Main » 2008»მაისი»4 » “ნიუ ორლეანმა” და “სან ანტონიომ” ნახევარფინალში გააღწიეს
“ნიუ ორლეანმა” და “სან ანტონიომ” ნახევარფინალში გააღწიეს
6:49 PM
“ნიუ ორლეან ჰორნეთსმა” და “სან ანტონიო სპურზმა” ეროვნული საკალათბურთო ასოციაციის (NBA) ფლეიოფში, შესაბამისად, “დალას მავერიქსსა” და “ფენიქს სანზს” მე-4 მატჩები მოუგეს და დასავლეთ კონფერენციის ნახევარფინალში თამაშის უფლება მოიპოვეს. ნიუ ორლეანელებმა დალასელებს 99:94 სძლიეს, რაშიც ლომის წვლილი სამმაგი დუბლის (24 ქულა, 11 მოხსნა, 15 პასი) შემსრულებელმა პოლმა დაიდო. 25 ქულა და 7 მოხსნა მოუგროვდა უესტს, ხოლო ჩენდლერმა 10 ქულას, 14 მოხსნა და 3 დაფარება წაამატა. “მავერიქსის” ლიდერმა ნოვიცკიმ გუნდს 22 ქულა, 13 მოხსნა და 6 პასი მოუტანა. პარკერისა და დანკანის ბენეფისად იქცა “სპურზისა” და “სანზის” მატჩი, რომელიც მასპინძლებმა 92:87 მოიგეს. ფრანგმა გამთამაშებელმა 31 ქულითა და 8 პასით მატჩის ბომბარდირობა არავის დაუთმო, ამერიკელი ვარსკვლავი კი 29 ქულას, 17 მოხსნასა და 3 დაფარებას გამორჩა. ფენიქსელთა რიგებში დიაო 22 ქულას, 8 მოხსნასა და 8 პასს გამორჩა, სტაუდმაიერმა კი 15 ქულითა და 11 მოხსნით ორმაგი დუბლი შეასრულა. სერიაში ჩამორჩენა მინიმუმამდე დაიყვანა “ჰიუსტონ როკიტსმა”, რომელმაც “იუტა ჯაზი” 95:69 გაანადგურა და მეტოქეს 2:3 ჩამორჩება. ჰიუსტონელთა ლიდერმა მაკგრეიდიმ 28 ქულა მოაქუჩა, სტუმართა წამყვანმა კალათბურთელმა ბუზერმა კი – 19 ქულა, 10 მოხსნა და 3 ჩაჭრა. აღმოსავლეთ კონფერენციაში 3:2 დაწინაურდა “დეტროიტ პისტონზი”, რომელმაც “ფილადელფია სიქსერზს” 98:81 სძლია. მასპინძელთა შემადგენლობაშო ბილაფსმა 21 ქულა და 12 მოხსნა მოაგროვა, ხოლო ჰემილტონი 20 ქულას დასჯერდა. ფილადელფიელთა რიგებში საუკეთესო იგუდალა გახლდათ – 21 ქულა, 6 პასი, 3 ჩაჭრა. “ნიუ ორლეან ჰორნეთსმა” და “სან ანტონიო სპურზმა” ეროვნული საკალათბურთო ასოციაციის (NBA) ფლეიოფში, შესაბამისად, “დალას მავერიქსსა” და “ფენიქს სანზს” მე-4 მატჩები მოუგეს და დასავლეთ კონფერენციის ნახევარფინალში თამაშის უფლება მოიპოვეს.
