სამშაბათი, 2024-03-19, 2:30 PM
მოგესალმებით Guest

WE LOVE THIS GAME

საქართველოს კალათბურთელთა ეროვნული ნაკრებისა და “თბილავიამშენის” უკანახაზელი კოტე ტუღუში, გატეხილი ცხვირის გამო, 5 მაისს დაგეგმილ ქართულ “ოლ სტარში” ნიღბით იასპარეზებს.
ამის შესახებ “მსოფლიო სპორტს” თავად ტუღუშმა განუცხადა.
ტუღუშმა ცხვირი სუპერლიგის ბოლოსწინა ტურში, “თბილავიამშენი”-“ვითას” შეხვედრის დროს, ერთ-ერთ სათამაშო ეპიზოდში გაიტეხა. ტრავმა სერიოზული აღმოჩნდა, სპორტსმენს ძვალი დაუზიანდა.
ამჟამად, ტუღუშს ცხვირის ტრავმა ბოლომდე არ აქვს მოშუშებული და ამიტომ, ექიმებმა, “ოლ სტარში” მონაწილეობის უფლება, მხოლოდ ნიღბის გაკეთების შემთხვევაში დართეს.
კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (1)

საქართველოს ვაჟ კალათბურთელთა XVI ეროვნულ ჩემპიონატში მოასპარეზე სპორტსმენებით დაკომპლექტებული “ყველა ვარსკვლავის” მატჩი-აქცია, ხვალ, 5 მაისს, თბილისის სპორტის სასახლეში 15 საათზე დაიწყება.
გუნდები სუპერლიგის მე-4 წრის დასრულების შემდეგ დაკავებული კენტი და ლუწი ადგილების მიხედვით გადანაწილდნენ. პირობითად “კენტების” (ენერჯი ინვესტი, ვითა, დინამო) რჩეული კალათბურთელების ნაკრებს დავით უსტიაშვილის (ენერჯი ინვესტი), ხოლო “ლუწებისას” (თსუ, თბილავიამშენი, მაკაბი) ნუგზარ ჭეიშვილის (თსუ) გუნდი ჰქვია.
თითოეული გუნდის სასტარტო ხუთეულების შერჩევა, კალათბურთის ფედერაციის ვებგვერდზე (წწწ.გბტ.გე) რამდენიმე კვირის განმავლობაში მიმდინარეობდა და მასში მონაწილეობა ნებისმიერ მსურველს შეეძლო. რაც შეეხებათ სათადარიგოებს, მათი შერჩევის უფლება მწვრთნელებს - უსტიაშვილსა და ჭეიშვილს ჰქონდათ. მათ თითოეული გუნდიდან, მაქსიმუმ 3 კალათბურთელის აყვანის უფლება მიეცათ. საბოლოოდ ქართულ “ოლ სტარში” ... მეტის წაკითხვა »
კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (1)

ჩინელი კალათბურთელი იაო მინი, რომელმაც მძიმე ოპერაცია გადაიტანა, მომჯობინების გზას დაადგა. Houston Chronicle-ს ცნობით, “ჰოუსტონის” ცენტრი ჩინეთიდან აშშ-ში დაბრუნდა და უყავარჯნოდ გადაადგილების ნებართავაც მიიღო.
“ძალიან მიხარია, რომ ხანგრძლივი დროის შემდეგ, ყავარჯნების გარეშე გავლა შემეძლება. მართალია, გარკვეული პერიოდი სპეციალური ფეხსაცმლით სიარული მომიწევს, თუმცა, საქმე უკეთესობისკენ მიდის და მთავარი ესაა”, - აღნიშნა მინმა.

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

საუდის არაბეთის კალათბურთის ფედერაციამ მსოფლიოს 2014 წლის ჩემპიონატის ჩატარებაზე ოფიციალური განაცხადი შეიტანა.
Fiba.com-ის ცნობით, არაბეთი მსოფლიოს პირველობის მასპინძლობის უკვე მე-5 მსურველია, ესპანეთის, დანიის, რუსეთისა და საფრანგეთის შემდეგ.
მოსალოდნელია, რომ უახლოეს პერიოდში მსგავს სურვილს იტალიის კალათბურთის ფედერაციაც გაახმაურებს.
განაცხადების წარდგენის ვადა მაისში იწურება, 2008 წლის დეკემბრიდან 2009 წლის მარტამდე კანდიდატურების განხილვა მოხდება, აპრილში კი 2014 წლის მსოფლიოს პირველობის მასპინძლის ვინაობა დასახელდება.

