ბოისას გუნდმა "არისს" მა გუშინ გასვლით მატჩში გამარჯვა 98:95 მთელი თამაში ძალიან დაძაბული იყო თამშის ბედი მხოლოდ მეოთხე მეოთხედში გაირკვა ამ თამაშზე იყო დამოკიდებული "არისს" მეოთხედფინალიდან გამოვარდნა საერთო ანგარიში 1;1 ია თამაშის გადამწყვეტი ანგარიში კი 8 მაისს გაირკვევა ლაკონში
ბოისას შედეგი 27 წუთი : 10 ქულა , 2 მოხსნა, 1 ჩაჭა, 6 დან 2 სამქულიანი, 4დან2 ჯარიმა გამოიყენა და 5 პერსონალირი ჯარიმაც აიკიდა.
“არისის” რიგებში საუკეთესო ჯერემია მესი: 22 ქულა 9 მოხსნა
დავით უსტიაშვილის გუნდის გამარჯვებით დასრულდა საქართველოს ვაჟ კალათბურთელთა XVI ეროვნული ჩემპიონატის “ოლ სტარი”. თბილისის სპორტის სასახლეში გამართულ მატჩში, უსტიაშვილის გუნდმა, რომლის შემადგენლობაშიც “ენერჯი-ინვესტის”, “ვითას” და “დინამოს” კალათბურთელები შედიოდნენ, თსუ-ს, “თბილავიამშენისა” და “მაკაბის” წევრებით დაკომპლექტებულ ნუგზარ ჭეიშვილის გუნდს 134:118 მოუგო. მატჩის ყველაზე შედეგიანი მოთამაშე, 41 ქულით, უსტიაშვილის გუნდის წევრი და თბილისის “დინამოს” წარმომადგენელი ვიქტორ სანიკიძე გახდა. მანვე გაიმარჯვა ჩატენვების კონკურსშიც, რომელშიც სანიკიძემ ამავე კონკურსის შარშანდელი გამარჯვებული დავით ბარბაქაძე 12:0 დაამარცხა.
საიტის ადმინისტრაცია ულოცავს უსტიაშვილის გუნდს გამარჯვებას!!!...
თბილისის სპორტის სასახლეში მიმდინარე საქართველოს ვაჟ კალათბურთელთა XVI ეროვნული ჩემპიონატის “ოლ სტარის” ბოლო მეოთხედის წინ უსტიაშვილის გუნდი ჭეიშვილის გუნდს 100:96-ს უგებს. ამ დროისთვის, 25 ქულით, მატჩის ყველაზე შედეგიანი მოთამაშე ვიქტორ სანიკიძეა. “ოლ სტარში” მოასპარეზე დავით უსტიაშვილის გუნდიდან, თამაშზე 12-ის ნაცვლად, 11 სპორტსმენი გამოცხადდა. თავიდან შერჩეული სათადარიგო მოთამაშეებიდან დღევანდელ მატჩში არ მონაწილეობენ რამაზ გოგობერიშვილი (ენერჯი ინვესტი), ვლადიმერ ბეჟანიშვილი, გიორგი მარკოიშვილი და გიორგი მარხვაშვილი (სამივე, ვითა). მათ ნაცვლად თამაშობენ ირაკლი ჭოჭუა, რეზო დიდია (ენერჯი ინვესტი) და დათო გვიმრაძე (ვითა). პირველი მეოთხედის დასრულების შემდეგ, გაიმართა შეჯიბრი წინაღობების გადალახვაში, სადაც 4 კალათბურთელი: დავით არსენიძე (მოქმედი ჩემპიონი, თსუ), გიორგი გამყრელიძე, მიშა ჩიტაშვილი (ორივე, ენერჯი ინვესტი) და გიორგი ნანეტაშვილი (დინამო) მონაწილეობს.... მეტის წაკითხვა »
საკალათბურთო ევროლიგის გამარჯვებული მოსკოვის ცსკა გახდა, რომელმაც “ოთხთა ფინალის” გადამწყვეტ მატჩში თელ-ავივის “მაკაბი” 91:77 დაამარცხა. შეხვედრის პირველი ტაიმი არმიელებმა მხოლოდ 1 ქულის სხვაობით მოიგეს, შესვენების შემდეგ კი მათი უპირატესობა აშკარა გახდა და შედეგიც ლოგიკური დაფიქსირდა. ცსკა-ს რიგებში ამერიკელმა ლენგდონმა 21 ქულა, 7 მოხსნა და 2 ჩაჭრა მიითვალა და ფინალის უძვირფასესი მოთამაშეც (MVP) გახდა. ებრაული კლუბის შემადგენლობაში საუკეთესო ბინამმა 23 ქულა და 4 პასი მოაგროვა. “ოთხთა ფინალის” მე-3 ადგილისთვის მატჩში იტალიურმა “სიენამ” ესპანური “ტაუ” მხოლოდ ოვერტაიმში გატეხა და 97:93 იმარჯვა, მატჩის საუკეთესო მოთამაშე კი მონტეპასკელთა ლიტველი ლეგიონერი ლავრინოვიჩი (19 ქულა, 7 მოხსნა) გახდა.
