დენი ეინჯი ნაციონალურ საკალათბურთო ასოციაციის წლის საუკეთესო მენეჯერად აღიარეს. როგორც AP იუწყება, “ბოსტონის” გენერალურმა მენეჯერმა, გასულ წელს “სელტიკსში” ერთბაშად 2 უმაღლესი კლასის ვარსკვლავის გადაყვანა მოახერხა – რეი ალენის და კევინ გარნეტის. ეინჯმა ჯერ ალენი შეიძინა, შემდეგ კი ეს ფაქტი გამოიყენა გარნეტთან მოლაპარაკებისას, რომლის ოცნებაც NBA–ს მოგება იყო და “მინესოტას” ფორვარდიც საკუთარ გუნდში გადაიყვანა. გარნეტის გაცვლა ლიგის ისტორიაში უპრეცედენტო იყო, რადგანაც “ტიმბერვულზმა” საკუთარი ლიდერის სანაცვლოდ 7 კალათბურთელი მიიღო, მათ შორის ისინიც, რომლებსაც მომავალ დრაფტზე აარჩევს. შედეგად, “ბოსტონში” ალენის, გარნეტისა და პოლ პირსის სახით თავი ვარსკვლავურმა ტრიომ მოიყარა და მიმდინარე სეზონში სენსაცია მოახდინა – 2006/2007 წლების ყველაზე ცუდმა გუნდმა, მიმდინარე წლის რეგულარულ ჩემპიონატში, 82 შეხვედრიდან 66-ში გამარჯვება მოიპოვა და ს
... მეტის წაკითხვა »
ეროვნული საკალათბურთო ასოციაციის (NBA) აღმოსავლეთ კონფერენციის ნახევარფინალში “ბოსტონ სელტიქსმა” “კლივლენდ კავალიერსს” 96:89 სძლია და სერიაში 3:2 დაწინაურდა. მასპინძელთა რიგებში პირსმა 29 ქულა და 7 მოხსნა მოაგროვა, გარნეტი კი 26 ქულასა, 16 მოხსნასა და 3 დაფარებას დასჯერდა. “კლივლენდის” ვარსკვლავ ჯეიმსის 35 ქულა წყალში გადაყრილი აღმოჩნდა. დასავლეთ კონფერენციის ნახევარფინალში ასევე 3:2 დაწინაურდა “ლოს ანჟელეს ლეიკერსი”, რომელმაც “იუტა ჯაზთან” საშინაო მატჩში 111:104 იმარჯვა. კალიფორნიელებს ისევ ბრაიანტმა ულიდერა, რომლის აქტივშიც 26 ქულა, 6 მოხსნა და 7 პასი გახლდათ. “იუტას” შემადგენლობაში საუკეთესო უილიამსმა სტუმრებს 27 ქულა და 10 მოხსნა შესძინა.
ეროვნულმა საკალათბურთო ასოციაციამ (NBA) სეზონის ახალბედათა საუკეთესო ხუთეულები დაასახელა. გამოკითხვაში ყველაზე მეტი 58 ხმა “ატლანტა ჰოუქსში” ზაზა ფაჩულიას თანაგუნდელსა და კონკურენტ ალ ჰორფორდს ერგო, “სიეტლ სუპერსონიქსის” ფორვარდმა კევინ დურანტმა კი 57 ქულა მიიღო.
ახალბედათა პირველი ხუთეული ლუის სკოლა (“ჰიუსტონი”), ელ ტორნტონი (“კლიპერსი”), ჯეფ გრინი (“სიეტლი”), კევინ დურანტი (“სიეტლი”), ელ ჰორფორდი (“ატლანტა”).
ახალბედათა მეორე ხუთეული ხიან კარლოს ნავარო (“მემფისი”), როდნი სტაკი (“დეტროიტი”), ჯამარიო მუნი (“ტორონტო”), კარლ ლენდრი (“ჰიუსტონი”), ტადეუშ იანგი (“ფილადელფია”).
ეროვნული საკალათბურთო ასოციაციის მიერ ორგანიზებულ NBA Nation tour-ში, რომელსაც შტატ ჯორჯიის მთავარქალაქმა ატლანტამ უმასპინძლა, “ჰოუქსის” ქართველმა ცენტრმა ზაზა ფაჩულიამაც აქტიური მონაწილეობა მიიღო. სპეციალურ ღონისძიებაზე ზაზამ ბავშვებთან კალათბურთი ითამაშა, მათ ავტოგრაფები ჩამოურიგა, ჟურნალისტთა კითხვებს უპასუხა და ატლანტაში ჩატანილ საჩემპიონო თასთანაც არაერთი სურათი გადაიღო. შეგახსენებთ, რომ NBA-ს ფლეიოფის პირველ რაუნდში ფაჩულიას “ჰოუქსმა” “ბოსტონ სელტიქსთან” სერია დაძაბულ ბრძოლაში 3:4 დათმო.
