ეროვნული საკალათბურთო ასოციაციის (NBA) აღმოსავლეთ კონფერენციის ნახევარფინალში “ბოსტონ სელტიქსმა” “კლივლენდ კავალიერსს” 89:73 სძლია და სერიაში 2:0 დაწინაურდა. მასპინძელთა რიგებში პირსმა 19 ქულა მიითვალა, ხოლო გარნეტმა 13 ქულითა და 12 მოხსნით ორმაგი დუბლი შეასრულა. “კავალიერსის” ლიდერმა ჯეიმსმა გუნდს 21 ქულა და 6 პასი შესძინა. “ნიუ ორლეან ჰორნეთსთან” ნახევარფინალურ სერიაში ჩამორჩენა 1:2-მდე შეამცირა დასავლეთ კონფერენციის ერთ-ერთმა ლიდერმა “სან ანტონიო სპურზმა”, რომელმაც მეტოქეს 110:99 სძლია. “სპურზის” რიგებში საუკეთესო პარკერმა 31 ქულა და 11 პასი მიითვალა, ხოლო ჯინობილიმ 31 ქულა და 6 პასი მოაგროვა. ნიუ ორლეანელთა ვარსკლავმა პოლმა გუნდს 35 ქულა და 9 პასი შესძინა.
ვლადიმერ ბოისას “არისმა” საბერძნეთის ჩემპიონატის მეპთხედფინალში “მარუსისთან” საშინაო მატჩი 79:85 დათმო და სერიაში 1:2 დამარცხდა. ქართველმა კალათბურთელმა სალონიკელთა რიგებში 15 წუთს ითამაშა და გუნდს 1 მოხსნა, 2 პასი და 1 ჩაჭრა შეაწია. ბოისამ 3 სამქულიანი და 2 საჯარიმო ააცილა, მსაჯებს კი 3 პერსონალური ფოლი დასტყუა. “არისის” შემაბოისა მეოთხედფინალს ვერ გასცდადგენლობაში საუკეთესო ვაშინგტონმა 20 ქულა მიითვალა, “მარუსის” ლიდერმა მილისავლიევიჩმა კი 26 ქულა დააგროვა.
საქართველოს ვაჟ კალათბურთელთა XVI ჩემპიონატის ფლეი ოფის ნახევარფინალური სერიის პირველ შეხვედრაში, “თბილავიამშენმა” თსუ-ს 118:114 მოუგო და 1:0 დაწინაურდა. შედეგიდან გამომდინარე, ნათლად ჩანს, რომ ორივე გუნდმა აქცენტი შეტევაზე გააკეთა. შეხვედრის პირველი ნახევარი “თბილავიამშენმა” 22 ქულის სხვაობით - 65:43 მოიგო. თსუ ბევრს ეცადა, მაგრამ მატჩის გადარჩენა ვეღარ შეძლო. პირველი ტაიმის დასრულებამდე 3 წუთითა და 57 წამით ადრე, მსაჯის სიტყვიერი შეურაცხყოფის გამო, მოედნიდან გააძევეს თსუ-ს ერთ-ერთი ლიდერი ირაკლი კედია. მის შესახებ საგანგებო ტექნიკური კომისია იმსჯელებს და კეიდიას, სავარაუდოდ, ფულად ჯარიმასთან ერთად, რამდენიმე შეხვედრის გამოტოვება მოუწევს. 33 ქულით, მატჩის ყველაზე შედეგიანი მოთამაშე თსუ-ს წევრი დავით ბერიშვილი იყო. 29 ქულითა და 11 მოხსნით ორმაგი დუბლი მისმა თანაგუნდელმა დავით ბარბაქაძემ შეასრულა. “მფრინავების” მხრიდან, 28 ქულითა და 10 მოხსნით, საუკეთესო იყო
... მეტის წაკითხვა »
“ლოს ანჟელეს ლეიკერსის” ვარსკვლავმა კობი ბრაიანტმა, რომელიც ეროვნული საკალათბურთო ასოციაციის (NBA) 2007-08 წლების სეზონის უძვირფასეს მოთამაშედ აღიარეს, კარიერის კალიფორნიულ გრანდში დასრულების სურვილი გამოთქვა. “გუნდში ჩინებული განწყობაა და ეს ძალიან მახარებს. წლეულს კარგ სეზონს ვატარებთ და მიხარია, რომ ამაში საკუთარი წვლილიც შემაქვს. “ლეიკერსში” თავს ჩინებულად ვგრძნობ და კარიერის ბოლომდე ამ გუნდში დარჩენაზე უარს ნამდვილად არ ვიტყვი”, - აღნიშნა ბრაიანტმა. მიმდინარე სეზონში კობის საშუალო მონაგარი 28.3 ქულა, 6.3 მოხსნა და 5.4 პასია.
