Main » 2008 » მაისი » 8 » ბრაიანტი სეზონის ყველაზე სასარგებლო მოთამაშე გახდა
ბრაიანტი სეზონის ყველაზე სასარგებლო მოთამაშე გახდა
8:43 AM
ნაციონალურ საკალათბურთო ასოციაციაში მოასპარეზე “ლოს ანჯელეს ლეიკერსის” მცველი კობი ბრაიანტი, პირველად კარიერის განმავლობაში, NBA-ს სეზონის ყველაზე სასარგებლო მოთამაშე გახდა. როგორც AP იუწყება, 11-წლიანი კარიერის განმავლობაში, ბრაინტმა ყველაზე სასარგებლო მოთამაშეთა გამოკითხვაში ორჯერ (2002/2003 და 2006/2007 წლების სეზონებში) დაიკავა მე-3 ადგილი და ეს მიუხედავად იმისა, რომ ბოლო 2 წლის რეგულარული ჩემპიონატის შედეგების მიხედვით, ის ყველაზე შედეგიანი მოთამაშეა. მიმდინარე წლის გამოკითხვაში, ბრაიანტი ყველაზე სასარგებლო მოთამაშედ 82-მა სპეციალისტმა დაასახელა, მთლიანობაში კი, მოთამაშემ 1 105 ქულა დააგროვა. გამოკითხვაში მე-2 ადგილი “ნიუ ორლეანის” გამთამაშებელმა კრის პოლმა დაიკავა (28 პირველი ადგილი, სულ 889 ქულა), მე-3 “ბოსტონის” ფორვარდი კევინ გარნეტი გახდა (15 პირველი ადგილი, 670 ქულა), მე-4 ადგილი კი წილად “კლივლენდის” ფორვარდ ლებრონ ჯეიმსს ხვდა (1 პირველი ადგილი, 438 ქულა). ბრაიანტის საშუალო მაჩვენებელი სეზონის მიხედვით 28,3 ქულას, 6,3 მოხსნას, 5,4 შედეგიან გადაცემას და 1,8 ჩაჭრას შეადგენდა. ამასთან ერთად, “ლეიკერსის” ლიდერმა, ტურნირის მსვლელობისას მიღებული ტრავმის მიუხედავად, 82-ივე შეხვედრაში მიიღო მონაწილეობა. კალიფორნიული კლუბის წარმომადგენელთაგან, ეს ჯილდო, უკანასკნელად 1999/2000 წლების სეზონში, წილად შაკილ ონილს ხვდა. “თავი ფილმში მგონია. ასეთ წარმატებული სეზონი, მხოლოდ და მხოლოდ ჩემპიონის ტიტულის მოპოვებით უნდა დაასრულო. ამ ჯილდოს მოგება მარტო ერთი კაცისთვის ძალიან ძნელია. მადლობელი ვარ თანაგუნდელების, რადგანაც ჩემი პირადი წარმატება, მათი დამსახურებაა. “ლეიკერსი” ჩემი გუნდია და იქ ჩემი ძმები თამაშობენ” - განაცხადა ბრაიანტმა მას შემდეგ, რაც NBA-მ ის ოფიციალურად აღიარა 2007/2008 წლების სეზონის უძვირფასეს კალათბურთელად.
ნაციონალურ საკალათბურთო ასოციაციაში მოასპარეზე “ლოს ანჯელეს ლეიკერსის” მცველი კობი ბრაიანტი, პირველად კარიერის განმავლობაში, NBA-ს სეზონის ყველაზე სასარგებლო მოთამაშე გახდა.
