Main » 2008»მაისი»11 » კეიდია, მესამე ნახევარფინალურ მატჩში, ჯარიმის გადახდის შემთხვევაში ითამაშებს
კეიდია, მესამე ნახევარფინალურ მატჩში, ჯარიმის გადახდის შემთხვევაში ითამაშებს
9:52 PM
საქართველოს კალათბურთის ფედერაციის სტკ-ს მიერ მიღებული გადაწყვეტილებით, თსუ-ს ფორვარდ ირაკლი კეიდიას, ფლეი ოფში, თსუ-“თბილავიამშენის” ნახევარფინალურ სერიაში, ერთი შეხვედრის გამოტოვება და ფედერაციის სასარგებლოდ, 200 ამერიკული დოლარის ექვივალენტი ლარის გადახდა დაეკისრა. ამის შესახებ “მსოფლიო სპორტს” სტკ-ს თავმჯდომარე გია მიქაძემ განუცხადა. კეიდიამ ერთი შეხვედრა უკვე გამოტოვა, ხოლო თუ ფლეი ოფის მე-3 შეხვედრის დაწყებამდე, ანუ 12 მაისს, 17 სათსა და 15 წუთამდე, დაკისრებულ თანხასაც გადაიხდის, ხვალინდელ მატჩში, მონაწილეობის მიღების უფლებასაც მიიღებს. ირაკლი კეიდია, თსუ-“თბილავიამშენის” ნახევარფინალური სერიის პირველ შეხვედრაში, მოედნის მსაჯმა ზაზა მაჩალაძემ, არბიტრის სიტყვიერი შეურაცხყოფის გამო, მოედნიდან გააძევა და ზემოთ ნახსენები სასჯელი კალათბურთელმა ამიტომ დაიმსახურა.