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

ესპანეთის, საფრანგეთის, დანიის, რუსეთისა და საუდის არაბეთის შემდეგ, ყატარი მე-6 ქვეყანა გახდა, რომელმაც მსოფლიოს 2014 წლის საკალათბურთო ჩემპიონატის მასპინძლობაზე განაცხადი შეიტანა.
Fiba.com-ის ცნობით, მსოფლიოს მე-17 პირველობის საკუთარ ტერიტორიაზე მიღების მსურველთა საბოლოო სია მაისში გამოქვეყნდება.
2008 წლის დეკემბრიდან 2009 წლის მარტის ჩათვლით, საატესტაციო კომისია განაცხადებს განიხილავს, მსოფლიოს ჩემპიონატის მასპინძლის ვინაობა კი 2009 წლის აპრილში დასახელდება.

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

 ეროვნული საკალათბურთო ასოციაციის (NBA) წევრ “მილუოკი ბაქსის” მთავარ მწვრთნელად სკოტ სკაილზი დაინიშნა. AP-ს ცნობით, 44 წლის სპეციალისტი მილუოკიში 4 სეზონის განმავლობაში იმუშავებს.
სკაილზმა “ბაქსის” თავკაცის პოსტზე ლერი კრისტკოვიაკი შეცვალა, რომელსაც გუნდის გენერალურ მენეჯერ ჯონ ჰემინდთან არცთუ კარგი ურთიერთობა ჰქონდა.
2007-08 წლის რეგულარულ ჩემპიონატში “მილუოკიმ” 56 მარცხის წილ მხოლოდ 26 გამარჯვება იზეიმა, ამასთან, კროსტოვიაკის შეგირდები მატჩში საშუალოდ 103.9 ქულას უშვებდნენ, რაც მთელს ლიგაში უარესი მაჩვენებელი გახლდათ.

 

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

ნაციონალური საკალათბურთო ასოციაციის გუნდ “ნიუ-ჯერსის” მცველმა ვინს კარტერმა, მარჯვენა ტერფრზე ართროსკოპიური ოპერაცია გაიკეთა.
როგორც AP იუწყება, კალათბურთელს რამდენიმე კვირით ყავარჯნებით სიარული მოუწევს, რის შემდეგაც სრული რეაბილიტაციისთვის კიდევ რამდენიმე თვით დაისვენებს.
ვარაუდობენ, რომ ახალი სეზონის დაწყების წინ, კარტერი სრულ მზადყოფნაში იქნება. მიმდინარე სეზონში კარტერი საშუალოდ მატჩში 21.3 ქულას, 6.0 მოხსნას და 5.1 შედეგიან გადაცემას აკეთებდა.

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

“ნიუ იორკ ნიქსის” ლეგენდარული კალათბურთელი პატრი იუინგი მშობლიურ კლუბში მწვრთნელად დაბრუნებას გეგმავს.
Florida Today-ს ცნობით, იუინგმა “ნიქსის” თავკაცის პოსტს თვალი მას შემდეგ დაადგა, რაც ნიუ იორკელთა ხელმძღვანელობამ უხეირო შედეგების გამო, გამოცდილი აიზია თომასი დაითხოვა.
“ნიქსის” პრეზიდენტი დონი უოლში იუინგის კანდიდატურას, რომელსაც ზურგს “ორლანდო მეჯიქის” მწვრთნელის ასიტენტობა უმაგრებს, სერიოზულად განიხილავს.

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

ეროვნული საკალათბურთო ასოციაციის (NBA) წევრი “ჩიკაგო ბულზი” ახალი მწვრთნელს სამი კანდიდატურიდან აარჩევს. ჩიკაგოელთა ინტერესის სფეროში რიკ კარლაილი, ტომ იზო და ლიგის ყოფილი მოთამაშე მარკ ჯეკსონი მოექცნენ.
Detroit Free Press-ის ცნობით, “ბულზის” გენერალური მენეჯერი ჯონ პექსონი უკვე შეხვდა კარლაილს და საკმაოდ კარგი შთაბეჭდილებაც დარჩა, ახლა კი, რიგში მიჩიგანის უნივერიტეტის თავკაცი იზო და ჯეკსონი დგანან.