“დეტროიტ პიზტონზის” ერთ-ერთმა ლიდერმა ჩონსი ბილაფსმა “ორლანდო მეჯიქთან” მატჩში მარჯვენა ფეხის აიქლევსის მყესი დაიჭიმა და თამაშის დასრულება ვერ შეძლო. ბილაფსმა ტრავმა უკვე პირველ მეოთხედში მიიღო და ადგილი როდნი სტაკს დაუთმო, მოედანზე დაბრუნება კი ექიმთა დახმარების მიუხედავად ვეღარ მოახერხა. წინასწარი ინფორმაციით, ჩონსი “პისტონზს” სერიის მე-4 მატჩში დაბრუნდება, რომელიც 10 მაისს შედგება. ამ დროისთვის, დეტროიტელები “მეჯიქს” 2:1-ს უგებენ.
ეროვნული საკალათბურთო ასოციაციის (NBA) მეოთხედფინალურ სერიაში, “ორლანდო მეჯიქმა” “დეტროიტ პიზტონზთან” სერიაში ჩამორჩენა შეამცირა, “ლოს ანჟელეს ლეიკერსმა” კი “იუტა ჯაზს” მე-2 მატჩიც მოუგო. აღმოსავლეთ კონფერენციაში ორლანდოელებმა “პისტონზს” 111:86 სძლიეს, რაშიც ლომის წვლილი ლუისმა დაიდო. მან 33 ქულა მოაგროვა, ჰოვარდის ანგარიშზე კი 20 ქულა, 12 მოხსნა და 6 დაფარება გახლდათ. დეტროიტელთა რიგებში ჰემილტონმა 24 ქულა მოაგროვა, ხოლო პრინსმა სტუმრებს 22 ქულა და 7 მოხსნა შესძინა. “მეჯიქის” სერიას 1:2-ს აგებს. დასავლეთ კონფერენციაში “ლეიკერსმა” “იუტას” 120:1
... მეტის წაკითხვა »
ნაციონალურ საკალათბურთო ასოციაციაში მოასპარეზე “ლოს ანჯელეს ლეიკერსის” მცველი კობი ბრაიანტი, პირველად კარიერის განმავლობაში, NBA-ს სეზონის ყველაზე სასარგებლო მოთამაშე გახდა. როგორც AP იუწყება, 11-წლიანი კარიერის განმავლობაში, ბრაინტმა ყველაზე სასარგებლო მოთამაშეთა გამოკითხვაში ორჯერ (2002/2003 და 2006/2007 წლების სეზონებში) დაიკავა მე-3 ადგილი და ეს მიუხედავად იმისა, რომ ბოლო 2 წლის რეგულარული ჩემპიონატის შედეგების მიხედვით, ის ყველაზე შედეგიანი მოთამაშეა. მიმდინარე წლის გამოკითხვაში, ბრაიანტი ყველაზე სასარგებლო მოთამაშედ 82-მა სპეციალისტმა დაასახელა, მთლიანობაში კი, მოთამაშემ 1 105 ქულა დააგროვა. გამოკითხვაში მე-2 ადგილი “ნიუ ორლეანის” გამთამაშებელმა კრის პოლმა დაიკავა (28 პირველი ადგილი, სულ 889 ქულა), მე-3 “ბოსტონის” ფორვარდი კევინ გარნეტი გახდა (15 პირველი ადგილი, 670 ქულა), მე-4 ადგილი კი წილად “კლივლენდის” ფორვარდ ლებრონ ჯეიმსს ხვდა (1 პირველი ადგილი, 438 ქუ
... მეტის წაკითხვა »
