უკრაინის საკალათბურთო ჩემპიონატის პირველი ფინალისტი მანუჩარ მარკოიშვილის “ბკ კიევი” გახდა, რომელმაც ლვოვის “პოლიტექნიკა-გალიჩინას” ნახევარფინალური სერია 3:0 მოუგო. კიევში განცდილი ორი მარცხის შემდეგ, ლვოველებს სიტუაციის გამოსწორების იმედი საშინაო შეხვედრაში ჰქონდათ, თუმცა, მარკოიშვილის კლუბს სათანადო წინააღმდეგობა ვერ გაუწიეს და 67:89 დამარცხდნენ. ქართველმა კალათბურთელმა 19 წუთს ითამაშა და გუნდს 7 ქულა, 1 მოხსნა, 1 პასი და 1 ჩაჭრა მოუტანა. მანუჩარმა 3-დან 1 სამქულიანი, 3-დან 1 ორქულიანი და 2-ვე საჯარიმო ჩააგდო, ბურთი 2-ჯერ დაკარგა, ჯარიმა კი არ მიუღია. კიეველთა რიგებში 10-ქულიან ზღვარს 4-მა კალათბურთელმა გადააბიჯა, მათგან საუკეთესო რაიან სტეკმა კი 16 ქულა და 6 მოხსნა მიითვალა. ფინალში “ბკ კიევის” მეტოქე მარიუპოლის “აზოვმაშისა” და იუჟნის “ხიმიკის” დაპირისპირებაში ირკვევა. ამ დროისთვის, “აზოვმაში” 2:1-ს იგებს, სერიის მე-4 მატჩს კი, 9 მაისს, იუჟნიში გაიმართება.
უკრაინის საკალათბურთო ჩემპიონატის პირველი ფინალისტი მანუჩარ მარკოიშვილის “ბკ კიევი” გახდა, რომელმაც ლვოვის “პოლიტექნიკა-გალიჩინას” ნახევარფინალური სერია 3:0 მოუგო.