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

 ქართველმა ზაზა ფაჩულიამა და მისმა “ატლანტა ჰოუქსმა” ეროვნული საკალათბურთო ასოციაციის (NBA) ფლეიოფში პირველი გამარჯვება იზეიმეს.
“ბოსტონ სელტიქსთან” სერიის საწყის ორ შეხვედრაში უიმედო მარცხის შემდეგ, ატლანტელები მშობლიურ “ფილიპს არენაზე” 20 ათასამდე ქომაგის მხარდაჭერით, მაგრად დადგნენ და ლიგის ერთ-ერთ საუკეთესო გუნდს 102:93 სძლიეს.
ფაჩულიამ 14 წუთს ითამაშა და “ჰოუქსს” 4 ქულა და 4 მოხსნა შესძინა.
ზაზამ თამაშიდან 2-ვე ტყორცნა გააცუდა, 4 საჯარიმოდან კი არცერთი აუცილებია.
ქართველმა ცენტრმა ბურთი 3-ჯერ დაკარგა და მსაჯებს ამდენივე საჯარიმო დასტყუა.
ფაჩულიას კონკურენტმა ალ ჰორფორდმა 17 ქულითა და 14 მოხსნით მორიგი ორმაგი დუბლი მიითვალა, ჯოშ სმიტმა 27 ქულა, 9 მოხსნა, 6 პასი და 2 ჩაჭრა დააგროვა, ხოლო ჯო ჯონსონი 23 ქულას, 7 მოხსნასა და 6 პასს დასჯერდა.
“სელტიქსის” რიგებში 10-ქულიან ზღვარს სასტარტო ხუთეულის ყველა წევრმა მიაღწია, საუკეთესო კი, ტრადიციულად, კე ... მეტის წაკითხვა »

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

ქართველი კალათბურთელი ნიკოლოზ ცქიტიშვილი, რომელიც ბოლო ხანს “სივილია ვეარ ტერამოს” განაცხადში ვერ ხვდება, მოედანზე ვერც 34-ე ტურში ვიხილეთ.
ტერამოელები ცქიტიშვილის გარეშე ტრევიზოს “ბენეტონს” ესტუმრნენ და 72:88 დამარცხდნენ.
“სკიტას” კლუბს 15 მოგების წილ 18 მარცხი მოუგროვდა და 18-გუნდიან ლიგაში მე-10 ადგილზე იმყოფება.

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

 ეროვნული საკალათბურთო ასოციაციის (NBA) “ყველაზე პროგრესირებად მოთამაშედ” “ორლანდო მეჯიქის” ფორვარდი ჰედო თურქოღლუ დასახელდა.
AP-ს ცნობით, 29 წლის კალათბურთელმა გამოკითხვაში 380 ქულა მოაგროვა და უახლოეს მდევარ – “მემფისის” წევრ რუდი გეის 200 ქულით აჯობა.
მიმდინარე სეზონში თურქოღლუს საშუალო მონაგარი 19.5 ქულა გახლდათ, რაც მის შარშანდელ მაჩვენებელზე 6.2 ქულით მეტია.

 

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

 ზაზა ფაჩულიას “ატლანტა ჰოუქსმა” მის ყოფილ გუნდს, სამხრეთ-აღმოსავლეთ კონფერენციის კიდერს “ორლანდო მეჯიქს” 98:90 მოუგო და აღმოსავლეთ კონფერენციაში საფლეიოფო მე-8 ადგილზე გამაგრდა.

ქართველმა ცენტრმა მოედანზე 13 წუთი დაჰყო და 4 ქულა მოუტანა გუნდს. ზაზამ 4-დან 1 ორქულიანი და 6-დან 2 საჯარიმო ჩააგდო. ერთხელ ზაზამ სამქულიანის ისროლა, მაგრამ არაზუსტად. ამასთან, 3 მოხსნაც მიითვალა, 2-ჯერ დაჯარიმდა და ბურთი 4-ჯერ დაჯარგა.
მომდევნო მატჩს ჯორჯიელები ოთხშაბათ დილით, ჩიკაგოში, ადგილობრივ “ბულზთან” ჩაატარებენ.