ესტონეთის საკალათბურთო ჩემპიონატის ნახევარფინალურ სერიაში გიორგი ცინცაძის “ტარტუ როკმა” თანაქალაქელ “ფაუსტოს” 3:0 სძლია და ფინალში ასპარეზობის უფლება მოიპოვა. გასული შეხვედრებისგან განსხვავებით, “ფაუსტოს” კალათბურთელებმა ცინცაძესა და მის თანაგუნდელებს დიდი წინააღმდეგობა გაუწიეს და შესვენებაზე 14-ქულიანი უპირატესობითაც გავიდნენ, თუმცა, საბოლოოდ, “როკმა” 87:77 იმარჯვა. ქართველმა გამთამაშებელმა მოედანზე 37 წუთი დაჰყო და გუნდს 10 ქულით, 5 მოხსნით, 8 პასითა და 2 ჩაჭრით შეეწია. გიორგიმ 6-დან 2 ორქულიანი და 3-დან 1 სამქულიანი ჩააგდო, რასაც 3 საჯარიმო დაამატა. “როკის” რიგებში ლეპიკმა 20 ქულა მიითვალა, ხოლო კასვორტმა 17 ქულითა და 10 მოხსნით ორმაგი დუბლი შეასრულა. ფინალში ტარტუელთა მეტოქე ტალინის “კალევისა” და “პირიტას” დაპირისპირებაში ირკვევა. ტალინელები მეტოქეს 2:0-ს უგებენ და თუკი, დღეს შინაურ კედლებში კიდევ ერთხელ იმარჯვეს, ფინალის საგზურსაც დაიბევებენ.
ესპანეთის საკალათბურთო კლუბ “ტაუს” ხორვატმა ლეგიონერმა ზორან პლანიჩიჩმა ტრავმა მიიღო და მოედანზე გასვლას 3 კვირის განმავლობაში ვერ შეძლებს. “ტაუს” ოფიციალური ვებ-გვერდის ცნობით, 25 წლის მცველმა ევროლიგის მე-3 ადგილისთვის მატჩში, იტალიურ “სიენასთან” თამაშისას მარცხენა ფეხის კუნთი გაიწყვიტა და ასპარეზობის ნაადრებად დასრულება მოუხდა. მიმდინარე სეზონში პლანიჩიჩის საშუალო მონაგარი 9.8 ქულა, 3.1 მოხსნა და 2.8 პასი გახლდათ.
ეროვნული საკალათბურთო ასოციაციის (NBA) აღმოსავლეთ კონფერენციის ნახევარფინალში “ბოსტონ სელტიქსმა” “კლივლენდ კავალიერსს” 89:73 სძლია და სერიაში 2:0 დაწინაურდა.
ეროვნული საკალათბურთო ასოციაციის (NBA) მიერ გამოკითხულმა 137 ამერიკელმა და კანადელმა ჟურნალისტმა დასრულებული რეგულარული ჩემპიონატის საუკეთესო ხუთეულები დაასახელა.
ვლადიმერ ბოისას “არისმა” საბერძნეთის ჩემპიონატის მეპთხედფინალში “მარუსისთან” საშინაო მატჩი 79:85 დათმო და სერიაში 1:2 დამარცხდა.
საქართველოს ვაჟ კალათბურთელთა XVI ჩემპიონატის ფლეი ოფის ნახევარფინალური სერიის პირველ შეხვედრაში, “თბილავიამშენმა” თსუ-ს 118:114 მოუგო და 1:0 დაწინაურდა.
ნაციონალურ საკალათბურთო ასოციაციაში მოასპარეზე “ლოს ანჯელეს ლეიკერსის” მცველი კობი ბრაიანტი, პირველად კარიერის განმავლობაში, NBA-ს სეზონის ყველაზე სასარგებლო მოთამაშე გახდა.
ესტონეთის საკალათბურთო ჩემპიონატის ნახევარფინალურ სერიაში გიორგი ცინცაძის “ტარტუ როკმა” თანაქალაქელ “ფაუსტოს” 3:0 სძლია და ფინალში ასპარეზობის უფლება მოიპოვა.
ესპანეთის საკალათბურთო კლუბ “ტაუს” ხორვატმა ლეგიონერმა ზორან პლანიჩიჩმა ტრავმა მიიღო და მოედანზე გასვლას 3 კვირის განმავლობაში ვერ შეძლებს. 