Main » 2008»მაისი»5 » “ოლ სტარის” ბოლო მეოთხედის წინ უსტიაშვილის გუნდი იგებს
“ოლ სტარის” ბოლო მეოთხედის წინ უსტიაშვილის გუნდი იგებს
6:24 PM
თბილისის სპორტის სასახლეში მიმდინარე საქართველოს ვაჟ კალათბურთელთა XVI ეროვნული ჩემპიონატის “ოლ სტარის” ბოლო მეოთხედის წინ უსტიაშვილის გუნდი ჭეიშვილის გუნდს 100:96-ს უგებს. ამ დროისთვის, 25 ქულით, მატჩის ყველაზე შედეგიანი მოთამაშე ვიქტორ სანიკიძეა. “ოლ სტარში” მოასპარეზე დავით უსტიაშვილის გუნდიდან, თამაშზე 12-ის ნაცვლად, 11 სპორტსმენი გამოცხადდა. თავიდან შერჩეული სათადარიგო მოთამაშეებიდან დღევანდელ მატჩში არ მონაწილეობენ რამაზ გოგობერიშვილი (ენერჯი ინვესტი), ვლადიმერ ბეჟანიშვილი, გიორგი მარკოიშვილი და გიორგი მარხვაშვილი (სამივე, ვითა). მათ ნაცვლად თამაშობენ ირაკლი ჭოჭუა, რეზო დიდია (ენერჯი ინვესტი) და დათო გვიმრაძე (ვითა). პირველი მეოთხედის დასრულების შემდეგ, გაიმართა შეჯიბრი წინაღობების გადალახვაში, სადაც 4 კალათბურთელი: დავით არსენიძე (მოქმედი ჩემპიონი, თსუ), გიორგი გამყრელიძე, მიშა ჩიტაშვილი (ორივე, ენერჯი ინვესტი) და გიორგი ნანეტაშვილი (დინამო) მონაწილეობს. ფინალში გავიდნენ დავით არსენიძე (15 წამი), მას ერთი წამით ჩამორჩა გიორგი ნანეტაშვილი. ასევე გაიმართა შეჯიბრი 3-ქულიანების ჩაგდებაში, რომლის ფინალშიც თსუ-ს მოთამაშე დავით ბერიშვილმა მიხეილ ბერიშვილს 22:16 მოუგო.