 

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

გასულ უქმეებზე მატჩში, რომელიც “კლივლენდ კავალიერსმა” “ტორონტო რაპტორსს” 90:83 მოუგო, კლივლენდელთა ლიდერმა ლებრონ ჯეიმსმა თავის ანგარიშზე 29 ქულა ჩაიწერა და კლუბში 10.414 ქულა დაუგროვდა.
ამით ვარსკვლავი, “კლივლენდის” არსებობის ისტორიაში, ყველაზე შედეგიანი მოთამაშე გახდა, გაუსწრო რა “კავალიერსის” გასული წლების ვარსკვლავ ბრედ დოგერტის.

აღსანიშნავია, რომ კლუბის რეკორდის დამყარებისთვის ლებრონს სულ რაღაც 380 მატჩი დასჭირდა. და ეს იმ დროს, როდესაც დოგერტიმ კლივლენდის შემადგენლობაში 548 მატჩი გამართა.

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

დენვერ ნაგეტსის ვარსკვლავური მცველი ალენ აივერსონი პირველად ეწვია “ფილადელფია სიქსერსის” საშინაო არენას სტუმრის რანგში.
- მე დიდი ძალისხმევა გავიღე, რათა სხვა გუნდში გავცლილიყავი, მაგრამ ყოველთვის მსურდა “ფილადელფიაში” დამესრულებინა კარიერა. მე მქონდა ასეთი შესაძლებლობა.

არასდროს მსურდა სტუმართა გასახდელში აღმოვჩენილიყავი. არასდროს არაფერი მითქვამს ცუდი “ფილადელფიას” ხელმძღვანელობის მისამართით. მათ მე სახელი გამითქვეს, მომცეს ოჯახის რჩენის შესაძლებლობა. მე მათი მადლობელი ვარ - განაცხადა აივერსონმა მატჩის წინ, რომელიც “სიქსერსის” გამარჯვებით 115:113 დასრულდა, აკოცა “ფილადელფიას” ლოგოს და მხურვალედ მიესალმა იქ შეკრებილ გულშემატკივარს.

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

ის ეროვნული საკალათბურთო ასოციაციის მთავარი ვარსკვლავია. მას “მეფეს” და “რჩეულს” უწოდებენ. საშუალოდ მატჩში 30-ზე მეტ ქულას აგროვებს. უკვე აღარ ადარებენ მაიკლ ჯორდანს, რადგან ეს თემა მობეზრებულია და მას დამოუკიდებლად აფასებენ. მისი დიდება უკვე ყოველგვარ საზღვრებს გასცდა. მის ფოტოებს მოდური ჟირნალების ყდებზე ბეჭდავენ. მან 90-მილიონიანი კონტრაქტი გააფორმა “ნაიკთან”. ის ორი შვილის მამაა.. რაც ყველაზე საინტერესოა, ჯერ მხოლოდ 23 წლისაა.
ეროვნული საკალათბურთო ასოციაციის საუკეთესო ბომბარდირს, ლებრონ ჯეიმსს წელს კიდევ ერთი სიმაღლე ექნება დასაპყრობი - აგვისტოში მას და “დრიმ თიმს” პეკინის ოლიმპიადა ელით. სწორედ ამ თემით იწყება “კლივლენდის” ლიდერის ინტერვიუ.

-ნაკრებში მისი ისტორიის ყველაზე რთულ და უარეს პერიოდში მიხვედით - წაგებული ოლიმპიადა, ჩაგდებული მსოფლიო ჩემპიონატი… რა ელოდება “დრიმ თიმს” წლევანდელ ოლიმპიადაზე?
-ამერიკას ყოველთვის ერთი მიზანი აქვს - ოქ ... მეტის წაკითხვა »

