Main » 2008»მაისი»11 » კარლაილი “დალასთან” კონტრაქტს დღეს გააფორმებს
კარლაილი “დალასთან” კონტრაქტს დღეს გააფორმებს
10:20 AM
კალათბურთის მწვრთნელი რიკ კარლაილი, ნაციონალურ საკალათბურთო ასოციაციის კლუბ “დალასთან” კონტრაქტს დღეს გააფორმებს. როგორც AP იუწყება, 49 წლის სპეციალისტსა და გუნდის მფლობელ მარკ კუბანს შორის სიტყვიერი შეთანხმება აქამდეც არსებობდა, ახლა კი, შეთანხმებას ოფიციალური სახე მიეცემა. კარლაილი წარსულში “დეტროიტს” და “ინდიანას” ავარჯიშებდა და რეგულარულ ჩემპიონატში, საერთო ჯამში, 281 გამარჯვება მოიპოვა და 211 მარცხი განიცადა. ამასთან ერთად, თავისთვის სადებიუტო NBA-ს სეზონში, ის საუკეთესო მწვრთნელად დასახელდა. სამწვრთნელო კარიერის პირველ 5 წელიწადს, რიკ კარლაილს გუნდი ფლეი-ოფში გაყავდა, 2006/2007 წლების სეზონში კი, მისმა გაწვრთნილმა “ინდიანამ” ეს ვერ მოახერხა და მწვრთნელმა თანამდებობა დატოვა.
კალათბურთის მწვრთნელი რიკ კარლაილი, ნაციონალურ საკალათბურთო ასოციაციის კლუბ “დალასთან” კონტრაქტს დღეს გააფორმებს.
