1934. საბჭოთა კავშირში დაარსდა სპორტის დამსახურებული ოსტატის ტიტული. ქართველთაგან ეს წოდება, პირველებმა ფეხბურთელებმა, შოთა შავგულიძემ და გაიოზ ჯეჯელავამ, აგრეთვე მძლეოსანმა, სიგრძეზე მხტომელმა დიმიტრი იოსელიანმა მოიპოვეს. 1961. ფლორენციის “ფიორენტინამ”, თასების მფლობელთა თასის გათამაშების პირველი ტურნირის ფინალში, გლაზგოს “აიბროქსის” სტადიონზე, 80 ათასი მაყურებლის თანდასწრებით, ადგილობრივი “რეინჯერსი” 2:0 დაამარცხა. 1961. ამერიკელმა მძლეოსანმა რალფ ბოსტონმა, სიგრძეზე ხტომაში მსოფლიოს რეკორდი დაამყარა. 1964. თბილისის “დინამომ”, საერთაშორისო ამხანაგურ მატჩში, გერმანიის დემოკრატიული რესპუბლიკის წარმომადგენელ იენის “მოტორთან” (მოგვიანებით, ამ გუნდს “კარლ ცაისი” ეწოდა) 0:3 წააგო. 1964. ფეხბურთის რუს გოლკიპერ ლევ იაშინს, 1963 წლის ევროპის საუკეთესო მოთამაშისთვის განკუთვნილი ჯილდო, “ოქროს ბურთი” გადაეცა. 1964. მილანის “ინტერმა”, ჩემპიონთა თასის გათამაშების ფინალში, ვენის “პრატერის” სტადიონზე, 72 ათასი მაყურებლის თანდასწრებით, მადრიდის “რეალი” 3:1 დაამარცხა. გამარჯვებულთაგან გოლები მაცოლამ (2) და მილანიმ გაიტანეს. 1965. მილანის “ინტერმა”, ჩემპიონთა თასის გათამაშების ფინალში, საკუთარ “სან სიროზე”, 85 ათასი მაყურებლის თანდასწრებით, ლისაბონის “ბენფიკას” 1:0 მოუგო. გოლი ჟაირმა გაიტანა. 1971. ფეხბურთიდან ლევ იაშინის გაცილების მატჩში, საკავშირო “დინამოს” ნაკრები მსოფლიოს “ნაკრებს” დაუზავდა (2:2). ქართველთაგან შეხვედრაში მონაწილეობა მურთაზ ხურცილავამ, რევაზ ძოძუაშვილმა და მანუჩარ მაჩაიძემ მიიღეს. მოსკოვის “ლუჟნიკის” სტადიონზე, თამაშს 100 ათასი მაყურებელი დაესწრო. 1981. “ლივერპულმა”, ჩემპიონთა თასის გათამაშების ფინალში, პარიზის “პარკ დე ფრანსის” სტადიონზე, 48 500 მაყურებლის თანდასწრებით, მადრიდის “რეალს” 1:0 მოუგო. გოლი ალან კენედიმ გაიტანა. 1984. ბულგარელმა ჩოგბურთელმა ქალმა მანუელა მალევამ, ერთი დღის განმავლობაში სამი მატჩი მოიგო. სამივე შეხვედრა ერთეულთა თანრიგში ჩატარდა. 1987. “პორტუმ”, ჩემპიონთა თასის გათამაშების ფინალში, ვენის “პრატერის” სტადიონზე, 56 ათასი მაყურებლის თანდასწრებით, მიუნხენის “ბაიერნს” 2:1 მოუგო. 2007. პოლონეთის ქალაქ შჩირკში გამართულ ჭაბუკ ძიუდოისტთა საერთაშორისო ტურნირზე, გიორგი მერმანიშვილმა (73 კგ) ოქროს მედალი მოიპოვა, ხოლო ზვიად კაპანაძე (60 კგ) და ზებედა რეხვიაშვილი (66 კგ) მესამე ადგილზე გავიდნენ.
ამ დღეს დაიბადნენ 1932. გენადი შარკოვი. საბჭოთა მოკრივე. 1956 წლის ოლიმპიური ჩემპიონი. მსოფლიოს სამგზის და ევროპის ორგზის ჩემპიონი. 1954. კატარინა კერი. ამერიკელი მოცურავე. გულაღმა ცურვაში 1972 წლის ოლიმპიადაზე ორი ოქროს მედალი მოიპოვა. 1957. ბრუს ფერნისი. ამერიკელი მოცურავე. 1976 წლის ოლიმპიადაზე ორი ოქროს მედალი მოიპოვა. 1960. ალექსანდრ სიდორენკო. საბჭოთა მოცურავე. 400 მეტრზე კომპლექსურ ცურვაში, 1980 წლის ოლიმპიური ჩემპიონი. 1960. რეი არმსტედ კირკსვილი. ამერიკელი მძლეოსანი. 400 მეტრზე ესტაფეტით სირბილში 1984 წლის ოლიმპიური ჩემპიონი. 1961. ჯილ სტერველი. ამერიკელი მოცურავე. ვერცხლისა და ბრინჯაოს მედლები სამ ოლიმპიადაზე აქვს მოპოვებული (1976, 1984, 1988). 1962. რეი ბორნერი. ავსტრალიის კალათბურთელთა ნაკრების მეფარე (212 სმ). ოთხი ოლიმპიადის მონაწილე (1984, 1988, 1992, 1996). 1965. პატ კეში. ავსტრალიელი ჩოგბურთელი. 1987 წელს უიმბლდონის ტურნირი მოიგო. 1967. პოლ გასკოინი. ინგლისის ეროვნული ნაკრების, “ტოტენჰემ ჰოთსპურის,” “ლაციოს,” “ბარნლის,” “ბოსტონ იუნაიტედისა” და ჩინეთის “განსუ ტიანმას” ფეხბურთელი. 1996 წელს, მსოფლიოს ჩემპიონატის შესარჩევ მატჩში, თბილისში საქართველოს ნაკრების წინააღმდეგ ითამაშა. შეხვედრა ალბიონელებმა მოიგეს (2:0). პოლ გასკოინმა სახელი გაითქვა არა მარტო როგორც წარმატებულმა ფეხბურთელმა, არამედ, როგორც ერთ-ერთმა სკანდალურმა პიროვნებამ სპორტულ სამყაროში. 1971. ლი შარპი. ინგლისის ეროვნული ნაკრების, “ლიდსისა” და “ბრედფორდის” ფეხბურთელი. 1976. ირჟი შტაინერი. ჩეხეთის ეროვნული ნაკრების, “ჰანოვერის,” “ლიბერეცისა” და პრაღის “სპარტას” ფეხბურთელი.
ამ დღეს გარდაიცვალა 1975. ეზარდ ჩარლზი. 1949-51 წლებში, მძიმე წონის პროფესიონალ მოკრივეთა შორის მსოფლიოს ჩემპიონის ტიტულის ფლობდა. გარდაიცვალა 53 წლის ასაკში.
1934. საბჭოთა კავშირში დაარსდა სპორტის დამსახურებული ოსტატის ტიტული. ქართველთაგან ეს წოდება, პირველებმა ფეხბურთელებმა, შოთა შავგულიძემ და გაიოზ ჯეჯელავამ, აგრეთვე მძლეოსანმა, სიგრძეზე მხტომელმა დიმიტრი იოსელიანმა მოიპოვეს.