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

“ატლანტა ჰოუქსმა” “ფილადელფია სიქსერზთან” ერთმანეთის მიყოლებით ორი მატჩი გამართა, ჯერ სტუმრად, შემდეგ – შინ. ჯორჯიელებმა საშინაო შეხვედრა 104:109 დათმეს, ხოლო გასვლითი – 92:85 მოიგეს.
“ატლანტამ” ფილადელფიელები ფარქვეშ ორივე შემთხვევაში დაჩაგრა, შინ მოხსნებში 39:29 აჯობა, ხოლო სტუმრად – 42:33. თუმცა, პირველ მატჩში წაგების მიზეზი “სიქსერზის” ფორვარდის ანდრეს იგუოდალას დამაჯერებელი თამაში იყო. მან 30 ქულა და 10 შედეგიანი პასი მიითვალა.
“ატლანტას” მხრიდან ჯო ჯონსონი გამოირჩა, რომლის ანგარიშზე 32 ქულაა. ზაზა ფაჩულიამ წაგებულ შეხვედრაში 17 წუთი ითამაშა, 5–დან 3 ორქულიანი გამოიყენა და მატჩი 6 ქულით, 5 მოხსნით, 2 შეცდომითა და 1 ფოლით დაასრულა.
მოგებულ გასვლით შეხვედრაში ზაზამ ერთით ნაკლები, 16 წუთი ითამაშა და შეტევითი მონაგარი იგივე ჰქონდა: 6 ქულა (აქაც 5–დან 3 ორქულიანი), 4 მოხსნა, 2–2 პას–ჩაჭრა და 1 შეცდომა.
საშინაო მატჩში 3 ... მეტის წაკითხვა »

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

საქართველოს კალათბურთის ფედერაციის ვებ-გვერდზე ჩატარებული გამოკითხვის შედეგების თანახმად განისაზღვრა საქართველოში სუპერლიგის ყველა ვარსკვლავის აქცია-მატჩის მონაწილე-გუნდები. შეხვედრა 5 მაისს თბილისში გაიმართება. ყველაზე ბევრი ხმა გიორგი გამყრელიძემ (”ენერჯი-ინვესტი”) მიიღო, რაც მისი, როგორც საქართველოს ჩემპიონატის საუკეთესო კალათბურთელის აღიარებაა.

დავით უსტიაშვილის გუნდი (ენერჯი ინვესტი, ვითა, დინამო)
უკანა ხაზი: გიორგი გამყრელიძე (ენერჯი ინვესტი) – 765 ხმა, ბესიკ ლეჟავა (ენერჯი ინვესტი) – 465.
ფორვარდები: ვიქტორ სანიკიძე (დინამო) – 643, მიხეილ ბერიშვილი (ვითა) – 516.
ცენტრი: იოვან სტეფანოვი (ენერჯი ინვესტი) – 643.

ნუგზარ ჭეიშვილის გუნდი (თსუ, თბილავიამშენი, მაკაბი)
უკანა ხაზი: კოტე ტუღუში (თბილავიამშენი) – 756, შიო ხეცურიანი (თსუ) – 521.
ფორვარდები: დავით ბარბაქაძე (თსუ) – 679, მიხეილ ფანჩულიძე (თსუ) – 622.
ცენტრი: რიჩა ... მეტის წაკითხვა »

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

null“ნიუ ორლეან ჰორნეთსმა” და “სან ანტონიო სპურზმა” ეროვნული საკალათბურთო ასოციაციის (NBA) ფლეიოფში, შესაბამისად, “დალას მავერიქსსა” და “ფენიქს სანზს” მე-4 მატჩები მოუგეს და დასავლეთ კონფერენციის ნახევარფინალში თამაშის უფლება მოიპოვეს.
ნიუ ორლეანელებმა დალასელებს 99:94 სძლიეს, რაშიც ლომის წვლილი სამმაგი დუბლის (24 ქულა, 11 მოხსნა, 15 პასი) შემსრულებელმა პოლმა დაიდო.
25 ქულა და 7 მოხსნა მოუგროვდა უესტს, ხოლო ჩენდლერმა 10 ქულას, 14 მოხსნა და 3 დაფარება წაამატა.
“მავერიქსის” ლიდერმა ნოვიცკიმ გუნდს 22 ქულა, 13 მოხსნა და 6 პასი მოუტანა.
პარკერისა და დანკანის ბენეფისად იქცა “სპურზისა” და “სანზის” მატჩი, რომელიც მასპინძლებმა 92:87 მოიგეს. ფრანგმა გამთამაშებელმა 31 ქულითა და 8 პასით მატჩის ბომბარდირობა არავის დაუთმო, ამერიკელი ვარსკვლავი კი 29 ქულას, 17 მოხსნასა და 3 დაფარებას გამორჩა.
ფენიქსელთა რიგებში დიაო 22 ქულას, 8 მოხსნასა და 8 პასს გამორჩა, სტაუდმაიერმა ... მეტის წაკითხვა »
კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

