Main » 2008»მაისი»2 » ფაჩულიას “ჰოუქსი” ფლეიოფიდან გავარდნის პირასაა
ფაჩულიას “ჰოუქსი” ფლეიოფიდან გავარდნის პირასაა
10:04 PM
ზაზა ფაჩულიას “ატლანტა ჰოუქსმა” “ბოსტონ სელტიქსთან” საფელიფო სერიაში ზედიზედ 2 გამარჯვების შემდეგ, სასწაული ვეღარ მოახდინა და გასვლით შეხვედრაში 85:110 განადგურდა. ამგვარად, ჯორჯიელები ფავორიტად შერაცხულ მეტოქეს 2:3 ჩამორჩნენ და კიდევ ერთი მარცხის შემთხვევაში, ეროვნული საკალათბურთო ასოციაციის (NBA) ფლეიოფს პირველივე რაუნდში დაემშვიდობებიან. ბოსტონის “ბენკნორს არენაზე” გამართულ შეხვედრაში, გამარჯვებულის ვინაობა ეჭვქვეშ ერთხელაც არ დამდგარა. 18 624 ათასი ქომაგის მხარდაჭერით შეგულიანებული მასპინძლები “ჰოუქსს” პირველივე წუთებიდან ეკვეთნენ და მეტოქეს ყველა მეოთხედი მოუგეს. ფაჩულიამ მხოლოდ 11 წუთს იასპარეზა და ამ დროშიც, თამაში აშკარად არ წაუვიდა. ზაზამ ხუთიდან მხოლოდ ერთი ტყორცნა გამოიყენა და 2 ქულის გარდა, ერთადერთი პასი მოაგროვა. ზაზას ორჯერ დაუფარეს, მსაჯებმა კი იგი სამჯერ დააჯარიმეს. ქართველი ცენტრის კონკურენტმა ალ ჰორფორდმა 14 ქულითა და 10 მოხსნით მორიგი ორმაგი დუბლი მიითვალა, “ატლანტას” რიგებში საუკეთესო ჯო ჯონსონმა კი 21 ქულა მოაგროვა. “სელტიქსის” რიგებში 10-ქულიან ზღვარს 6-მა კალათბურთელმა მიაღწია, რომელთაგან პირსი (22 ქულა, 7 მოხსნა, 6 პასი), გარნეტი (20 ქულა, 5 მოხსნა, 7 პასი) და ალენი (19 ქულა, 3 მოხსნა, 4 პასი) უნდა გამოვარჩიოთ. სერიის მე-6 მატჩი 3 მაისს ატლანტაში შედგება, “ჰოუქსის” გამარჯვების შემთხვევაში კი, გადამწყვეტ შეხვედრას, 5 მაისს, ისევ ბოსტონი უმასპინძლებს.
ზაზა ფაჩულიას “ატლანტა ჰოუქსმა” “ბოსტონ სელტიქსთან” საფელიფო სერიაში ზედიზედ 2 გამარჯვების შემდეგ, სასწაული ვეღარ მოახდინა და გასვლით შეხვედრაში 85:110 განადგურდა. 
