Main » 2008 » მაისი » 2 » ფაჩულია NBA-ს ფლეიოფში ითამაშებს
ფაჩულია NBA-ს ფლეიოფში ითამაშებს
10:50 PM
თითქმის ათწლიანი პაუზის შემდეგ, ზაზა ფაჩულიას “ატლანტა ჰოუქსმა” ეროვნული საკალათბურთო ასოციაციის (NBA) ფლეიოფში გააღწია, ქართველი ცენტრი კი ესოდენ მაღალ დონეზე სულაც პირველად ითამაშებს. ატლანტელებს დღეს დილით არ უთამაშიათ, თუმცა, ვინიდან მათმა მთავარმა კონკურენტმა “ინდიანა პეისერზმა” “ვაშინგტონ უიზარდსთან” წაიფორხილა, “ჰოუქსს” ფლეი-ოფის საგზური ოფიციალურად ერგო. ამგვარად, ცნობილი გახდა იმ 16-ვე გუნდის ვინაობა, რომელიც ჩემპიონატის მოგებისთვის ბრძოლა განაგრძობს. აღმოსავლეთ კონფერენციაში ეს პატივი “ბოსტონს”, “დეტროიტს”, “ორლანდოს”, “კლივლენდს”, “ვაშინგტონს”, “ტორონტოს”, “ფილადელფიასა” და “ატლანტას” ერგოთ, დასავლეთში კი “ლეიკერსმა”, “ნიუ ორლეანმა”, “სან ანტონიომ”, “იუტამ”, “ჰიუსტონმა”, “ფენიქსმა”, “დალასმა” და “დენვერმა” იყოჩაღეს. უკვე ცნობილია, რომ ფაჩულიას “ჰოუქსი” ფლეიოფის პირველ რაუნდში აღმოსავლეთ კონფერენციის ლიდერ “ბოსტონს” შეერკინება. “სელტიქსმა” მიმდინარე სეზონში უკვე 65 მატჩის მოგება მოასწრო და ცხადია, ატლანტელებთანაც აშკარა ფავორიტად მოიაზრება.
თითქმის ათწლიანი პაუზის შემდეგ, ზაზა ფაჩულიას “ატლანტა ჰოუქსმა” ეროვნული საკალათბურთო ასოციაციის (NBA) ფლეიოფში გააღწია, ქართველი ცენტრი კი ესოდენ მაღალ დონეზე სულაც პირველად ითამაშებს.