ზაზა ფაჩულიას “ატლანტა ჰოუქსმა” ეროვნული საკალათბურთო ასოციაციის (NBA) პირველ რაუნდში, “ბოსტონ სელტიქსთან” სერიის გადამწყვეტი მეშვიდე მატჩი 65:99 დათმო და ფლეიოფს მიღმა დარჩა. წყვილში აშკარა ფავორიტად მიჩნეულმა “სელტიქსმა” მატჩის დასაწყისიდანვე დიდი უპირატესობა მოიპოვა და უტეხ ჯორჯიელებს ამოსუნთქვის საშუალება არ მისცა. ფაჩულიამ მოედანზე 10 წუთი დაჰყო და სტუმრებს 7 ქულა და 4 მოხსნა შეაწია. ზაზამ თამაშიდან განხორციელებული 7 სროლიდან ერთადერთი ჩააგდო, 5 ჯარიმიდან კი არცერთი არ აუცილებია. ქართველმა ცენტრმა 4 ჯარიმა მიიღო, ბურთი ერთხელ დაკარგა, ორჯერ კი მას დაუფარეს. ატლანტელთა რიგებში საუკეთესო ჯო ჯონსონმა 16 ქულა მიითვალა, “სელტიქსის” ლიდერმა კევინ გარნეტმა კი შეხვედრა 18 ქულითა და 11 მოხსნით დაასრულა. ბოსტონელებმა სერია 4:3 მოიგეს, ფაჩულიასთვის კი სეზონი დასრულებულია. ფაჩულიასთვის ეს თამაში არაფრის მომტანი არ ყოფილა რადგან მან მხოლოდ ამთამაში წააგო და არაფე
... მეტის წაკითხვა »
საქართველოს კალათბურთელთა ეროვნული ნაკრებისა და “თბილავიამშენის” უკანახაზელი კოტე ტუღუში, გატეხილი ცხვირის გამო, 5 მაისს დაგეგმილ ქართულ “ოლ სტარში” ნიღბით იასპარეზებს. ამის შესახებ “მსოფლიო სპორტს” თავად ტუღუშმა განუცხადა. ტუღუშმა ცხვირი სუპერლიგის ბოლოსწინა ტურში, “თბილავიამშენი”-“ვითას” შეხვედრის დროს, ერთ-ერთ სათამაშო ეპიზოდში გაიტეხა. ტრავმა სერიოზული აღმოჩნდა, სპორტსმენს ძვალი დაუზიანდა. ამჟამად, ტუღუშს ცხვირის ტრავმა ბოლომდე არ აქვს მოშუშებული და ამიტომ, ექიმებმა, “ოლ სტარში” მონაწილეობის უფლება, მხოლოდ ნიღბის გაკეთების შემთხვევაში დართეს.
