საქართველოს ვაჟ კალათბურთელთა XVI ჩემპიონატის ფლეი ოფის ნახევარფინალური სერიის პირველ შეხვედრაში, “თბილავიამშენმა” თსუ-ს 118:114 მოუგო და 1:0 დაწინაურდა. შედეგიდან გამომდინარე, ნათლად ჩანს, რომ ორივე გუნდმა აქცენტი შეტევაზე გააკეთა. შეხვედრის პირველი ნახევარი “თბილავიამშენმა” 22 ქულის სხვაობით - 65:43 მოიგო. თსუ ბევრს ეცადა, მაგრამ მატჩის გადარჩენა ვეღარ შეძლო. პირველი ტაიმის დასრულებამდე 3 წუთითა და 57 წამით ადრე, მსაჯის სიტყვიერი შეურაცხყოფის გამო, მოედნიდან გააძევეს თსუ-ს ერთ-ერთი ლიდერი ირაკლი კედია. მის შესახებ საგანგებო ტექნიკური კომისია იმსჯელებს და კეიდიას, სავარაუდოდ, ფულად ჯარიმასთან ერთად, რამდენიმე შეხვედრის გამოტოვება მოუწევს. 33 ქულით, მატჩის ყველაზე შედეგიანი მოთამაშე თსუ-ს წევრი დავით ბერიშვილი იყო. 29 ქულითა და 11 მოხსნით ორმაგი დუბლი მისმა თანაგუნდელმა დავით ბარბაქაძემ შეასრულა. “მფრინავების” მხრიდან, 28 ქულითა და 10 მოხსნით, საუკეთესო იყო რიჩარდ მათიაშვილი. “თბილავიამშენი”-თსუ-ს მეორე შეხვედრა ხვალ, 9 მაისს, 15.15 საათზე გაიმართება
საქართველოს ვაჟ კალათბურთელთა XVI ჩემპიონატის ფლეი ოფის ნახევარფინალური სერიის პირველ შეხვედრაში, “თბილავიამშენმა” თსუ-ს 118:114 მოუგო და 1:0 დაწინაურდა.
