Main » 2008»ივნისი»8 » “თბილავიამშენმა” სუპერთასი ზედიზედ მესამედ წააგო
“თბილავიამშენმა” სუპერთასი ზედიზედ მესამედ წააგო
4:02 PM
საქართველოს ვიცე-ჩემპიონმა კალათბურთში, ქვეყნის თასის მფლობელმა და ზურაბ საკანდელიძე-მიხეილ ქორქიას სახელობის მემორიალის გამარჯვებულმა თბილისის “თბილავიამშენმა” სუპერთასი ზედიზედ მესამედ დათმო. დღეს გამართულ მატჩში “მფრინავებმა” რუსთავის “ენერჯი ინვესტთან” 88:93 წააგო. მანამდე სუპერთასი “თბილავიამშენს” თსუ-მ და რუსთავის “აზოტმა” აართვეს. შეგახსენებთ, რომ სუპერთასი მესამედ ჩატარდა. 15 ქულითა და 12 მოხსნით მატჩის ყველაზე შედეგიანი მოთამაშე იყო “ენერჯი ინვესტის” სერბი ლეგიონერი იოვან სტეფანოვი. “თბილავიამშენის” მხრიდან, ყველაზე მეტი - 23 ქულა, ვახტანგ მინაშვილმა დააგროვა. აღსანიშნავია, რომ ძალიან სუსტად იმსაჯეს საერთაშორისო კატეგორიის არბიტრმა მაკა კუპატაძემ და ეროვნული კატეგოტიის მსაჯმა ხათუნა გაბედავამ. მატჩის შემდეგ, როგორც ყველაზე შედეგიანი და საუკეთესო კალათბურთელი სპეციალური პრიზებით დაჯილდოვდა იოვან სტეფანოვი, ასევე დაჯილდოვდნენ სეზონის საუკეთესო მწვრთნელი - დავით უსტიაშვილი და საუკეთესო კალათბურთელი - “თბილავიამშენისა” და საქართველოს ნაკრების უკანახაზელი კოტე ტუღუში, რომელიც სეზონის საუკეთესო კალათბურთელად ზედიზედ მესამედ აღიარეს. ამით, საქართველოში 2007/08 წლის საკალათბურთო სეზონი დასრულდა.
საქართველოს ვიცე-ჩემპიონმა კალათბურთში, ქვეყნის თასის მფლობელმა და ზურაბ საკანდელიძე-მიხეილ ქორქიას სახელობის მემორიალის გამარჯვებულმა თბილისის “თბილავიამშენმა” სუპერთასი ზედიზედ მესამედ დათმო.