nullეროვნული საკალათბურთო ასოციაციის (NBA) 2007-08 წლების სეზონის საუკეთესო ახალბედად კევინ დურანტი დასახელდა. აღნიშნულის შესახებ ინფორმაციას Seattle Times-ი ანონიმურ წყაროზე დაყრდნობით ავრცელებს.
გაზეთის ცნობით, “სიეტლ სუპერსონიქსის” ლიდერმა გამოკითხვაში “ატლანტა ჰოუქსის” ცენტრ ალ ჰორფორდს აჯობა, რაც ოფიციალურად 1 მაისს გაცხადდება.
რეგულარულ ჩემპიონატში დურანტი საშუალოდ 20.3 ქულას აგროვებდა. კევინი NBA-ს ისტორიაში მხოლოდ მე-3 კალათბურთელი გახდა, რომელმაც სადებიუტო სეზონში მატჩში 20 ქულაზე მეტის მოქუჩება შეძლო. აქამდე მსგავსი რამ ლებრონ ჯეიმსსა და ელტონ ბრენდს მოუმოქმედებიათ.


კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

nullეროვნული საკალათბურთო ასოციაციის (NBA) წევრ “შარლოტ ბობქეთსის” მთავარ მწვრთნელად სახელოვანი ლარი ბრაუნი დაინიშნა, რომელიც უკანასკნელ ხანს “ფილადელფია სიქსერზის” პრეზიდენტად მუშაობდა.
AP-ს ცნობით, ხსენებულ პოსტზე 67 წლის ბრაუნმა სემ ვინსენტი შეცვალა, რომელიც უხეირო შედეგების გამო დაითხოვეს.
გამოცდილი სპეციალისტის მთავარი მიზანი მომავალ სეზონში “შარლოტის” ფლეიოფში გაყვანა იქნება.


კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

nullლეგენდარულმა პატ რაილიმ ეროვნული საკალათბურთო ასოციაციის (NBA) კლუბ “მაიამი ჰითის” მწვრთნელის პოსტი დატოვა და მუშაობას პრეზიდენტის თანამდებობაზე გააგრძელებს, მაიამელთა ახალი თავკაცი კი ერიკ სპოელსტრა იქნება.
37 წლის სპეციალისტმა “ჰითში” მუშაობა 1995 წელს ვიდეო-კოორდინატორად დაიწყო, 13-წლიანი სამსახურის მიწურულს კი რაილის თანაშემწედა და გუნდის სკაუტინგის დირექტორად მუშაობდა.
სპოელსტრა NBA-ს ისტორიაში ყველაზე ახალგაზრდა მწვრთნელი გახდა. იგი აქამდელ რეკორდსმენზე – “ნიუ ჯერსის” თავკაც ლოურენს ფრანკზე 69 დღით

კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

უკრაინის საკალათბურთო ჩემპიონატის ნახევარფინალურ სერიაში, მანუჩარ მარკოიშვილის “ბკ კიევმა” ლვოვის “პოლიტექნიკა-გალიჩინა” 104:72 გაანადგურა და 2:0 დაწინაურდა.
კიეველთა მწვრთნელმა ტომო მაჰორიჩმა ტრავმის შემდეგ, ახლადმომჯობინებულ მარკოიშვილს მხოლოდ 16 წუთი დაუთმო, რა დროშიც ქართველმა 6 ქულა და 1 პასი მიითვალა.
მანუჩარმა 4-დან 2 სამქულიანი ჩააგდო, 4-ჯერ დაჯარიმდა, ბურთი კი ერთხელ დაკარგა.
“ბკ კიევის” რიგებში საუკეთესო რაიან სტეკმა 22 ქულა დააგროვა, “პოლიტექნიკა-გალიჩინას” ლიდერი ვოლოდიმირ გურტოვი კი 16 ქულას დასჯერდა.
ნახევარფინალური სერიის მე-3 მატჩი ლვოვში 7 მაისს შედგება.
კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

