Main » 2008 » მაისი » 9 » თსუ-მ სერიაში ანგარიში მთავარი მწვრთნელის გარეშე გაათანაბრა
თსუ-მ სერიაში ანგარიში მთავარი მწვრთნელის გარეშე გაათანაბრა
9:09 PM
საქართველოს ვაჟ კალათბურთელთა XVI ეროვნული ჩემპიონატის ფლეი ოფში, თსუ-“თბილავიამშენის” ნახევარფინალური სერიის მეორე შეხვედრაში, მთავარი მწვრთნელის გარეშე დარჩენილმა სტუდენტებმა “მფრინავებს” 93:85 მოუგეს და სერიაში ანგარიში გაათანაბრეს - 1:1. თსუ-ს მთავარი მწვრთნელი ნუგზარ ჭეიშვილი, პირველი ტაიმის დასრულებამდე 11,4 წამით ადრე, შეხვედრის ერთ-ერთი მსაჯის დავით ბერიკაშვილის სიტყვიერი შეურაცხყოფის გამო, სათადარიგოთა სკამიდან გააძევეს და მისი ადგილი მეორე მწვრთნელმა ნუგზარ მარკოიშვილმა დაიკავა. თუ რამდენ შეხვედრაში მოუწევს თსუ-ს მთავარი მწვრთნელის გარეშე თამაში, ამაზე სტკ-ა იმსჯელებს. 28-28 ქულით, მატჩის ყველაზე შედეგიანი კალათბურთელები გახდნენ, თსუ-ს უკანახაზელი დავით ბერიშვილი და “თბილავიამშენის” ლიდერი კოტე ტუღუში. მაღალი შედეგიანობის გარდა, ბერიშვილმა 10, ხოლო ტუღუშმა 11 მოხსნა გააკეთა და ორმაგი დუბლიც შეასრულეს. 26 ქულით და 11 მოხსნით, მე-3 ორმაგი დუბლის ავტორი დავით ბერიშვილის თანაგუნდელი დავით ბარბაქაძე გახდა. “თბილავიამშენი”-თსუ-ს ნახევარფინალური სერიის მე-3 შეხვედრა, ორშაბათს, 12 მაისს, 15.15 საათზე თბილისის სპორტის სასახლეში ჩატარდება.
საქართველოს ვაჟ კალათბურთელთა XVI ეროვნული ჩემპიონატის ფლეი ოფში, თსუ-“თბილავიამშენის” ნახევარფინალური სერიის მეორე შეხვედრაში, მთავარი მწვრთნელის გარეშე დარჩენილმა სტუდენტებმა “მფრინავებს” 93:85 მოუგეს და სერიაში ანგარიში გაათანაბრეს - 1:1.
