1981. დაიბადა ზურაბ ზვიადაური. პირველი სპორტსმენი, რომელმაც დამოუკიდებელი საქართველოს სახელით ასპარეზობისას ოლიმპიური ოქროს მედალი მოიპოვა. მან ეს ათენის 2004 წლის ოლიმპიურ თამაშებზე, 90 კგ წონითი კატეგორიის ძიუდოისტთა შორის შეჯიბრებაზე მოახერხა. ზვიადაურმა ფინალში იაპონელი ჰიროში იზუმი წმინდად დაამარცხა. გარდა ამისა, ზურაბ ზვიადაური მსოფლიოს ჩემპიონატების ორგზის ვერცხლის პრიზიორი (2001, 2003), ასევე ევროპის ორგზის ჩემპიონია გუნდურ ასპარეზობაში (2002, 2003), ხოლო პირად ჩათვლაში, 2002 წელს, ევროპის პირველობაზე მან ბრინჯაოს მედალი მოიპოვა. ზვიადაური 2000 წელს მსოფლიოს ჩემპიონი გახდა ახალგაზრდებს შორის. 2004 წელს ის საქართველოს საუკეთესო სპორტსმენად დაასახელეს. ზურაბ ზვიადაური ღირსების ორდენის კავალერია.
მნიშვნელოვანი ფაქტები 1883. ბეისბოლის მატჩი პირველად ჩატარდა ღამის განათების შუქზე. 1891. ირლანდიელი მაკრუმის წინადადებით, ფეხბურთში პენალტის დარტყმის წესი დაინერგა. 1901. ბენჯამინ ადამსი ნიუ იორკში გოლფის თამაშისთვის დააპატიმრეს. 1958. ერთმანეთს პირველად დაუპირისპირდნენ შოტლანდიისა და პოლონეთის ფეხბურთელთა ნაკრებები. ვარშავაში ჩატარებული შეხვედრა სკოტებმა 2:1 მოიგეს. 1962. ჩოგბურთში საფრანგეთის ღია პირველობის მამაკაცთა ტურნირის ფინალში, ავსტრალიელმა როდ ლეივერმა როი ემერსონი 3:6, 2:6, 6:3, 9:7, 6:2 დაამარცხა და ტურნირის რიგით 32-ე ჩემპიონი გახდა. 1971. ამსტერდამის “აიაქსმა” ჩემპიონთა თასის გათამაშების ფინალში, ლონდონის “უემბლიზე”, 83 ათასი მაყურებლის თანდასწრებით, ათენის “პანათინაიკოსი” 2:0 დაამარცხა და ევროპის ყველაზე პრესტიჟული საკლუბო ტურნირი პირველად მოიგო. 2006. ჭადრაკის საერთაშორისო ფედერაციის (FIDE) პრეზიდენტად ყალმუხი კირსან ილუმჟინოვი აირჩიეს. 2006. ბრაზილიელი სებასტიანო ლაზარონი თურქული “ტრაბზონსპორის” მთავარ მწვრთნელად დაინიშნა. 2007. ევროპის ჩემპიონატის შესარჩევი ტურნირის მატჩში, საქართველოს ფეხბურთელთა ეროვნული ნაკრები ლიტვის გუნდთან დამარცხდა (0:1).
