საქართველოს ვაჟ კალათბურთელთა XVI ეროვნული ჩემპიონატის ფლეი ოფში, თსუ-“თბილავიამშენის” ნახევარფინალური მატჩების სერიის მე-3 შეხვედრაში გამარჯვების შედეგად, “მფრინავების” გუნდი 2:1 დაწინაურდა და ფინალში გასასვლელად ერთი მოგებაღა სჭირდება. დღევანდელი მატჩი “თბილავიამშენმა” თსუ-ს 89:87 მოუგო. შეხვედრის ერთ-ერთ მონაკვეთში, “ავიამშენი” 21 ქულით - 55:34 დაწინაურდა. ლევან მოსეშვილის შეგირდებმა ნაადრევად ირწმუნეს გამარჯვება და დამარცხებას ძლივს გადაურჩნენ. 19-19 ქულით, მატჩის ყველაზე შედეგიანი, თსუ-ს კალათბურთელები – მიხეილ ფანჩულიძე და ირაკლი კეიდია იყვნენ. “თბილავიამშენის” მხრიდან ყველაზე მეტი - 17 ქულა ვახტანგ მინაშვილმა დააგროვა. 15 ქულითა და 10 პასით, ორმაგი დუბლი მინაშვილის თანაგუნდელმა კოტე ტუღუშმა გააკეთა. თსუ-“თბილავიამშენის” ნახევარფინალური მატჩების სერიის მე-4 შეხვედრა ხვალ, 13 მაისს, სპორტის სასახლეში, 15 საათსა და 15 წუთზე დაიწყება.
საქართველოს ვაჟ კალათბურთელთა XVI ეროვნული ჩემპიონატის ფლეი ოფში, თსუ-“თბილავიამშენის” ნახევარფინალური მატჩების სერიის მე-3 შეხვედრაში გამარჯვების შედეგად, “მფრინავების” გუნდი 2:1 დაწინაურდა და ფინალში გასასვლელად ერთი მოგებაღა სჭირდება.
