დღეს, 17:00 საათზე რუსთავის დარბაზი “ენერჯი-ინვესტსა” და “თბილავიამშენს” შორის საქართველოს საკალათბურთო პირველობის ფინალური სერიის მე-2 მატჩს უმასპინძლებს, მანამდე კი, საქართველოს კალათბურთის ფედერაციის ვებ-გვერდზე პირველი შეხვედრის საინტერესო ფაქტები და ციფრები გამოქვეყნდა.
საუკეთესო მოთამაშე – კოტე ტუღუში (თბილავიამშენი): 36 წუთი, 25 ქულა, 5 შედეგიანი გადაცემა, 4 მოხსნა, 2 ჩაჭრა, 3 პერსონალური შენიშვნა, 2 შეცდომა.
1. “თბილავიამშენის” წევრმა გიორგი ნიკოლაძემ 3 ქულით მიმდინარე სეზონის პირადი ანტირეკორდი დაამყარა, ხოლო 6 შედეგიანი გადაცემით კი სეზონის პირადი მიღწევა გაიმეორა. 2. გიორგი გამყრელიძემ (“ენერჯი ინვესტი”) 12 საჯარიმოდან მხოლოდ 5 გამოიყენა, ხოლო მისმა გუნდმა კი 29 საჯარიმოდან 16 გააფუჭა. 3. შეტევაში ყველაზე მეტჯერ ბურთი მასპინძელმა იოვან სტეფანოვმა და “თბილავიამშენის” რიჩარდ მათიაშვილმა მოხსნეს – 5-5 მოხსნა. 4. “თბილავიამშენის” ნოდარ ბერაიამ ზედიზედ მეხუთე მატჩში გამოიყენა პირველი სამქულიანი სროლა. 5. “თბილავიამშენმა” მესამე მეოთხედში თამაშიდან მხოლოდ 2 სროლა ჩააგდო. 6. კოტე ტუღუშმა მეორე მეოთხედის მერვე წუთიდან მეოთხე მეოთხედის მეხუთე წუთამდე ქულა ვერ დააგროვა. 7. იმავე ტუღუშმა ბოლო 2 წუთში 8 ქულა და 2 შედეგიანი გადაცემა გააკეთა. 8. “ენერჯი ინვესტმა” 20 სამქულიანიდან ზუსტად მხოლოდ 3 შეასრულა. 9. სტუმართა ფორვარდი თორნიკე ნინიაშვილი პირველი მეოთხედში დაშავდა და შეხვედრა აღარ გაუგრძელებია. 10. რუსთაველთა სათადარიგოებმა 10 ქულა დააგროვეს, ხოლო “თბილავიამშენის” რეზერვისტების ანგარიშზე კი 14 ქულა იყო.
დღეს, 17:00 საათზე რუსთავის დარბაზი “ენერჯი-ინვესტსა” და “თბილავიამშენს” შორის საქართველოს საკალათბურთო პირველობის ფინალური სერიის მე-2 მატჩს უმასპინძლებს, მანამდე კი, საქართველოს კალათბურთის ფედერაციის ვებ-გვერდზე პირველი შეხვედრის საინტერესო ფაქტები და ციფრები გამოქვეყნდა.
