, კევინს ვალი ზინედინ ზიდანის ილეთით დაუბრუნა.
ფაჩულიასა და გარნეტის ჩხუბს ცალკე სტატია მიეძღვნა ატლანტურ გაზეთ ”კონსტიტუშენში”
”მეოთხე მატჩამდე ”ჰოქსსა” და ”სელტიქსს” თანაბარ გუნდებად არავინ
თვლიდა, მაგრამ ბოლო თამაშმა ბევრს აზრი შეაცვლევინა. ზაზა ფაჩულიასა და
კევინ გარნეტის შეხლა-შემოხლამაც ნათლად დაგვანახვა, რომ ჯორჯიელები
არაფრის დამთმობნი არ არიან.
დიდ შესვენებამდე 7:24 წუთით ადრე ”ბოსტონის” ფარზე ბურთისთვის
ბრძოლისას განეტმა ზაზას მკერდში იდაყვი უთავაზა. ქართველმა ცე
... მეტის წაკითხვა »
მსოფლიოს 2014 წლის საკალათბურთო ჩემპიონატის მასპინძლობაზე განაცხადების შეტანის ვადის ამოწურვამდე 2 დღით ადრე, საკუთარი პრეტენზია საბერძნეთის კალათბურთის ფედერაციამაც გააჟღერა. FIBA-ს ოფიციალური ვებ-გვერდის ცნობით, ესპანეთის, საფრანგეთის, დანიის, რუსეთის, საუდის არაბეთის, ყატარისა და იტალიის შემდეგ, საბერძნეთი მე-8 კანდიდატი ქვეყანა გახდა. მსოფლიოს პირველობის მასპინძლობის მსურველთა საბოლოო ნუსხა მაისის დასაწყისში გამოქვეყნდება, 2008 წლის დეკემბრიდან მარტამდე სპეციალური კომისია განაცხადებს შეისწავლის, ხოლო 2014 წლის მსოფლიოს ჩემპიონატის მასპინძლის ვინაობა 2009 წლის აპრილში გაცხადდება.
ეროვნული საკალათბურთო ასოციაციის (NBA) კლუბ “დალას მავერიქსის” ხელმძღვანელობამ მთავარი მწვრთნელი ეივერი ჯონსონი თანამდებობიდან დაითხოვა. დალასელები ზედიზედ მე-2 სეზონში ლიგის ფლეოფს პირველივე წრეში დაემშვიდობნენ, რამაც გუნდის უფროსობის მოთმინების ფიალა აავსო. არადა, “მავერიქსს” საკმაოდ ძლიერი შემადგენლობა ჰყავს. ჯეისონ კიდის, მაიკლ ფინლისა და დირკ ნოვიცკის ჯამური ხელფასი 54,7 მილიონ დოლარს უტოლდება. წლევანდელ ფლეიოფში დალასელები “ნიუ ორლეან ჰორნეთსთან” 1:4 განადგურდნენ.
უკანასკნელი ცხრა წლის განმავლობაში ეროვნული საკალათბურთო ასოციაციის
(NBA) ფლეიოფში პირველად გასულმა ზაზა ფაჩულიას “ატლანტა ჰოუქსმა”,
რეგულარული ჩემპიონატის გამარჯვებულ “ბოსტონ სელტიქსს” სერიის მე-3 მატჩი
მოუგო და ანგარიში გაათანაბრა, ქართველმა ცენტრმა კი 9 ქულა და 6 მოხსნა
მიითვალა.
ჯორჯიელებმა სერიის გასვლითი მატჩები საშუალოდ 22 ქულის სხვაობით დათმეს,
თუმცა, შინაურ “ფილიპს არენაზე” შეუდარებლად გამოიყურებოდნენ და დარბაზში
შეკრებილი 20 425 ქომაგი აღტაცებაში უკვე მესამედ მოიყვანეს.
ამჯერად, “ჰოუქსმა” დრამატულ მატჩში 103:100 იმარჯვა, გადამწყვეტი
სამქულიანი კი ჯო ჯონსონმა შეხვედრის დასრულებამდე 1.07 წუთით ადრე ჩააგდო
და საერთო ანგარიში 3:3 გახადა.
საფინალო სირენის შემდეგ, ფაჩულიამ ხელთ მიკროფონი იგდო და გამაყრუებელ
ღრიანცელში გულშემატკივარს შესძახა, ჩვენ მე-7 მატჩის მოსაგებად
მივდივართო, რამაც ფანები სულ მთლად გადარია.
ქართველი ცენტრი ჩინებულ განწყობაზე გახლ
... მეტის წაკითხვა »
იტალიის კალათბურთის ფედერაციამ 2014 წლის მსოფლიოს ჩემპიონატის მასპინძლობის სურვილი გამოთქვა და კალათბურთის ასოციაციათა საერთაშორისო ფედერაციაში (FIBA) ოფიციალური განაცხადი შეიტანა. ამის შესახებ FIBA-ს ოფიციალური საიტი იუწყება. იტალია მე-7 ქვეყანაა, ესპანეთის, საფრანგეთის, დანიის, რუსეთის, საუდის არაბეთისა და ყატარის შემდეგ, რომელმაც მსოფლიოს ჩემპიონატის მასპინძლობის სურვილი გამოთქვა. განაცხადის შეტანის ვადა მიმდინარე წლის 30 აპრილს იწურება, მასპინძელი ქვეყნის ვინაობა კი ერთი წლის შემდეგ - 2009 წლის აპრილში გამოვლინდება.
უკრაინის საკალათბურთო ჩემპიონატის ნახევარფინალურ სერიაში, მანუჩარ მარკოიშვილის “ბკ კიევმა” ლვოვის “პოლიტექნიკა-გალიჩინა” 104:72 გაანადგურა და 2:0 დაწინაურდა.
გიორგი ცინცაძის “როკმა” თანაქალაქელ “ფაუსტო-ტარტუს” ნახევარფინალური სერიის მე-2 მატჩიც მოუგო და თუკი, 6 მაისს, მეტოქეს შინაურ კედლებში კიდევ ერთხელ აჯობებს, ესტონეთის საკალათბურთო ჩემპიონატის პირველი ფინალისტი გახდება.
საბერძნეთის საკალათბურთო პირველობის მეოთხედფინალური სერიის პირველ მატჩში, ვლადიმერ ბოისას “არისი” “მარუსის” დაუხვდა და სენსაციურად 61:72 დამარცხდა. 
ნბა-ს პლეი ოფში რის ვაი-ვაგლახით შესულმა ”ატლანტა ჰოუქსმა” 29.04.2008
საკალათბურთო საზოგადოება გააოცა - ”ბოსტონ სელტიქსი” შინ მეორედ
დაამარცხა და მერვედფინალურ სერიაში ანგარიში გაათანაბრა – 2:2 
უკანასკნელი ცხრა წლის განმავლობაში ეროვნული საკალათბურთო ასოციაციის
(NBA) ფლეიოფში პირველად გასულმა ზაზა ფაჩულიას “ატლანტა ჰოუქსმა”,
რეგულარული ჩემპიონატის გამარჯვებულ “ბოსტონ სელტიქსს” სერიის მე-3 მატჩი
მოუგო და ანგარიში გაათანაბრა, ქართველმა ცენტრმა კი 9 ქულა და 6 მოხსნა
მიითვალა.
იტალიის კალათბურთის ფედერაციამ 2014 წლის მსოფლიოს ჩემპიონატის მასპინძლობის სურვილი გამოთქვა და კალათბურთის ასოციაციათა საერთაშორისო ფედერაციაში (FIBA) ოფიციალური განაცხადი შეიტანა.