ეროვნული საკალათბურთო ასოციაციის (NBA) აღმოსავლეთ კონფერენციის ნახევარფინალში, “დეტროიტ პისტონზმა” “ორლანდო მეჯიქს” 91:86 სძლია, სერიაში 4:1 იმარჯვა და ფინალის საგზურიც მოიპოვა. დეტროიტელთა გამარჯვებაში ლომის წვლილი რიჩარდ ჰემილტონმა დაიდო, რომელმაც მასპინძლებს 31 ქულა მოუტანა და ლეგენდარული აიზია ტომასის საკლუბო რეკორდი დაამხო. ჰემილტონს “პისტონზის” მაისურით ჩატარებულ 111 მატჩში 2282 ქულა მოუგროვდა, რაც ტომასის მაჩვენებელზე 21 ქულით მეტია. დიდი ბრძოლაა გაჩაღებული “ნიუ ორლეან ჰორნეთსისა” და “სან ანტონიო სპურზის” შეხვედრაში. დასავლეთ კონფერენციის ნახევარფინალური სერიის მე-5 მატჩში ორლეანელებმა მეტოქეს 101:79 სძლიეს და 3:2 დაწინაურდნენ. “ჰორნეთსის” შემადგენლობაში უესტმა 38 ქულა, 14 მოხსნა და 5 დაფარება მიითვალა, ხოლო პოლი 22 ქულასა და 14 მოხსნას დასჯერდა. “სპურზის” ლიდერმა ტიმ დანკანმა სტუმრებს 10 ქულა და 23 მოხსნა მოუტანა.<
... მეტის წაკითხვა »
საქართველოს ვაჟ კალათბურთელთა XVI ეროვნული ჩემპიონატის ფლეი ოფში, თსუ- “თბილავიამშენის” ნახევარფინალური სერიის მე-5, დასკვნით შეხვედრას, თსუ-ს ერთ-ერთი საუკეთესო კალათბურთელი დავით ბერიშვილი გამოტოვებს. ამის შესახებ, “მსოფლიო სპორტს”, დათოს ტყუპისცალმა ირაკლიმ აცნობა. დავით ბერიშვილმა გაბზარული თავის ქალისა და ტვინის შერყევის გამო, წინა, მე-4 მატჩიც გამოტოვა, დაზიანება კი, ნახევარფინალური სერიის მე-3 შეხვედრის დროს მიიღო. ირაკლის ბერიშვილის თქმით, მის ძმას ექიმმა ერთკვირიანი წოლითი რეჟიმი გამოუწერა.
ესტონეთის საკალათბურთო ჩემპიონატის ფინალურ სერიაში, გიორგი ცინცაძის “როკმა” ტალინის “კალევი” 94:68 გაანადგურა და ჩემპიონობისკენ პირველი ნაბიჯი გადადგა. ქართველმა გამთამაშებელმა მოედანზე 35 წუთი დაჰყო და ტარტუელებს 9 ქულა, 2 მოხსნა, 3 პასი და 1 დაფარება შესძინა. ცინცაძემ 6-დან 2 ორქულიანი, 2-დან 1 საჯარიმო და 2-ვე საჯარიმო ჩააგდო, მსაჯებმა კი იგი 4-ჯერ დააჯარიმეს. “როკის” რიგებში საუკეთესო კასვორტმა 18 ქულითა და 19 მოხსნით ორმაგი დუბლი შეასრულა, ლეპიკმა 21 ქულა მიითვალა, ხოლო ტეინმა – 17. ფინალური სერიის მე-2 მატჩი 15 მაისს ისევ ტარტუში შედგება, ოქროს მედლების მოსაპოვებლად კი 4 მატჩის მოგებაა საჭირო.
საქართველოს ვაჟ კალათბურთლთა მე-16 ეროვნული ჩემპიონატის ფლეი ოფის მეოთხე ნახევარფინალურ შეხვედრაში, მდევრის როლში მყოფმა თსუ-მ, ანგარიშით 79:71 დაამარცხა “თბილავიამშენი” და სერიაში ანგარიში გაათანაბრა _ 2:2. 26 ქულით, მატჩის ყველაზე შედეგიანი კალათბურთელი, თსუ-ს უკანახაზელი მიხეილ ფანჩულიძე გახდა. “თბილიავიამშენის” მხრიდან ყველაზე მეტი, 13 ქულა, თორნიკე ნინიაშვილმა დააგროვა. “თბილავიამშენი” – თსუ-ს მეხუთე, გადამწყვეტი შეხვედრა ზეგ, 15 მაისს, 15 საათსა და 15 წუთზე, სპორტის სასახლეში ჩატარდება.