ამ დღეს დაიბადნენ 1904. ჯონ ვაისმიულერი. ლეგენდარული ამერიკელი მოცურავე და მსახიობი. ხუთგზის ოლიმპიური ჩემპიონი. დამყარებული აქვს მსოფლიოს 67 რეკორდი. 1927. ლევან ინწკირველი. ერთ-ერთი ყველაზე ტიტულოვანი ქართველი კალათბურთელი და მწვრთნელი. თბილისის “დინამოს” ღირსებას იცავდა 1947-64 წლებში. 1962 წელს თანაგუნდელებთან ერთად მოიპოვა ევროპის ქვეყნების ჩემპიონთა თასი. საბჭოთა კავშირის სამგზის ჩემპიონი (1950, 1953, 1954), სამჯერ მოიპოვა ვერცხლის მედალი (1958, 1960, 1961), ორჯერ ბრინჯაო (1948, 1952). საკავშირო თასის სამგზის მფლობელი (1949, 1950, 1951). 1968-70 წლებში იყო თბილისის “დინამოს” მთავარი მწვრთნელი. ლევან ინწკირველის ხელმძღვანელობით, თბილისის “დინამოელებმა” 1968 წელს საკავშირო თასი, 1969 წლის საბჭოთა პირველობაზე კი, ვიცე-ჩემპიონის ტიტული მოიპოვეს. ლევან ინწკირველი სპორტის დამსახურებული ოსტატი, საბჭოთა კავშირისა და საქართველოს დამსახურებული მწვრთნელი და ღირსების ორდენის კავალერია. 1942. ედუარდ მალოფეევი. საბჭოთა კავშირის ფეხბურთელთა ნაკრებისა და მინსკის “დინამოს” თავდამსხმელი. 1966 წლის მსოფლიოს ჩემპიონატის პრიზიორი. წვრთნიდა მინსკის “დინამოს” და საბჭოთა კავშირის ნაკრებს. 1982 წელს მინსკის “დინამო” საკავშირო ჩემპიონი გახადა. 1944. პაულ იენსენი. დანიელი აფროსანი. 1976 და 1980 წლების ოლიმპიური თამაშების ჩემპიონი. 1951. ლარი რობინსონი. ჰოკეის ეროვნული ლიგის ლეგენდარული მოთამაშე. ექვსჯერ აქვს მოგებული სტენლის თასი. 1969. ალექსანდერ ლიაპოლდი. გერმანელი მოჭიდავე. 2000 წლის ოლიმპიურ თამაშებზე ოქროს მედალი მოიპოვა, მაგრამ დოპინგის მოხმარებაში ამხილეს და დისკვალიფიკაცია მიუსაჯეს. 1972. ზურაბ ფოფხაძე. საქართველოს ფეხბურთელთა ეროვნული ნაკრების, რუსთავის “გორდას,” სამარის “კრილია სოვეტოვის,” ვლადიკავკაზის “ალანიას” ყოფილი მცველი. საქართველოს ეროვნულ ნაკრებში ჩატარებული აქვს 4 მატჩი. 1974. გატა კამსკი. საბჭოთა კავშირში დაბადებული ამერიკელი მოჭადრაკე. აშშ-ის მრავალგზის ჩემპიონი. 1981. ზურაბ ზვიადაური. პირველი სპორტსმენი, რომელმაც დამოუკიდებელი საქართველოს სახელით ასპარეზობისას ოლიმპიური ოქროს მედალი მოიპოვა. მან ეს ათენის 2004 წლის ოლიმპიურ თამაშებზე, 90 კგ წონითი კატეგორიის ძიუდოისტთა შორის შეჯიბრებაზე მოახერხა. ზვიადაურმა ფინალში იაპონელი ჰიროში იზუმი წმინდად დაამარცხა. გარდა ამისა, ზურაბ ზვიადაური მსოფლიოს ჩემპიონატების ორგზის ვერცხლის პრიზიორი (2001, 2003), ასევე ევროპის ორგზის ჩემპიონია გუნდურ ასპარეზობაში (2002, 2003), ხოლო პირად ჩათვლაში 2002 წელს ევროპის პირველობაზე მან ბრინჯაოს მედალი მოიპოვა. ზვიადაური 2000 წელს მსოფლიოს ჩემპიონი გახდა ახალგაზრდებს შორის. 2004 წელს ის საქართველოს საუკეთესო სპორტსმენად დაასახელეს. ზურაბ ზვიადაური ღირსების ორდენის კავალერია.
1981. დაიბადა ზურაბ ზვიადაური. პირველი სპორტსმენი, რომელმაც დამოუკიდებელი საქართველოს სახელით ასპარეზობისას ოლიმპიური ოქროს მედალი მოიპოვა. მან ეს ათენის 2004 წლის ოლიმპიურ თამაშებზე, 90 კგ წონითი კატეგორიის ძიუდოისტთა შორის შეჯიბრებაზე მოახერხა. ზვიადაურმა ფინალში იაპონელი ჰიროში იზუმი წმინდად დაამარცხა. გარდა ამისა, ზურაბ ზვიადაური მსოფლიოს ჩემპიონატების ორგზის ვერცხლის პრიზიორი (2001, 2003), ასევე ევროპის ორგზის ჩემპიონია გუნდურ ასპარეზობაში (2002, 2003), ხოლო პირად ჩათვლაში, 2002 წელს, ევროპის პირველობაზე მან ბრინჯაოს მედალი მოიპოვა. ზვიადაური 2000 წელს მსოფლიოს ჩემპიონი გახდა ახალგაზრდებს შორის. 2004 წელს ის საქართველოს საუკეთესო სპორტსმენად დაასახელეს. ზურაბ ზვიადაური ღირსების ორდენის კავალერია. 