გიორგი ცინცაძის “როკმა” თანაქალაქელ “ფაუსტო-ტარტუს” ნახევარფინალური სერიის მე-2 მატჩიც მოუგო და თუკი, 6 მაისს, მეტოქეს შინაურ კედლებში კიდევ ერთხელ აჯობებს, ესტონეთის საკალათბურთო ჩემპიონატის პირველი ფინალისტი გახდება.
“როკმა” გასვლით მატჩში 88:72 იმარჯვა, ცინცაძემ კი 13 ქულა, 8 პასი, 3 მოხსნა, 1 ჩაჭრა და 1 დაფარება მიითვალა და სტუმართა რიგებში საუკეთესო კალათბურთელი გახდა.
ქართველმა გამთამაშებელმა მოედანზე 36 წუთი გაატარა და 10-დან 5 ორქულიანი და 6-დან 3 საჯარიმო ჩააგდო.
“ფაუსტო-ტარტუს” რიგებში საუკეთესო არმპალუმ 25 ქულისა და 9 მოხსნის მოგროვება შეძლო.
კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

საბერძნეთის საკალათბურთო პირველობის მეოთხედფინალური სერიის პირველ მატჩში, ვლადიმერ ბოისას “არისი” “მარუსის” დაუხვდა და სენსაციურად 61:72 დამარცხდა.
ქართველმა კალათბურთელმა 25 წუთს ითამაშა და სალონიკელებს 6 ქულა და 3 მოხსნა შესძინა. ბოისამ 3-დან 1 საჯარიმო, ორქულიანი და 5-დან 1 სამქულიანი ჩააგდო, ბურთი კი ერთხელ დაკარგა.
“არისის” რიგებში ცალდარისმა და ვაშინგტონმა 12-12 ქულა მიითვალეს, მატჩის გმირი კი “მარუსის” წევრი მილისავლიევიჩი გახდა, რომელმაც 27 ქულა მოაგროვა.
სერიის მე-2 შეხვედრას “მარუსის” სარბიელი 5 მაისს უმასპინძლებს.
კატეგორია: ახალი ამბები | თარიღი: 2008-05-04 | რეიტინგი: 0.0/0 | კომენტარები (0)

ნბა-ს პლეი ოფში რის ვაი-ვაგლახით შესულმა ”ატლანტა ჰოუქსმა” 29.04.2008 საკალათბურთო საზოგადოება გააოცა - ”ბოსტონ სელტიქსი” შინ მეორედ დაამარცხა და მერვედფინალურ სერიაში ანგარიში გაათანაბრა – 2:2

ამერიკელები არანაკლებ გააოგნა ზაზა ფაჩულიას მოქმედებამ. ქართველმა ცენტრმა კევინ გარნეტს იდაყვის ჩარტყმა არ შეარჩინა და, როგორც ”ატლანტას” ერთ-ერთი ქომაგი წერს, კევინს ვალი ზინედინ ზიდანის ილეთით დაუბრუნა.

ფაჩულიასა და გარნეტის ჩხუბს ცალკე სტატია მიეძღვნა ატლანტურ გაზეთ ”კონსტიტუშენში”

”მეოთხე მატჩამდე ”ჰოქსსა” და ”სელტიქსს” თანაბარ გუნდებად არავინ თვლიდა, მაგრამ ბოლო თამაშმა ბევრს აზრი შეაცვლევინა. ზაზა ფაჩულიასა და კევინ გარნეტის შეხლა-შემოხლამაც ნათლად დაგვანახვა, რომ ჯორჯიელები არაფრის დამთმობნი არ არიან.

დიდ შესვენებამდე 7:24 წუთით ადრე ”ბოსტონის” ფარზე ბურთისთვის ბრძოლისას განეტმა ზაზას მკერდში იდაყვი უთავაზა. ქართველმა ცე ... მეტის წაკითხვა »

კატეგორია: ახალი ამბები | თარიღი: 2008-05-04 | რეიტინგი: 5.0/1 | კომენტარები (2)

მენიუ
კატეგორიები
ახალი ამბები
ვიდეოები
სურათები
ბიოგრაფიები
მნიშვნელოვანი ფაქტები
ინტერვიუები
ავტორიზაცია
კალენდარი
«  მაისი 2008  »
კვიორშსამოთხხუთპარშაბ
    123
45678910
11121314151617
18192021222324
25262728293031
ძიება
მეგობრები
სტატისტიკა

სულ საიტზეა: 1
სტუმრები: 1
წევრები: 0
გამოკითხვა
საუკეთესო ქართველი კალათბურთელი
ხმების რაოდენობა: 678
მინი ჩეთი