საქართველოს ვაჟ კალათბურთელთა XVI ეროვნულ ჩემპიონატში მოასპარეზე სპორტსმენებით დაკომპლექტებული “ყველა ვარსკვლავის” მატჩი-აქცია, ხვალ, 5 მაისს, თბილისის სპორტის სასახლეში 15 საათზე დაიწყება. გუნდები სუპერლიგის მე-4 წრის დასრულების შემდეგ დაკავებული კენტი და ლუწი ადგილების მიხედვით გადანაწილდნენ. პირობითად “კენტების” (ენერჯი ინვესტი, ვითა, დინამო) რჩეული კალათბურთელების ნაკრებს დავით უსტიაშვილის (ენერჯი ინვესტი), ხოლო “ლუწებისას” (თსუ, თბილავიამშენი, მაკაბი) ნუგზარ ჭეიშვილის (თსუ) გუნდი ჰქვია. თითოეული გუნდის სასტარტო ხუთეულების შერჩევა, კალათბურთის ფედერაციის ვებგვერდზე (წწწ.გბტ.გე) რამდენიმე კვირის განმავლობაში მიმდინარეობდა და მასში მონაწილეობა ნებისმიერ მსურველს შეეძლო. რაც შეეხებათ სათადარიგოებს, მათი შერჩევის უფლება მწვრთნელებს - უსტიაშვილსა და ჭეიშვილს ჰქონდათ. მათ თითოეული გუნდიდან, მაქსიმუმ 3 კალათბურთელის აყვანის უფლება მიეცათ. საბოლოოდ ქართულ “ოლ სტარში”
... მეტის წაკითხვა »
ჩინელი კალათბურთელი იაო მინი, რომელმაც მძიმე ოპერაცია გადაიტანა, მომჯობინების გზას დაადგა. Houston Chronicle-ს ცნობით, “ჰოუსტონის” ცენტრი ჩინეთიდან აშშ-ში დაბრუნდა და უყავარჯნოდ გადაადგილების ნებართავაც მიიღო. “ძალიან მიხარია, რომ ხანგრძლივი დროის შემდეგ, ყავარჯნების გარეშე გავლა შემეძლება. მართალია, გარკვეული პერიოდი სპეციალური ფეხსაცმლით სიარული მომიწევს, თუმცა, საქმე უკეთესობისკენ მიდის და მთავარი ესაა”, - აღნიშნა მინმა.
საუდის არაბეთის კალათბურთის ფედერაციამ მსოფლიოს 2014 წლის ჩემპიონატის ჩატარებაზე ოფიციალური განაცხადი შეიტანა. Fiba.com-ის ცნობით, არაბეთი მსოფლიოს პირველობის მასპინძლობის უკვე მე-5 მსურველია, ესპანეთის, დანიის, რუსეთისა და საფრანგეთის შემდეგ. მოსალოდნელია, რომ უახლოეს პერიოდში მსგავს სურვილს იტალიის კალათბურთის ფედერაციაც გაახმაურებს. განაცხადების წარდგენის ვადა მაისში იწურება, 2008 წლის დეკემბრიდან 2009 წლის მარტამდე კანდიდატურების განხილვა მოხდება, აპრილში კი 2014 წლის მსოფლიოს პირველობის მასპინძლის ვინაობა დასახელდება.
ესპანეთის, საფრანგეთის, დანიის, რუსეთისა და საუდის არაბეთის შემდეგ, ყატარი მე-6 ქვეყანა გახდა, რომელმაც მსოფლიოს 2014 წლის საკალათბურთო ჩემპიონატის მასპინძლობაზე განაცხადი შეიტანა. Fiba.com-ის ცნობით, მსოფლიოს მე-17 პირველობის საკუთარ ტერიტორიაზე მიღების მსურველთა საბოლოო სია მაისში გამოქვეყნდება. 2008 წლის დეკემბრიდან 2009 წლის მარტის ჩათვლით, საატესტაციო კომისია განაცხადებს განიხილავს, მსოფლიოს ჩემპიონატის მასპინძლის ვინაობა კი 2009 წლის აპრილში დასახელდება.
ბოისას გუნდმა "არისს" მა გუშინ გასვლით მატჩში გამარჯვა 98:95 მთელი თამაში ძალიან დაძაბული იყო თამშის ბედი მხოლოდ მეოთხე მეოთხედში გაირკვა ამ თამაშზე იყო დამოკიდებული "არისს" მეოთხედფინალიდან გამოვარდნა საერთო ანგარიში 1;1 ია თამაშის გადამწყვეტი ანგარიში კი 8 მაისს გაირკვევა ლაკონში 
ზაზა ფაჩულიას “ატლანტა ჰოუქსმა” ეროვნული საკალათბურთო ასოციაციის (NBA) პირველ რაუნდში, “ბოსტონ სელტიქსთან” სერიის გადამწყვეტი მეშვიდე მატჩი 65:99 დათმო და ფლეიოფს მიღმა დარჩა.
საქართველოს კალათბურთელთა ეროვნული ნაკრებისა და “თბილავიამშენის” უკანახაზელი კოტე ტუღუში, გატეხილი ცხვირის გამო, 5 მაისს დაგეგმილ ქართულ “ოლ სტარში” ნიღბით იასპარეზებს.
საქართველოს ვაჟ კალათბურთელთა XVI ეროვნულ ჩემპიონატში მოასპარეზე სპორტსმენებით დაკომპლექტებული “ყველა ვარსკვლავის” მატჩი-აქცია, ხვალ, 5 მაისს, თბილისის სპორტის სასახლეში 15 საათზე დაიწყება.