Main » 2008»მაისი»8 » “მეჯიქმა” სერიაში ჩამორჩენა შეამცირა
“მეჯიქმა” სერიაში ჩამორჩენა შეამცირა
8:07 PM
ეროვნული საკალათბურთო ასოციაციის (NBA) მეოთხედფინალურ სერიაში, “ორლანდო მეჯიქმა” “დეტროიტ პიზტონზთან” სერიაში ჩამორჩენა შეამცირა, “ლოს ანჟელეს ლეიკერსმა” კი “იუტა ჯაზს” მე-2 მატჩიც მოუგო. აღმოსავლეთ კონფერენციაში ორლანდოელებმა “პისტონზს” 111:86 სძლიეს, რაშიც ლომის წვლილი ლუისმა დაიდო. მან 33 ქულა მოაგროვა, ჰოვარდის ანგარიშზე კი 20 ქულა, 12 მოხსნა და 6 დაფარება გახლდათ. დეტროიტელთა რიგებში ჰემილტონმა 24 ქულა მოაგროვა, ხოლო პრინსმა სტუმრებს 22 ქულა და 7 მოხსნა შესძინა. “მეჯიქის” სერიას 1:2-ს აგებს. დასავლეთ კონფერენციაში “ლეიკერსმა” “იუტას” 120:110 სძლია და 2:0 დაწინაურდა. კალიფორნიელებს სეზონის უძვირფასეს მოთამაშეს დასახელებულმა ბრაიანტმა ულიდერა, რომელმაც 34 ქულა, 8 მოხსნა და 6 პასი მიითვალა. 22 ქულას გამორჩა ფიშერი, გასოლმა კი 20 ქულა და 5 დაფარება მოაგროვა. “ჯაზის” შემადგენლობაში ორმაგი დუბლი უილიამსმა და მილსეპმა გაახერხეს. პირველმა გუნდს 25 ქულა და 10 მოხსნა მოუტანა, მეორემ – 17 ქულა და 10 მოხსნა.