ესპანეთის საკალათბურთო ჩემპიონატის დასრულებული სეზონის საუკეთესო მოთამაშედ “ხირონას” ცენტრი მარკ გასოლი დასახელდა. ჟურნალისტების, მწვრთნელებისა და მოთამაშეების გამოკითხვის შედეგად, გასოლმა რუდი ფერნანდესსა და რიკი რუბიოს აჯობა, რომელთაც, შესაბამისად, მე-2 და მე-3 ადგილები ერგოთ. გასოლი სეზონის განმავლობაში თვის საუკეთესო კალათბურთელად 5-ჯერ აღიარეს, ხოლო ტურის საუკეთესო მოთამაშედ – 11-ჯერ, ამდენად, მისი გამარჯვება მოულოდნელი არ ყოფილა. “ხირონას” ლიდერს საუკეთესო მაჩვენებელი ჰქონდა მოხნებსა (8.4) და ორქულიანი დისტანციიდან შეტევის დროსაც (68.4%).
ეროვნული საკალათბურთო ასოციაციის (NBA) დასავლეთ კონფერენციის ნახევარფინალში, “იუტა ჯაზმა” და “სან ანტონიო სპურზმა”, შესაბამისად, “ლოს ანჟელეს ლეიკერსსა” და “ნიუ ორლეან ჰორნეთსს” სძლიეს და სერიაში ანგარიში თანაბარი – 2:2 გახადეს. იუტელებმა კალიფორნიელებს 123:115 მოუგეს, თუმცა კი, ამისთვის ოვერტაიმის თამაში დასჭირდათ. “ჯაზის” რიგებში უილიამსმა 29 ქულა და 14 პასი მიითვალა, ხოლო ოკური 18 ქულასა და 11 მოხსნას დასჯერდა. სეზონის საუკეთესო მოთმაშედ დასახელებულმა ბრაიანტმა “ლეიკერსს” 33 ქულა, 8 მოხსნა და 10 პასი შესძინა. გაცილებით იოლი მატჩი ჰქონდა “სპურზს”, რომელმაც “ჰორნეთსი” 100:80 დაამარცხა. სან ანტონიოელთა ლიდერმა დანკანმა 22 ქულა, 15 მოხსნა და 4 დაფარება მიითვალა, პარკერი კი 21 ქულასა და 8 პასს გამორჩა. “ნიუ ორლეანის” ლიდერმა პოლმა 23 ქულა და 3 ჩაჭრა დააგროვა.
დენი ეინჯი ნაციონალურ საკალათბურთო ასოციაციის წლის საუკეთესო მენეჯერად აღიარეს.
ეროვნული საკალათბურთო ასოციაციის (NBA) აღმოსავლეთ კონფერენციის ნახევარფინალში “ბოსტონ სელტიქსმა” “კლივლენდ კავალიერსს” 96:89 სძლია და სერიაში 3:2 დაწინაურდა.
ეროვნულმა საკალათბურთო ასოციაციამ (NBA) სეზონის ახალბედათა საუკეთესო ხუთეულები დაასახელა. 
ეროვნული საკალათბურთო ასოციაციის მიერ ორგანიზებულ NBA Nation tour-ში, რომელსაც შტატ ჯორჯიის მთავარქალაქმა ატლანტამ უმასპინძლა, “ჰოუქსის” ქართველმა ცენტრმა ზაზა ფაჩულიამაც აქტიური მონაწილეობა მიიღო.
ეროვნული საკალათბურთო ასოციაციის (NBA) აღმოსავლეთ კონფერენციის ნახევარფინალში, “დეტროიტ პისტონზმა” “ორლანდო მეჯიქს” 91:86 სძლია, სერიაში 4:1 იმარჯვა და ფინალის საგზურიც მოიპოვა.
საქართველოს ვაჟ კალათბურთელთა XVI ეროვნული ჩემპიონატის ფლეი ოფში, თსუ- “თბილავიამშენის” ნახევარფინალური სერიის მე-5, დასკვნით შეხვედრას, თსუ-ს ერთ-ერთი საუკეთესო კალათბურთელი დავით ბერიშვილი გამოტოვებს. 
ესტონეთის საკალათბურთო ჩემპიონატის ფინალურ სერიაში, გიორგი ცინცაძის “როკმა” ტალინის “კალევი” 94:68 გაანადგურა და ჩემპიონობისკენ პირველი ნაბიჯი გადადგა.
საქართველოს ვაჟ კალათბურთლთა მე-16 ეროვნული ჩემპიონატის ფლეი ოფის მეოთხე ნახევარფინალურ შეხვედრაში, მდევრის როლში მყოფმა თსუ-მ, ანგარიშით 79:71 დაამარცხა “თბილავიამშენი” და სერიაში ანგარიში გაათანაბრა _ 2:2. 
ესპანეთის საკალათბურთო ჩემპიონატის დასრულებული სეზონის საუკეთესო მოთამაშედ “ხირონას” ცენტრი მარკ გასოლი დასახელდა.
ეროვნული საკალათბურთო ასოციაციის (NBA) დასავლეთ კონფერენციის ნახევარფინალში, “იუტა ჯაზმა” და “სან ანტონიო სპურზმა”, შესაბამისად, “ლოს ანჟელეს ლეიკერსსა” და “ნიუ ორლეან ჰორნეთსს” სძლიეს და სერიაში ანგარიში თანაბარი – 2:2 გახადეს.